ເເນະນຳ LG Gram 16 ແລະ Gram 17 ໂນ໊ດບຸ໊ກທີ່ມີຄວາມບາງມາພ້ອມກັບ Intel 12th Gen ແລະກາດຈໍ RTX 2050

Updated: Aug 19



ໂນ໊ດບຸ໊ກຊີຣີ້ LG Gram ລ່າສຸດມີໄດ້ມີລຸ້ນໃໝ່ເປີດໂຕອອກມາແລ້ວ LG Gram 16 ແລະ Gram 17 ຄັ້ງນີ້ມມາພ້ອມສະເປັກທີ່ແຮງດຸດັນດ້ວຍ Intel 12th Gen ແລະ ກາດຈໍທີ່ແຍກສູງເຖິງ RTX 2050 ແຕ່ຍັງຄົງມາພ້ອມກັບການອອກແບບທີ່ກະທັດຮັດບາງເບົາແລະນ້ຳໜັກ 1.4 kg ເທົ່ານັ້ນ.

ທັງ LG Gram 16 ແລະ Gram 17 ມີໜ້າຈໍທີ່ໃຊ້ພາລາເນລແບບ IPS LCD ຄວາມລະອຽດ 2560 x 1600 ອັດຕາສ່ວນ 16:10 ຮັບຮອງ DCI-P3 99% ແລະເຄືອບສານສະທ້ອນແສງ ສ່ວນຂະ​ຫນາດກໍ​​ມີໃຫ້ເລືອກ​​ຕາມ​ຊື່​ລຸ້ນຄື 16 ນິ້ວ​ ແລະ 17 ນິ້ວ​.


ສະເປັກແຂງແຮງຂື້ນດ້ວຍຊິບ Intel 12th Gen ແບບ Core 15 (i5-1240P) ແລະ Core i7 (i7-1260P) ສໍາລັບລຸ້ນ Gram 17 ສ່ວນລຸ້ນ Gram 16 ຈະມີແຕ່ i5 ເທົ່ານັ້ນ ແລະຈະມີ GPU ໃຫ້ເລືອກ 2 ແບບຄື Iris Xe ແລະສູງສຸດ RTX 2050 ຄວາມຈຸແບບ SSD PCIe 4.0 x4 ຂະໜາດເລີ່ມຕົ້ນທີ່ 256GB ແລະ RAM LPDDR5x ເລີ່ມຕົ້ນ 8GB ເຖິງ 32GB ໂດຍ LG ຮັບປະກັນວ່າໂນ໊ດບຸ໊ກລຸນໃໝ່ນີ້ມີປະສິດທິພາບໂດຍວລວມທີ່ແຮງກວ່າລຸ້ນກ່ອນເຖິງ 70​%.



ພອດເຊື່ອມຕໍ່ໃຫ້ມາແບບຄົບທັງ USB-C 3.2 Gen 2 ຈຳນວນ 2 ຊ່ອງ, Thunderbolt ຈຳນວນ 4 ຊ່ອງ, USB-C (ຮອງຮັບການສາກໄຟ 65W PD) 1 ຊ່ອງ, HDMI 1 ຊ່ອງ, ຊ່ອງສຽບຫູຟັງ 3.5 ມມ ແລະຊ່ອງສຽບກາດ microSD ແບດເຕີຣີ້ສໍາລັບຮຸ່ນທີ່ໃຊ້ GPU Iris Xe ຢູ່ທີ່ 80Wh ແລະມີນ້ຳຫນັກ 1.285kg ສ່ວນລຸ້ນ RTX 2050 ຢູ່ທີ່ 90Wh ແລະມີນ້ຳຫນັກ 1.435kg


ສ່ວນລາຄາ LG Gram 16 ເລີ່ມຕົ້ນທີ່ 2.29 ລ້ານວອນ ຫຼື ປະມານ 29,112,000 ກີບ ແລະ ລຸ້ນ Gram 17 ລາຄາເລີ່ມຕົ້ນ 2.39 ລ້ານວອນ ຫຼື ປະມານ 30,379,000 ກີບ ສ່ວນການວາງຈຳໜ່າຍໃນປະເທດອື່ນໆຕ້ອງຖ້າອັບເດດຂໍ້ມູນອີກ

0 views0 comments