top of page

ແນະນໍາໄອເດຍຄວາມເໝາະສົມໂສ້ງຂາສັ້ນກັບເກີບຜ້າໃບທີ່ໄດ້ຮັບແຮງບັນດານໃຈຈາກເຫຼົ່າຄົນດັງ

Updated: Aug 29, 2022



ແນະນໍາໄອເດຍຄວາມເໝາະສົມໂສ້ງຂາສັ້ນກັບເກີບຜ້າໃບທີ່ໄດ້ຮັບແຮງບັນດານໃຈຈາກເຫຼົ່າຄົນດັງ


ເວົ້າໄດ້ວ່າໂສ້ງຂາສັ້ນ ແລະ ເກີບຜ້າໃບຖືເປັນຄູ່ທີ່ເໝາະສົມທີ່ລົງໂຕເພາະສາມາດຈັບມາເລືອກໃສ່ເພື່ອສ້າງເປັນເຄື່ອງແຕ່ງກາຍຫຼາຍແບບ ຕັ້ງແຕ່ແຕ່ງແບບທຳມະດາສະບາຍ ຈົນໄປຮອດເເບບຈັດເຕັມ ດັ່ງນັ້ນຈຶ່ງບໍ່ໜ້າແປກໃຈທີ່ສາວໆທຸກຄົນຈະມີທັງສອງສິ່ງເຫຼົ່ານີ້ຕິດກັນໄວ້ຢູ່ເເລ້ວ ຫຼື ແມ້ແຕ່ເຊເລັບຄົນດັງກໍເເຕ່ງດ້ວຍສອງຢ່າງນີ້ເລື່ອຍໆ ດັ່ງ​ນັ້ນ​ເພື່ອ​ເປັນການເພີ່ມໄອເດີຍໃຫ້ເຂົ້າກັນຫຼາຍຍິ່ງຂື້ນເຮົາຈຶ່ງນຳເອົາຫຼາກຫຼາຍສະໄຕລ໌ການແຕ່ງໂຕທີ່ຈັບຄູ່ 'ໂສງຂາສັ້ນ x ເກີດຜ້າໃບ' ຂອງເຫຼົ່າຄົນດັງມາຝາກໃຫ້ທຸກຄົນນຳໄປເປັນແຮງບັນດານໃຈແລະເເຕ່ງຕາມກັນໄດ້ໃນຊີວິດປະຈຳວັນ



Tomboy-Chic Look

ເປີດປະເດີມກັບນາງແບບຊຸບເປີໂມເດວ Hailey Bieber ມາໃນແບບ All-Pink ນຸ່ງເສື້ອແລະໂສ້ງຂາສັ້ນຮັດຮູບສີບົວນີ້ເປັນ ສະໄຕລ໌Bike Shorts ພ້ອມໃສ່ເກີບຜ້າໃບພື້ນໜາຈາກ adidas ແລະແວ່ນຕາກັນແດດຊົງ Tortoiseshell ທີ່ສວຍງາມ ໂດຍລວມຈະຄືກັບຊຸດໄປຫຼີ້ນກິລາ ແຕ່ຄວາມຈິງແລ້ວ ສາມາດແຕ່ງເປັນຊຸດຍ່າງແບບສະບາຍໆໄດ້




Street-Smart Style

ມາຕໍ່ກັນທີ່ Gigi Hadid ເຊິ່ງມາກັບເສື້ອຄຸມເບວເຊິຊົງນຽບ ທາງໃນໃສ່ເສື້ອທີເຊີດກຣາຟິກຈາກຄໍເລັກຊັນ Stella McCartney x Taylor Swift ສ່ວນໂສ້ງຂາສັ້ນຮັດຮູບມາໃນສະໄຕລ໌ Bike Shorts ແລະ ໃສ່ຖົງຕີນສູງຕີນພ້ອມກັບເກີບຜ້າໃບ Reebox ສີຂາວ ປິດທ້າຍກັບແວ່ນຕາກັນແດດຊົງມົນສີຂາວ ແລະ ກະເປົາ tote ສີສັນສົດໃສ ເປັນການປະສົມປະສານ Street-Smart ແລະ Working Girl ມີຄວາມເປັນສະປອດຢູ່ນຳ




City Style

ມາຕໍ່ກັນທີ່ Kendall Jenner ແຟຊັນໄອຄອນໂຕແມ່ທີ່ເປັນຕົ້ນແບບຂອງການເເຕ່ງໂຕຂອງໃຜຫຼາຍຄົນ ໂດຍປະສົມໃຫ້ເໝາະສົມກັນດ້ວຍເສື້ອຍືດສີຟ້າໂສ້ງຂາສັ້ນເບິມິວດ້າແອວສູງແບບ Mom Jean ໃນສີເທົາ ລາຍລະອຽດຂາໂສ້ງແບບຕັດອອກ ໃສ່ເກີບຜ້າໃບ Adidas Yeezy 500 Utility ສີດໍາ ດ້ວຍເຄື່ອງນຸ່ງທີ່ເປັນໂທນສີເທົາດຳ ຈາກຫົວຮອດຕີນໃນແບບ All-Black ເທ່ໆ ເໝາະສໍາລັບແຕ່ງຍ່າງຢູ່ໃນເມືອງໃນລະດູຮ້ອນ.




Athleisure Style

ຕໍ່ກັນທີ່ Bella Hadid ຜູ້ທີ່ມີທັກສະໃນການເລືອກເຄື່ອງອອກກຳລັງກາຍ ຫຼື ຊຸດກິລາມາປ່ຽນເປັນແຟຊັ່ນໃນຊີວິດປະຈຳວັນໄດ້ ຜູ້ຄົນຈຶ່ງໄດ້ຍົກຕຳແໜ່ງໃຫ້ Bella ເປັນເຈົ້າແມ່ Athleisure Style ໂດຍໃສ່ເສື້ອສາຍດ່ຽວສີດຳທີ່ໃສ່ທັບກັບເສື້ອກ້າມສີຂາວດ້ານໃນ ສ່ວນໂສ້ງຂາສັ້ນຮັດຮູບສະໄຕລ໌ Bike Short ປິດທ້າຍດ້ວຍການໃສ່ຖົງຕີນສີຂາວສູງລະດັບເຂົ່າ ແລະ ເກີບຜ້າໃບ Nike X Supreme Zoom Streak ສີຂຽວດຳ ແລະ ສຸດທ້າຍແມ່ນແວ່ນຕາສີ່ຫຼ່ຽມ ເທົ່ານີ້ກະໄດ້ສະໄຕລ໌ສຸດແນວທີ່ພ້ອມຈະອອກຈາກບ້ານແລ້ວ.




Luxury & Gym Style

ມາຕໍ່ກັນທີ່ Kristen Stewart ປະສົມປະສານຄວາມຫລູຫລາ ແລະ ເຄື່ອງນຸ່ງອອກກຳລັງກາຍໄວ້ນຳກັນໄດ້ຢ່າງລົງຕົວ ໂດຍການຈັບຄູ່ເສື້ອຄຸມຂະໜາດນ້ອຍສີດຳຈາກຄໍເລັກຊັນ Chanel's Resort 2022 ຄຸມທັບເສື້ອກ້າມສີຂາວ ພ້ອມໃສ່ໂສ້ງຂາສັ້ນ Bike Short ສີດຳຮັດຮູບ ປິດທ້າຍດ້ວຍເກີບຜ້າໃບແນວ Retro Nike Dunk ເປັນທີ່ໜ້າສົນໃຈເພາະມັນລວມເອົາແຟຊັ້ນຊັ້ນສູງແບບຄລາສສິກໃຫ້ເຂົ້າເຖິງໄດ້ງ່າຍຫຼາຍຂຶ້ນ.




Vacation-Ready Look

ປິດທ້າຍດ້ວຍ Emily Ratajkowski ເຊິ່ງມາກັບໂສ້ງຂາສັ້ນຊົງເບີມິວດາທີ່ມີແອວສູງກາຍເຂົ່າປະມານ 1-2 ນິ້ວ ລາຍລະອຽດປາຍຂາກວ້າງ ແລະ ຈັບຈີບຂະໜາດໃຫຍ່ເປັນຈຸດເດັ່ນ ຄູ່ກັບເສື້ອສີດຳຊົງສະລິມເປີດໄຫຼ່ທີ່ມີສາຍຂ່ວຍທີ່ໜ້າເອີກ ດ້ວຍຊົງຮັດຮູບຂອງເສື້ອເໝາະກັບໂສ້ງໂຕໃຫຍ່ຈື່ງເຮັດໃຫ້ຫຸ່ນມີຄວາມສົມດຸນດີ ຈົບທີ່ເກີບຜ້າໃບສີຂາວ ແລະ ອຸປະກອນເສີມເຊັ່ນແວ່ນຕາກັນແດດ cat-eye ແລະ ກະເປົາພາຍທີ່ລຽບຫຼູເທົ່ານີ້ກະໄດ້ຊຸດສຳລັບແຕ່ງໄປພັກຜ່ອນໃນມື້ພັກທ້າຍອາທິດເເລ້ວ.



ສົນໃຈທີ່ພ້ອມຈະງາມໄດ້ທີ່ລິ້ງດ້ານລຸ່ມນີ້ເລີຍ:



ເວັບໄຊຣ์ : https://www.w-surgeryhospital.com/th/


ຮູບພາບ: SplashNews.

1 view0 comments

Comments


bottom of page