ເມນູຫມູຄຣີນໄດ້! ແນະນຳ 7 ເມນູຄຣີນຈາກຊີ້ນໝູ. ເຮັດງ່າຍອີ່ມທ້ອງແລະດີຕໍ່ສຸຂະພາບ.


ແນະນຳເມນູຄຣີນຈາກຊີ້ນໝູ ອາຫານເພື່ອສຸຂະພາບ ພຽງແຕ່ໃສ່ໃຈການເລືອກສ່ວນປະກອບປຸງແຕ່ງກິນໜ້ອຍລົງກໍ່ມີປະໂຫຍດບໍ່ແພ້ກັນ!




ຄົນສ່ວນໃຫຍ່ອາດຈະຄຸ້ນເຄີຍກັບອາຫານທີ່ເຮັດຈາກເອິກໄກ່ ປາຫຼືອາຫານທີ່ມີໄຂມັນຕ່ຳ ຫຼີກເວັ້ນການກິນໝູ ແຕ່ທີ່ຈິງແລ້ວອາຫານຄຣີນສາມາດເລືອກກິນຊີ້ນໝູໄດ້ເຊັ່ນກັນ ສໍາລັບໃຜທີ່ກໍາລັງຊອກຫາເມນູຄຣີນຈາກຫມູ. ມື້ນີ້ Wow Beauty ຂໍແນະນຳເມນູທີ່ເຮັດງ່າຍ ແລະ ແຊບແບບບໍ່ຕ້ອງເຮັດຫຼາຍ.


1. ເຂົ້າໝູສາມຊັ້ນປີ້ງ+ໄຂ່ດາວ


ຫຼາຍຄົນທີ່ເຫັນເມນູນີ້ອາດຈະຫຼີກລ້ຽງ ເພາະຄິດວ່າມັນບໍ່ດີຕໍ່ສຸຂະພາບ ແຕ່ຄວາມຈິງແລ້ວເຮົາສາມາດຄວບຄຸມປະລິມານໄຂມັນໄດ້ໃນລະດັບພໍດີ ໂດຍເລືອກກິນຊີ້ນສັດໃນປະລິມານທີ່ເໝາະສົມ ຫຼີກເວັ້ນການຈືນໃນນ້ໍາມັນ ແລະ ເນັ້ນການເສີມອາຫານສ່ວນທີ່ອື່ນໆ ເຊັ່ນ: ທາດໂປຼຕີນຈາກໄຂ່ ພ້ອມກັບການເພີ່ມວິຕາມິນໃນຄາບອາຫານດ້ວຍຜັກຕົ້ມ ເຮັດໃຫ້ໄດ້ຮັບສານອາຫານຫຼາຍຂື້ນ.

2. ເຂົ້າໝູສະໄລ້ + ສັນໃນໄກ່ປີ້ງ


​ປຸງ​ດ້ວຍ​ຊິອິ້ວແລະ​ນ້ຳ​ຫອຍ​ໂຊດຽມ​ຕ່ຳ ຜັດໂດຍ​ບໍ່​ໃສ່​ນ້ຳມັນ ສັນໃນໄກ່ບໍ່ຈໍາເປັນຕ້ອງປຸງກໍແຊບຄືກັນ ເລືອກຕື່ມໂປຼຕີນຈາກໄຂ່ຕົ້ມຫຼືໄຂ່ດາວທີ່ຈືນແບບໃສ່ນ້ໍາລ້າໆແລະເພີ່ມວິຕາມິນໃນອາຫານດ້ວຍຜັກທີ່ທ່ານມັກ.

3. ໝູກະທຽມພິກໄທ ໄຂ່ຕົ້ມ


ໝູກະທຽມພິກໄທ ​ເລືອກ​ໃຊ້​ຊີ້ນ​ໝູສັນນອກ​ຕັດ​ເປັນ​ຕ່ອນ​ຂະໜາດ​ພໍດີຄຳ. ຈາກນັ້ນນຳໄປຜັດດ້ວຍນ້ຳລ້າປຸງລົດຊາດດ້ວຍຊິອິວແລະນ້ຳມັນຫອຍທີ່ມີໂຊດຽມຕ່ຳ ກິນຄູ່ກັບໄຂ່ຕົ້ມ ແລະ ອາດເລືອກກິນກັບຜັກສົດຕາມໃຈມັກ.

4. ເຂົ້າໝູສັນນອກປີ້ງກະທຽມ


ເອົາໄປຈີ່ໃນກະທະເພື່ອໃຫ້ໝູສຸກໂດຍບໍ່ຕ້ອງໃຊ້ນ້ໍາມັນ ພ້ອມຮັບປະທານກັບໄຂ່ດາວຈືນດ້ວຍນ້ຳລ້າແລະຜັກຕົ້ມທີ່ທ່ານມັກ ເທົ່ານີ້ກະແຊບແຖມຍັງດີຕໍ່ສຸຂະພາບອີກດ້ວຍ.

5. ເຂົ້າໝູຊາບູໄຂ່ດາວ + ອາໂວກາໂດ


ໃຊ້ໝູສັນນອກຊອຍຂົ້ວກັບນ້ຳຊຸບຊາບູສູດຄຣີນ ຊ່ວຍຫຼຸດຜ່ອນໂຊດຽມແລະບໍ່ມີແປງນົວ ກິນຄູ່ກັບອາໂວກາໂດ 1 ໜ່ວຍກັບເຂົ້າກໍອີ່ມທ້ອງແລະດີຕໍ່ສຸຂະພາບ.


6.ກະເພົາໝູສັບເຕົາຮູ້ໄຂ່


ເລືອກປະເພດຊີ້ນໝູທີ່ມີໄຂມັນຫນ້ອຍ ຜັດກະທຽມແລະຫມາກເຜັດຈົນກ່ວາມີກິ່ນຫອມປຸງລົດຊາດດ້ວຍຊິອິວທີ່ມີໂຊດຽມຕ່ຳຢ່າງດຽວ ຊອຍເຕົ້າຫູ້ໄຂ່ໃສລົງໄປແລະປິດທ້າຍດ້ວຍການຜັດໃບກະເພົາ ພຽງແຕ່ຫຼຸດປະລິມາເຄື່ອງປຸງກໍຊ່ວຍໃຫ້ເມນູນີ້ເປັນເມນູທີ່ດີຕໍ່ສຸຂະພາບແລ້ວ


7. ສະເຕັກສັນຄໍໝູ



ເມນູທີ່ເບິ່ງຄືວ່າຈະເຮັດຍາກແຕ່ທີ່ຈິງເຮັດບໍ່ຍາກເລີຍ ເລີ່ມຕົ້ນດ້ວຍການເລືອກສັນຄໍໝູທີ່ມີນ້ໍາມັນຫນ້ອຍທີ່ສຸດ ຫຼັງຈາກນັ້ນນຳໄປໝັກແລະປຸງລົດຊາດດ້ວຍນ້ໍາຊ໊ອດຖົ່ວເຫຼືອງເລັກນ້ອຍ. ແນະນຳໃຫ້ເລືອກສູດທີ່ຄຣີນ ຫຼື ໂຊດຽມຕ່ຳ ຈາກນັ້ນນຳໄປຈີ່ໃນກະທະໂດຍທີ່ບໍ່ຕ້ອງໃຊ້ນ້ຳມັນ ຫຼື ເລືອກໃຊ້ເປັນນ້ຳມັນໝາກກອກໜ້ອຍໜຶ່ງກໍໄດ້ ຮັບປະທານຄູ່ກັບຜັກສະຫຼັດ,ຫມາກເລັ່ນ, ອາໂວກາໂດ, ຫຼືຜັກຕາມໃຈມັກ.


ເມນູໝກໍສາມາດເຮັດເປັນອານຄຣີນແລະດີຕໍ່ສຸຂະພາບໄດ້ເຊັ່ນກັນ ພຽງເເຕ່ເລືອກຊີ້ນທີ່ຕິດມັ້ນໜ້ອຍ ຫຼື ບໍ່ມີເລີຍຈະຍິ່ງດີ ໃຊ້ນ້ຳລ້າໃນການຜັດແທນນ້ຳມັນ ພຽງເທົ່ານີ້ໂຕເລືອກໃນການກິນອາຫານກະຫຼາກຫຼາຍຂື້ນແລະບໍ່ຈຳກັບແຕ່ໄກ່ພຽງຢ່າງດຽວແລ້ວ


ຮູບພາບແລະຂໍ້ມູນ: IG @chermiaeverything