ລໍາຕົ້ນເຄືອຫມາກຕາໄກ້ ໃຊ້ປະສົມກັບໝາກພິກໄທ ແລະ ຫົວກະທຽມ ແລ້ວມາຕົ້ມດື່ມ ຊ່ວຍໃນການບໍາລຸງຮ່າງກາຍ.

ບັນຍາຍລັກສະນະພືດສາດ ເຄືອໝາກຕາໄກ້ຈັດເປັນພັນໄມ້ພຸ່ມເຄີອ ຫຼື ເຄືອຂະໜາດໃຫຍ່, ມີລໍາຕົ້ນສີຂຽວອົມເທົາເຖິງສີນໍ້າຕານ ຫຼື ສີນໍ້າຕານອົມດໍາ, ລໍາຕົ້ນກົມ ຫຼື ເປັນຫຼ່ຽມ, ລໍາຕົ້ນມີໜາມຕາມງ່າມໃບ, ມີມືຈັບອັນດຽວ ແລະ ມີຂົນ.

ໃບດ່ຽວ, ຈັບກົງກັນຂ້າມກັນ, ແຜ່ນໃບມີລັກສະນະເປັນຫຼ່ຽມເຂົ້າຫຼາມຕັດເຖິງຄ່ອນຂ້າງກົມ, ຮູບໃບຫອກເຖິງຮູບໄຂ່, ກວ້າງ 1-5.8 ຊມ ແລະ ຍາວ 1.5-11 ຊມ. ດອກເກີດເປັນຊໍ່ກະຈຸກແຕກແໜງຕາມງ່າມໃບ ຫຼື ປາຍກິ່ງ, ຍາວ 5-20 ມມ, ກ້ານຊໍ່ດອກສັ້ນກົມ ຫຼື ຍາວໄດ້ເຖິງ 9 ມມ, ດອກມີຈໍານວນຫຼາຍສ່ວນກ້ານດອກຍາວ 0.9-1.7 ມມ, ກີບດອກມີສີຂຽວເຖິງສີຂາວ, ມີກີບ 5 ກີບ.

ໝາກກົມ ຫຼື ຮູບໄຂ່, ມີເສັ້ນຜ່າສູນກາ 0.5-1.5 ຊມ, ໝາກມີສີຂຽວ ເມື່ອສຸກແລ້ວຈະເປັນສີສົ້ມ ຫຼື ແດງ, ເປືອກໝາກບາງລຽບ, ໃນໝາກມີແກນ 1-2 ແກ່ນ.

ບັນຍາຍການນຳໃຊ້ ສັບພະຄຸນ: – ແກ່ນໃຊ້ຕົ້ມກັບນໍ້າດື່ມ ມີສັບພະຄຸນຊ່ວຍບໍາລຸງກໍາລັງ. – ລໍາຕົ້ນໃຊ້ປະສົມກັບໝາກພິກໄທ ແລະ ຫົວກະທຽມ ແລ້ວມາຕົ້ມດື່ມ ຊ່ວຍໃນການບໍາລຸງຮ່າງກາຍ.

– ແກ່ນຊ່ວຍບໍາລຸງເລືອດ. – ຊ່ວຍແກ້ເສັ້ນເອັນພິການໂດຍໃຊ້ເປືອກຕົ້ນ, ແກ່ນ ແລະ ໃບ ນໍາມານໍ້າຕົ້ມນໍ້າດື່ມ. – ລໍາຕົ້ນຊ່ວຍແກ້ອາການໄອ.

– ແກ່ນຊ່ວຍແກ້ໄຕພິການ. – ຮາກໃຊ້ຕໍາພອກແກ້ຝີ.


11 views0 comments