ມາເບີ່ງການແຕ່ງຕົວ ຂອງສາວໆ Blackpink

Updated: Aug 24

ລວມຄອສຕູມ "ຊຸດແຕ່ງກາຍ" ຂອງ 4 ສາວ BLACKPINK ໃນ MV 'PINK VENOM'

ເປັນປາກົດການທີ່ສຳຄັນທີ່ກຳລັງເປັນທີ່ເວົ້າເຖິງໃນວົງການເພງ K-Pop ເມື່ອລ່າສຸດສາວໆວົງ BLACKPINK ໄດ້ປະກາດອອກອາລະບໍ້າຫຼ້າສຸດໃນຊື່ 'BORN PINK' ໃນເດືອນກັນຍາ 2022 ທີ່ກຳລັງຈະມາເຖິງນີ້ ຖືເປັນການກັບມາແບບຄົບ 4 ຄົນໃນຮອບ 2 ປິ ແລະເພັງທີ່ປ່ອຍອອກມາສົດໆຮ້ອນໆກະຄືເພງ PINK VENOM ແລະສະເໜ່ອັນຮ້າຍແຮງທີ່ແຕກຕ່າງກັນຂອງ 4 ສາວ ລິຊ່າ ໂຣເຊ່ ເຈນນີ້ ແລະ ຈີຊູ

ແຕ່ສິ່ງທີ່ໜ້າສົນໃຈບໍ່ເເພ້ກັນ ກະຄືຄອສຕູມຂອງສາວໆໃນ MV ເພງທີ່ຈັດເຕັມສົມຖານະຂອງວົງການ Girl Group ສາຍແຟຊັນຕົວຈິງຂອງວົງການ ​K-Pop ໃນ MV ດັ່ງກ່າວເຮົາຍັງໄດ້ເຫັນຂອງແບຣນເນມແຟຊັນລະດັບໂລກຢ່າງ CHANEL, Celine, Saint Laurent ແລະ Dior ທີ່ສາວໆແຕ່ລະຄົນເປັນ Band Ambasder ລະດັບໂລກຢູ່ໃນຕອນນີ້

ແນ່ນອນເຮົາກະບໍ່ພາດທີ່ຈະນຳເຄື່ອງແຕ່ງກາຍທັງໝົດຈາກມິວສິກວີດີໂອນີ້ໃຫ້ຊາວ Blinks ທຸກຄົນໄດ້ຮັບຊົມກັນ ແລະ ເຮົາເຊື່ອວ່າສິນຄ້າເຫຼົ່ານີ້ຈະກາຍເປັນສິນຄ້າຂາຍດີທີ່ສຸດໃນອະນາຄົດແນ່ນອນ



ເລີ່ມຕົ້ນຕັ້ງແຕ່ຊ່ວງທຳອິດຂອງເພງ ສະມາຊິກແຕ່ລະຄົນສະທ້ອນຄາເລັກເຕີ້ຂອງຕົວເອງໄດ້ຢ່າງໜ້າສົນໃຈ ແຕກຕ່າງກັນ ແລະ ຊັດເຈນ ດັ່ງທີ່ພວກເຮົາໄດ້ເຫັນ ໂຣເຊ້ ໃນຊຸດກະໂປງສີດໍາ ຊ່ວງບ່າໄຫຼ່ທີ່ເປັນຮູບຊົງດອກໄມ້ຈາກແບຣນ Fanci Club ທີ່ຢູ່ໃນນ້ຳສີດໍາ ສະທ້ອນໃຫ້ເຫັນຄວາມລຶກລັບທີ່ລໍຖ້າການຄົ້ນຫາ




ສາກເປີດຂອງມິວສິກວີດີໂອ PINK VENOM ເປັນທີ່ຫນ້າສົນໃຈຫຼາຍ ເພາະເຮົາໄດ້ເຫັນ ຈີຊູມາພ້ອມກັບເຄື່ອງດົນຕີ 'Kayageum' ໃນຊຸດເກາະເອິກທີ່ງາມສະຫງ່າ ປັກປະດັບລາຍ​ລະ​ອຽດຫຼາຍ​ສີສັນ​ໃນຊ່ວງຫນ້າ​ເອິກ​ ໂດດເດັ່ນດ້ວຍອຸປະກອນເສີມທີ່ໄດ້ຮັບແຮງບັນດານໃຈຈາກປະຫວັດສາດເຄື່ອງແຕ່ງກາຍຂອງເກົາຫຼີ ເຂົ້າກັນໄດ້ດີກັບ Kayakeum. ​ເຊິ່ງ​ເປັນ​ເຄື່ອງ​ດົນ​ຕີ​ເຄື່ອງ​ສາຍ​ຂອງ​ເກົາຫຼີ​ບູຮານ




ໃນດ້ານຂອງ ລິຊ້າ ກະບໍ່ນ້ອຍໜ້າ ເປີດຕົວດ້ວຍຊຸດສຸດເທ້ທີ່ປະສົມປະສານກັບຄວາມເຊັກຊີ້ ທັງການນໍາໃຊ້ສີເນື້ອຂອງເກາະເອິກ ແລະກະໂປງທີ່ຖືກຕັດອອກໃຫ້ຂາດ ສວມທັບດ້ວຍເສື້ອເເຈັກເກັດໜັງຕັດຫຍິບດ້ວຍແຂນເສື້ອຂ້າງດຽວ ນອກຈາກນີ້ຍັງມີສາຍຄໍຈາກ Bvlgari ອີກນຳ.




ຄັ້ງນີ້ ເຈ່ນນີ້ ປະກົດຕົວໃນຊຸດສີແດງສົດລາຍເສືອດາວຈາກ ALAÏA ໂດດເດັ່ນດ້ວຍລາຍລະອຽດຜ້າຊີທຣູຊ່ວງຄໍ ແລະ ແຫວນຈາກແບຣນ CHANEL ບໍ່ຖິ້ມລາຍແບຣນເເອມບາສເດີ້ລະດັບໂລກ.



ຕໍ່ຈາກຊີນເປີດຕົວດ່ຽວຂອງແຕ່ລະຄົນໃນເພງ PINK VENOM ມາເເລ້ວ ກໍຕ້ອງເວົ້າເຖິງທ່ອນຮຸກຂອງເພງ PINK VENOM ມີຄອສຕູມທີ່ເເຕກຕ່າງກັນອອກໄປ ເລີ່ມຈາກຊ່ວງທຳອິດທີ່ເຮົາຈະໄດ້ເຫັນສາວໆມາໃນຊຸດສີນ້ຳຕານ ສີຂາວ ແລະ ສີເທົາເປັນຫຼັກ ແລະ ໃນຊ່ວງສອງເຮົາກໍຈະໄດ້ເຫັນສະໄຕລ໌ການແຕ່ງຕົວແບບສະຕຣີດແຟຊັນທີ່ເນັ້ນສີສັນແລະລວດລາຍຄ້າຍກາຟຟິກເພີ່ມກິ່ນອາຍຄວາມມ່ວນໃຫ້ກັບເພງ ແລະປິດທ້າຍດ້ວນທ່ອນຮຸກກ່ອນເພງຈົບ ຈະໄດ້ເຫັນສາວໆປ່ຽນຄອສຕູມເປັນໂທນສີດຳທີ່ສະທ້ອນໃຫ້ເຫັນເຖິງຄວາມແຂງແຮງປະກອບກັບທ່າເຕັ້ນແລ້ວເຮັດໃຫ້ເຫຼົ່າບຣິ້ງນັ່ງບໍ່ຕິດຕັ່ງກັນເລີຍ.



ຮູບຊ໋ອດດຽວຂອງແຕ່ລະຄົນຂອງຊ່າງທີສອງດ້ວຍເສື້ອຜ້າທີ່ມີສີສັນແລະກາຟຟິກ. ເຊິ່ງຫວນໃຫ້ເຮົາຄິດເຖິງຕອນທີ່ເປີດຕົວຄັ້ງທໍາອິດ. ມັນຍັງເປັນຫນຶ່ງສະຕາຍທີ່ຄ້າຍຄືກັບ DNA ຂອງວົງການ K-pop.



ໃນມິວສິກວິດີໂອຂອງ PINK VENOM ເຮົາຍັງໄດ້ເຫັນ ຈີຊູ ໃນຊຸດກະໂປ່ງທີ່ສະຫງ່າງາມພ້ອມກັບແຝງດ້ວຍກິ່ນອາຍການເປັນສາວທີ່ມີບຸຄະລິກຫວານ ຈາກແບຣນ Marina Eerrie ໃນຊຸດປາດບ່າ ແລະໜ້າກາກສີບົວທີ່ມີການອອກແບບສຸດລ້ຳ ແລະ ເຄື່ອງປະດັບຈາກ Cartier ທີ່ທຸກຄົນໄດ້ເຫັນກັນແລ້ວໃນມິວສິກວິດີໂອຕົວຢ່າງທີ່ປ່ອຍອອກມາເມື່ອກ່ອນໜ້ານີ້



ນອກ​ຈາກຊຸດກະໂປ່ງສີ​ດໍາ​ໃນ​ຕອນ​ຕົ້ນ​ຂອງ​ເພງ​ເຮົາຍັງໄດ້ເຫັນ ໂຣເຊ້ ປ່ຽນເປັນສາວງສຸດເທ້ ຫຼີ້ນກີຕ້າໃນມິວສິກວີດີໂອ ໃນຊຸດກະໂປງຫນັງແລະໃສ່ເຄື່ອງປະດັບທອງຄຳຈາກ Tiffany & Co. ສ້າງເຊິໄພຣ໌ໃຫ້ເຫຼົ່າບຣິ້ງບໍ່ໜ້ອຍເລີຍທີດຽວ