ມາຮູ້ຈັກກັບ Denitslava Makeup YouTuber ສາຍຄວາມງາມທີ່ມີທັກສະການແຕ່ງຫນ້າຕັ້ງແຕ່ເດັກນ້ອຍ!


ສາວນ້ອຍຜູ້ລົງໄຫຼໃນການແຕ່ງໜ້າເປັນໄລຍະເວລາກວ່າ 7 ປີກັບຫຼາຍ 100 ຄອນເທັ້ນດ້ານຄວາມງາມເທີ່ເຮັດໃຫ້ນ້ອງຜີຜູ້ຕິດຕາມຫຼາຍກວ່າ 3,5 ລ້ານຄົນ

ຖ້າໃຜຕິດຕາມວົງການຄວາມງາມມາຕັ້ງແຕ່ 6-7 ປີກ່ອນ ທີ່ເລີ່ມມີການເຮັດວິດີໂອລີວີວສອນແຕ່ງໃນ YouTube ເຈົ້າອາດຈະຄຸ້ນໜ້າກັບ Denitslava ສາວນ້ອຍທີ່ຫຼົງໄຫຼກັບການແຕ່ງຫນ້າແລະຄວາມງາມ ມື້ນີ້ເຮົາຈະພາມາຮູ້ຈັກກັບນາງໃຫ້ຫຼາຍຂຶ້ນ


ພາບຈາກ instagram@denitslava

Denitslava ສາວນ້ອຍ Bulgarian ທີ່ມີພອນສະຫວັນການແຕ່ງຫນ້າແລະຄວາມງາມທີ່ເປັນເອກະລັກ ນາງໄດ້ເລີ່ມຕົ້ນເປັນ YouTuber ໃນ 2015 ໃນອາຍຸ 19 ປີ ຖຶເປັນການລອງຜິດລອງຖືກແຕ່ຍັງນ້ອຍ ຊ່ອງ YouTube ທໍາອິດຂອງນາງແມ່ນ Denitslava Makeup ທີ່ເນັ້ນຄອນເທັ້ນດ້ານຄວາມງາມແລະການແຕ່ງຫນ້າທັງຫມົດ ປະຈຸບັນຊ່ອງນີ້ມີຜູ້ຕິດຕາມຫຼາຍກວ່າ 3.5 ລ້ານຄົນ


ພາບຈາກ instagram@denitslava

ເນື້ອຫາຄອນເທັ້ນຫຼັກໆແມ່ນເປັນວີດີໂອສອນຂັ້ນຕອນການເເຕ່ງໜ້າໃນແບບຕ່າງໆ ເຊິ່ງຈູດເດັ່ນຂອງນາງແມ່ນຄວາມສມາດໃນການແຕ່ງອອກມາໄດ້ຫຼາກຫຼາຍຕັ້ງແຕ່ແບໃສໆ ທຳມະຊາດໄປຈົນເຖິງແບບດຶງດູດມີສະເໜ່


ພາບຈາກ instagram@denitslava


ນອກເຫນືອໄປຈາກພອນສະຫວັນການແຕ່ງຫນ້າຂອງນາງທີ່ເປັນຈຸດເດັ່ນແລ້ວ ລັກສະນະຂອງນາງມີຄວາມໜ້າຮັກປະສົມກັບການເປັນໄວລຸ້ນທີ່ມັກລອງສິ່ງໃໝ່ໆ ແລະກ້າສະແດງຄວາມຄິດເຫັນກ່ຽວກັບຜະລິດຕະພັນທີ່ມີ່ຈຸດແຂງຫຼືຈຸດອ່ອນດ້ານໃດ ລວມທັງເຮັດຕາມແບບວິທີຄວາມງາມທາງລັດວ່າໄດ້ຜົນແທ້ຈິງຫຼືບໍ່ ເຮັດໃຫ້ຜູ້ຊົມສາມາດສັມຜັດຄວາມຈິງໃຈຂອງການສ້າງຄອນເທັ້ນ ແລະຄວາມເປັນທໍາມະຊາດທີ່ບໍ່ປອມເກີນໄປ ບໍ່ແປກໃຈເລີຍວ່າເປັນຫຍັງມີຜູ້ຕິດຕາມຫຼາຍລ້ານຄົນ.


ພາບຈາກ instagram@denitslava

ເຖິງແມ່ນວ່າຊ່ອງ YouTube ທໍາອິດແມ່ນຈະດັງແລ້ວ ແຕ່ນາງຍັງບໍ່ຢຸດເຮັດສິ່ງໃໝ່ໆ ໃນປີ 2018 ນາງໄດ້ເປີດຊ່ອງ YouTube ອີກອັນໜຶ່ງຊື່ວ່າ Denitslava ທີ່ເນັ້ນໃສ່ເນື້ອຫາການທ້າທາຍທີ່ກຳລັງເປັນກະແສ ເຊັ່ນ ເປີດກ່ອງ ຫຼິ້ນເກມ ແລະ ແຕ່ງກິນ ປະຈຸບັນຊ່ອງນີ້ມີຜູ້ຕິດຕາມຫຼາຍກວ່າ 2 ແສນຄົນ.


ພາບຈາກ instagram@denitslava

ຊ່ວງເວລາການເປັນ YouTuber ແລະ tiktoker ເປັນເວລາ 7 ປີຂອງນາງໄດ້ຮັບຜົນສໍາເລັດອັນໃຫຍ່ຫຼວງ ໂດຍ ເວັບໄຊທ໌ Net Worth Spot ໄດ້ຄາດການລາຍໄດ້ຂອງ Denitslava ຢູ່ທີ່ປະມານ 39,000 ໂດລາ ຫຼືປະມານ 585,000,000 ກີບ

ຖ້າໃຜມັກເນື້ອຫາຄອນເທັ້ນຄວາມງາມ ຫຼືຢາກຊອກຫາການແຕ່ງໜ້າແບບໃໝ່ລອງເຂົ້າຊ່ອງ YouTube ຫຼື Instagram ຂອງ Denitslava ແລະເຮັດນຳໄດ້ເລີຍ.




2 views0 comments