top of page

ເທຣນກະເປົາຖືປີ 2022: Must Have Styles!! ທີ່ໜ້າລົງທຶນໃນລະດູການນີ້ອັບເດດເທຣນກະເປົາຖືມາແຮງໃນລະດູການນີ້


ໃນບັນດາກະເປົາຂອງຜູ້ຍິງທຸກປະເພດ "ກະເປົາຖື(Handle Bag)" ຈັດໄດ້ວ່າເປັນກະເປົາຖືທີ່ບໍ່ເຄີຍຫາຍໄປຈາກກະແສແຟຊັນ ລ່າສຸດຈາກລັນເວລະດູໃບໄມ້ຫຼົ່ນ/ລະດູໜາວ 2022 ໃນທຸກແບຣນກໍມີກະເປົາສະໄຕລ໌ໃໝ່ໃຫ້ໄດ້ເຫັນຫຼາຍຂື້ນ ໂດຍມີແຕ່ກະເປົາຖືທີ່ສາມາດໃຊ້ງານໄດ້ຈິງໃນຊີວິດປະຈຳວັນ ໄປຈົນເຖິງສະໄຕລ໌ອິນເເທຣນທັນສະໄໝທີ່ເຮັດໃຫ້ຮູບລັກສະນະໂດດເດັ່ນຍິ່ງຂຶ້ນ ແລະ ນີ້ແມ່ນເທຣນກະເປົາຖືລ່າສຸດປະຈຳປີ 2022 ທີ່ຖືກຍົກໃຫ້ເປັນ "Must Have Item! (ຂອງມັນຕ້ອງມີ)" ປະຈຳລະດູການນີ້





Crescent Bags

ກະເປົາຮູບວົງເດືອນ ເປັນໜຶ່ງໃນເທຣນກະເປົາຖືໃນຄໍເລັກຊັນລະດູໃບໄມ້ຫຼົ່ນ/ລະດູໜາວ 2022 ເຊິ່ງໃນລັນເວເຮົາຈະເຫັນກະເປົາຊົງນີ້ຈາກຫຼາຍແບຣນເຊັ່ນ Bottega Veneta ທີ່ມາໃນແບບຖັກ ສ່ວນ Louis Vuitton ມາໃນແນວໂມໂນແກຣມປະດັບສາຍໂສ້ ແລະ Miu Miu ໃຊ້ຜ້າຊາຕິນຄຣິວປະດັບດ້ວຍໂລໂກ້ແບຣນ ເຫັນໄດ້ວ່າຫຼາຍແບຣນພ້ອມໃຈທີ່ຈະເອົາ Crescent Bag ມາປະກົດເທິງລັນເວ ພຽງເທົ່ານີ້ກໍພິສູດໄດ້ແລ້ວວ່ານີ້ຄືກະເປົາຖືທີ່ມາເເຮງໃນລະດູການນີ້ໂດຍບໍ່ຕ້ອງສົງໃສ.




Supersize Tote

ບໍ່ວ່າຈະລະດູການໃດ ເຮົາກໍຈະເຫັນເທຣນ Big Bag ຫຼື ຂະຫນາດກະເປົາໃຫຍ່ຢູ່ໃນວາລະແຟຊັນສະເຫມີ ເຊິ່ງລະດູການນີ້ເປັນກະເປົາທີ່ມາພ້ອມຂະໜາດ XXL ເຫມາະສໍາລັບການນໍາໃຊ້ປະຈໍາວັນ ບໍ່ວ່າຈະເປັນການເດີນທາງຫຼືເຮັດວຽກ ກະເປົງຂອງ Chanel ຍັງຄົງຄວາມລຽບງ່າຍແຕ່ຄລາດສິກດ້ວຍການໃຊ້ຜ້າແພສີດຳ ruffled ປະດັບດ້ວຍໂລໂກ້ຂອງແບຣນອັນເປັນເອກະລັກ ນອກຈາກນີ້ໃນຊ່ວງລະດູໃບບານ 2022 ກະເປົາແບບນີ້ກໍປະກົດໃຫ້ເຫັນຫຼາຍຂື້ນ ທັງຈາກແບຣນ The Row ແລະ Salvatore Ferragamo.




Doubled Up Bags

ເອີ້ນໄດ້ວ່າກະເປົາກໍມີເຄື່ອງປະດັບເປັນຂອງຕົນເອງໄດ້ຄືກັນ ເພາະໃນລະດູການນີ້ກະເປົາຖືມາກັນແບບດັບເບີ້ນ ວ່າຄືກະເປົາມີກະເປົານ້ອຍແຖມໃຫ້ມານຳນັ້ນເອງ ຕາມທີ່ເຫັນຢູ່ໃນຄໍເລັກຊັນລັນເວລະດູໃບໄມ້ຫຼົ່ນ/ລະດູໜາວປີ 2022 ທັງແບຣນ Versace, Fendi ແລະ Jil Sander ຕ່າງໄດ້ອອກແບບໃຫ້ມີ Micro Bag ຫຼືກະເປົານ້ອຍຫ້ອຍຕິດມາກັບກະເປົາ ນອກຈາກຈະເຮັດໃຫ້ກະເປົາເບິ່ງໜ້າຮັກຂື້ນແລ້ວຍັງສາມາດໃຊ້ງານໄດ້ນຳອີກ ເສາມມາດເກັບເຄື່ອງສຳອາງ ເງິນ ຫຼື ຂອງໃຊ້ຈຸກຈິກອື່ນໆໄດ້ເຊັ່ນກັນ




Chunky Chain

ເກະເປົາຖືທີ່ມີລາຍລະອຽດເປັນຕ່ອງໂສ້ເສັ້ນໜາ ເຖິງທີ່ຜ່ານມາກະເປົາສະໄຕລ໌ມີໂສ້ນັນຈະເປັນທີ່ນິຍົມມາພັກໃຽຫຍ່ໆແລ້ວ ແຕ່ສໍາລັບລະດູການນີ້ ກະເປົາຖືໂດດເດັ່ນຂື້ນດ້ວຍສະໄຕລ໌ Chunky Chain ແລະ ແທນທີ່ໂສ້ຈະເປັນເຫຼັກສີເງິນ ຫຼື ສີທອງແບບດັງເດີມ ກໍຈະມີໂສ້ງພາດສະຕິກທີ່ມີສີສັນມາໃຫ້ເຫັນກັນ ຕົວຢ່າງຈາກ Loewe ທີ່ຕ່ອງໂສ້ແລະກະເປົາມີສີສົ້ມສົດໃສ ຫຼື ກະເປົ໋າຊົງບັກເກັດຂອງ Versace ກໍສະດຸດຕາດ້ວຍການປະດັບຕ່ອງໂສ້ທີ່ຊວນໃຫ້ນຶກເຖິງຍຸກ 90s.




Fuzzy Bag

ລະດູການນີ້ດີໄຊເນີໃຫ້ຄວາມສົນໃຈຫຼາຍກັບການອອກແບບສະໄຕລ໌ Fuzzy ບໍ່ພຽງແຕ່ເກີດຂື້ນກັບເກີບທີ່ເປັນກະເເສມາກ່ອນໜ້ານີ້ ໃນສ່ວນຂອງກະເປົາຂົນຟູສະໄຕລ໌ Fuzzy ແລະ faux fur ກໍກຳລັງຈະເປັນເທຣນດັງເຊັ່ນກັນ ທັງ Helmut Lang ແລະ Off-White ຕ່າງໄດ້ອອກແບບກະເປົາໂດຍໃຊ້ຂົນຟູໆພ້ອມມີສີສັນສົດໃສມາເປັຍລູກຫຼີ້ນ ເຊິ່ງເປັນສະໄຕລ໌ທີ່ເຄີຍໄດ້ຮັບຄວາມທີ່ນິຍົມໃນຊ່ວງຕົ້ນຍຸກ 2000 ແລະມັນໄດ້ຮັບການຟື້ນຄືນຊີບອີກຄັ້ງຊ່ວງທີ່ແຟຊັນ Y2K ໄດ້ຖືກຈິນຕະນາການຂື້ນໃໝ່.


ຮູບພາບ :The Row, Versace @louisvuitton, @bottegavenetaworld,


6 views0 comments

Comments


bottom of page