top of page

ອາເມຣິກາສາມາດປ້ອງກັນໂລກຮ້ອນໄດ້ແທ້ບໍ່?




ທີ່ຜ່ານມາ ຫຼັງ​ຈາກ​ທີ່​ສະພາ​ຂັ້ນເທິງຂອງ​ອາ​ເມ​ລິ​ກາ​ໄດ້​ຜ່ານ​ຮ່າງ​ກົດໝາຍສະບັບ​​ສຳຄັນ​ທີ່​ສະມາຊິກ​ໄດ້​ເຈລະຈາ​ກັນ​ເປັນ​ເວລາ​ກວ່າ 1 ປີ ມີກັນລະຍາມິດ​ທ່ານໜຶ່ງຖາມ​​ທັນທີ​ວ່າ ກົດໝາຍສະບັບນັ້ນຈະຊ່ວຍປ້ອງກັນບັນຫາທີ່ເກີດຈາກພາວະໂລກຮ້ອນໄດ້ແທ້ບໍ? ຕອບສັ້ນໆວ່າໜ້າຈະຊ່ວຍໄດ້ແນ່ ແຕ່ຍັງມີປັດໃຈສໍາຄັນອື່ນໆອີກຫຼາຍ.


ກົດໝາຍດັ່ງກ່າວຊື່ “ບັນຫຍັດຫຼຸດຜ່ອນ​ເງິນ​ເຟີ້” ປະ​ກອບ​ດ້ວຍ​ຫຼາຍ​ມາດ​ຕະ​ການ​ກວມ​ເອົາ 3 ຂະ​ແໜງ​ການ​ຄື: ຂະ​ແໜງ​ເສດ​ຖະ​ກິດ, ສັງ​ຄົມ ແລະ​ດິນ​ຟ້າ​ອາ​ກາດ ​ຂັ້ນຕໍ່ໄປ ກົດໝາຍນັ້ນໄດ້ຮັບພິຈາລະນາໂດຍສະພາ​ຜູ້​ແທນ​ລາຊະ​ດອນ ​ເຊິ່ງລາຍງານຊີ້ເເຈງວ່າຈະເຮັດໃນມື້ນີ້ ສະພາຜູ້ແທນອາດຈະຂໍປັບປ່ຽນບາງຢ່າງ.


ຢ່າງໃດກໍດີຕ່າງເຫັນພ້ອມຕ້ອງກັນວ່າ ການ​ດັດ​ແກ້​ຈະ​ບໍ່​ມີ​ຜົນ​ກະ​ທົບຕໍ່​ສະລະສຳຄັນ ເນື່ອງຈາກສະພານັ້ນພັກ​ຂອງ​ທ່ານ Biden ຄວບ​ຄຸມ​ສຽງ​ສ່ວນ​ຫຼາຍ ​ແລະ ອີກບໍ່ຈັກມື້ຈະລົງນາມປະກາດໃຊ້​


ໃນຂົງເຂດສະພາບອາກາດ ມາດຕະການຫຼັກທີ່ສໍາຄັນແມ່ນແນໃສ່ກະຕຸ້ນໃຫ້ຊາວອາເມຣິກາປັບປ່ຽນການບໍລິໂພກ ແລະ ການຜະລິດສິນຄ້າຈາກການປ່ອຍອາຍພິດ ເຊັ່ນການນໍາໃຊ້ລົດໄຟຟ້າແທນທີ່ຈະລົດທີ່ໃຊ້ນໍ້າມັນແອັດຊັງ ຜະລິດໄຟຟ້າດ້ວຍລົມ ແລະ ແສງແດດແທນຖ່ານຫີນ.




ແຮງຈູງໃຈສ່ວນໃຫຍ່ຈະຢູ່ໃນຮູບແບບຂອງ "ການຫຼຸດຜ່ອນພາສີ" ສໍາລັບທັງຜູ້ໃຊ້ລົດ ແລະ ຜູ້ລົງທຶນຜະລິດພະລັງງານ ເມື່ອສົມທົບມາດຕະການໃນຂະແໜງການນີ້ເຂົ້າກັນ ຄາດ​ຄະ​ເນ​ວ່າ ລັດຖະບານ​ຈະ​ຕ້ອງ​ລົງທຶນ​ເຖິງ 390 ຕື້ USD ແລະສາມາດຫຼຸດຜ່ອນການປ່ອຍອາຍພິດເຮືອນແກ້ວໃນສະຫະລັດໄດ້ 40% ໃນ 8 ປີ


ເຖິງ​ແມ່ນ​ວ່າ​ມາດ​ຕະ​ການ​ໃນ​ຂະ​ແຫນງ​ການ​ດິນ​ຟ້າ​ອາ​ກາດ​ຈະມາດຕະການເຂັ້ມ​ແບບ​ບໍ່​ເຄີຍ​ມີ​ມາກ່ອນ ​ແຕ່​ຍັງ​ມີ​ຫຼາຍ​ປັດ​ໄຈ​ທີ່​ຈະ​ປ້ອງ​ກັນ​ບໍ່​ໃຫ້​ໂລກ​ຮ້ອນ​ບັນລຸ​ເປົ້າ​ໝາຍ​ຕາມ​ເສັ້ນທາງອີກຫຼາຍ ໃນສະຫະລັດມີປັດໃຈຫຼາຍຢ່າງອີກເຊັ່ນ ຫຼັງຈາກເລືອກຕັ້ງສະມາຊິກສະພາໃນທ້າຍປີນີ້ພັກຣີພັບລີກັນອາດຈະໄດ້ຮັບສຽງສ່ວນຫຼາຍ ພັກ​ນີ້ແມ່ນຕໍ່ຕ້ານມາດຕະການໃນກົດໝາຍເເບບຫົວຊົນຝາ


ນອກຈາກນັ້ນປັດໃຈສໍາຄັນແມ່ນ ຊາວອາເມຣິກາຈະປ່ຽນຮູບແບບການບໍລິໂພກ ເພື່ອຮັບປະໂຫຍດຢ່າງເຕັມທີ່ຈາກແຮງຈູງໃຈທີ່ລັດຖະບານໄດ້ມອບໃຫ້ພາຍໃຕ້ກົດໝາຍໃຫມ່ຫຼືບໍ່? ຊາວ​ອາ​ເມ​ລິ​ກາ​ອາດ​ຈະ​ເຮັດ​ໜ້ອຍ​ກວ່າ​ທີ່​ຄາດ​ໄວ້.




ຍິ່ງກວ່ານັ້ນ ຜູ້ທີ່ຮູ້ເລື່ອງລາວຂອງຊາວອາເມລິກາ ແລະ ດ້ານເສດຖະກິດຢູ່ແນ່ ຈະເບິ່ງເຫັນທັນທີວ່າມາດຕະການຕ່າງໆ ບໍ່ໄດ້ສ້າງເເຮງຈູງໃຈໃຫ້ຊາວອາເມລິກາຫຼຸດຜ່ອນການບໍລະໂພກເກີນຄວາມຈຳເປັນລົງ ເນື່ອງຈາກແນວຄິດພື້ນຖານສັງຄົມອາເມລິກາ.

1 view0 comments

Comments


bottom of page