top of page

ລີວິວລຳໂພງ Marshall Willen ແລະ Emberton II



Marshall ແມ່ນແບຣນເຄື່ອງດົນຕີທີ່ຫັນມາເອົາດີທາງດ້ານລໍາໂພງໄຮ້ສາຍ ບໍ່ວ່າຈະອອກມາຈັກລຸ້ນກໍ່ຂາຍດີຈົນສິນຄ້າຂາດຕະຫລາດສະເໝີ ການ​ອອກ​ແບບ​ແມ່ນ​ອີງ​ຈາກຕູ້ເເອັມກີ່ຕ້າ ແລະ ​ປັບແຕ່ງ​ໃຫ້​​ງາມ​ແປກຕາ ດຶງດູດໃຫ້ຜູ້ໃຊ້ມາສົນໃຈໄດ້ຕະຫຼອດ





ການອອກແບບ



ອອກແບບມາພິເສດມີຢາງອ້ອມຮອບເຄື່ອງເປັນຢາງປ້ອງກັນການຕົນທີ່ສາມາດຖອດອອກໄດ້ ເຊິງເສີມໃຫ້ເບິ່ງພາບລັກແບບລຸຍໆທັງສອງລຸ້ນ ແລະ Marshall ກະຍັງກາລັນຕີວ່າຕົກແລ້ວຈະບໍ່ເພ ນອດຈາກນນີ້ຍັງສາມາດປ້ອງກັນຝຸ່ນເເລະນ້ຳໄດ້ໃນລະດັບ IP67 ຄືຕົກນ້ຳໃນລະດັບທີ່ບໍ່ເລິກຫຼາຍ ກະຈະບໍ່ເປັນຫຍັງ ຫຼື ເອົາໄປໃຊ້ຟັງໃນຫ້ອງນ້ຳໄດ້ສະບາຍ



ສາຍຫັດດ້ານຫລັງ

ສ່ວນການອອກເເບບພິເສດທີ່ຢູ່ທາງດ້ານຫຼັງ ເປັນສາຍຮັດທີ່ສາມມາດປົດອອກມາເພື່ອຮັດກັບເສົາ, ລົດຖີບ ຫຼື ອັນໃດກະໄດ້ທີ່ເຮັດໃຫ້ເຮົາສາມາດໃຊ້ Willen ໄດ້ ສ່ວນ Emberton II ແມ່ນຕ້ອງໄດ້ວາງຢູ່ໂຕະຢ່າງດຽວ



ລຳໂພງທັງສອງຈະສາກເເບັດຜ່ານ USB-C ເຊິ່ງໃນກ່ອງຈະມາສາຍສາກ USB-A ໄປ USB-C ມາໃຫ້ ແຕ່ບໍ່ມີຫົວສາກມາໃຫ້


ການຄວບຄຸມລໍາໂພງ

ການສັ່ງງານສ່ວນໃຫຍ່ແມ່ນຜ່ານປຸ່ມສີທອງເຫລືອງ ໂດ້ຍມີຄໍາສັ່ງດັ່ງນີ້:

  • ກົດຄ້າງໄວ້ – ເປີດ/ປິດ ລຳໂພງ

  • ກົດສັ້ນ – ຫຼິ້ນເພັງ/ຢຸດເພັງ

  • ສະເພາະ Willen ກົດ 1 ເທື່ອເພື່ອຮັບສາຍ, ກົດ 2 ເທື່ອເພື່ອຕັດສາຍ

  • ດັນຂຶ້ນ – ເພີ່ມລະດັບສຽງ

  • ດັນລົງ - ຫຼຸດລະດັບສຽງ

  • ດັນໄປຂວາ – ປ່ຽນເພງ

  • ດັນຊ້າຍ – ຫຼິ້ນເພງເກົ່າ

  • ດັນຊ້ຳເພື່ອຫຼິ້ນເພງກ່ອນໜ້າທີ່ຜ່ານມາ

ປຸ່ມຄວບຄຸມຂອງ Willen

ປຸ່ມຄວບຄຸມຂອງ Emberton II


ນອກຈາກນີ້ຍັງມີປຸ່ມ Bluetooth ທີ່ກົດຄ້າງເພື່ອເຊື່ອມຕໍ່ກັບອຸປະກອນໃໝ່ ແລະ ໃຊ້ງານ Stack Mode ເປັນການເຊື່ອມລຳໂພງຫຼາຍໆໂຕໃຫ້ຫຼີ້ນເພງພ້ອມກັນໄດ້ໂດຍກົດດັ່ງນີ້

1.ໃນລຳໂພງຫຼັກ ໃຫ້ກົດປຸ່ມ Bluetooth 3 ເທື່ອເພື່ອເລີ່ມ Stack Mode

2.ລໍາໂພງລູກທີ່ຈະເຊື່ອມຕໍ່ໃຫ້ກົດປຸ່ມ Bluetooth 2 ເທື່ອເພື່ອເຂົ້າຮ່ວມກຸ່ມ

3.ສາມາດເພີ່ມໄດ້ເລື້ອຍໆຫຼາຍກວ່າ 2 ໂຕ

ທັງ Emberton II ແລະ Willen ສາມາດເຊື່ອມຕໍ່ Stack Mode ນຳກັນໄດ້ ບໍ່ຈໍາເປັນຕ້ອງເປັນລຸ້ນດຽວກັນ ແຕ່ໃນປັດຈຸບັນ Marshall ມີພຽງແຕ່ 2 ລຸ້ນນີ້ທີ່ສາມາດເຊື່ອມຕໍ່ກັນໄດ້

ເຮົາຍັງສາມາດປັບແຕ່ງລຳໂພງທັງສອງໄດ້ອີກໜ້ອຍໜຶ່ງຜ່ານແອັບ Marshall Bluetooth ທີ່ສາມາດປັບສຽງ EQ ໄດ້ 3 ປະເພດຄື:

Marshall – ສຽງ​ມາດ​ຕະ​ຖານ​, tuned ສໍາ​ລັບ​ທຸກ​ປະ​ເພດ​ຂອງ​ດົນ​ຕີ​.

Push - ເພີ່ມສຽງເບດແລະສຽງແຫຼມ

Voice - ສຽງ – ເນັ້ນສຽງກາງ ໃຫ້ເຫມາະສໍາລັບການຟັງສຽງເວົ້າຫຼືຟັງ podcasts.

ແອັບຍັງສາມາດຖືກໃຊ້ເພື່ອອັບເດດເຟີມແວຂອງລຳໂພງໄດ້.

ສຽງຂອງ Marshall

ສຽງຂອງທັງສອງລຸ້ນໄປໃນໂທນດຽວກັນ ເປັນສຽງທີ່ໂປ່ງກວ້້າງ ຟັງງ່າຍ ລະມຸນກວ່າສຽງຈາກຫູຟັງ Marshall Minor II ໂດຍລາຍລະອຽງຂອງລຳໂພງທັງ 2 ລຸ້ນແຕກຕ່າງກັນດັ່ງນີ້


ສຽງຂອງ Marshall Willen

ເນື່ອງຈາກວ່າມັນເປັນລໍາໂພງຂະຫນາດນ້ອຍ ແຕ່ກະຖືວ່າໃຫ້ສຽງເບດໃນລະດັບທີ່ເຫມາະສົມ ຕ້ອງຍົກຄວາມດີໃຫ້ Passive Radiator 2 ໃນລຳໂພງທີ່ເຮັດໃຫ້ໄດ້ສຽງເບສທີ່ລະມຸນແບບນີ້ ຟັງໃກ້ໆໃນລະດັບ 1 ແມັດ ສຽງກາງ-ສູງ ເຮັດໄດ້ດີ ໂດຍໃຫ້ສຽງເປ່ງກວ່າ Emberton II ອີກ ສຽງຮ້ອງເດັ່ນເນື່ອງຈາກວ່າບໍ່ມີ bass ໜາມາກວນ

ເມື່ອເປີດສຽງຈົນສຸດ ຖືວ່າດັງເລີຍແຫຼະສຳລັບລຳໂພງຂະໜາດນີ້ ແຕ່ຖ້າດັງປະມາ 80% ຈະຮູ້ສຶກວ່າສຽງຟາວ ສ່ວນຕົວແລ້ວຄິດວ່າປະມານ 60-70% ສຽງກຳລັງດີ ຫຼື ເອົາມາຟັງໃກ້ໆ ແລ້ວເປີດບໍ່ຕ້ອງດັງຫຼາຍຈະເໝາະກັບລຳໂພງລຸ້ນນີ້

ສຽງຂອງ Marshall Emberton II

ເມື່ອປຽບທຽບ Willen ແລ້ວ Emberton II ມີຄວາມຫນາແຫນ້ນກວ່າ ດ້ວຍເບສທີ່ຫຼາຍກວ່ານີ້ເຮັດໃຫ້ບໍ່ເຫມາະສົມສໍາລັບການຟັງໃກ້ເທົ່າ Willen ແຕ່ຖ້າວາງໄວ້ໃນໄລຍະຫ່າງ 2 ແມັດ ຫຼື ຫຼາຍກວ່ານັ້ນ ມັນຈະເຮັດໃຫ້ມີສຽງທີ່ມ່ວນກວ່າ ແລະ ສຽງດັງເຕັມຫ້ອງຫຼາຍກວ່າ Willen ເຊິ່ງຄວາມໜາຂອງເບສຈະໄປກວນສຽງຮ້ອງຢູ່ໜ້ອຍໜຶ່ງ ແຕ່ກະບໍ່ຫຼາຍ ສຽງຮ້ອງກະຍັງໂອເຄ ແລະ ສຽງສູງກະຍັງເດັ່ນຢູ່ ເມື່ອເປີດສຽງດັງສຸດ ສໜງດັງກວ່າ Willen ແຕ່ສຽງກໍຈະຟ່າວເຊັ່ນກັນ ຖ້າຢາກໄດ້ລາຍລະອຽດສຽງຄົບ ຄວນຫຼຸດຄວາມດັງລົງມາຕ່ຳກວ່າ 80% ດີກວ່າ ເຖິງວ່າ Emberton II ຈະເປັນລຳໂພງສະເຕີລິໂອ ແຕ່ແຍກສຽງຊ້າຍ-ຂວາໄດ້ບໍ່ຊັດເຈນເທົ່າໃດໃຜຫວັງມິຕິສຽງສະເຕີລິໂອ ອາດຈະຕ້ອງລອງຟັງອີກເທື່ອໜຶ່ງ.


ສະຫຼຸບແລ້ວຈະຊື້ລຸ້ນໃດດີ

Marshall Willen ແລະ Marshall Emberton II ເຈາະກຸ່ມເປົ້າຫມາຍຜູ້ໃຊ້ຂອງລໍາໂພງແບບພົກພາທີ່ມີຄວາມແຕກຕ່າງກັນຢ່າງຊັດເຈນ. ເຮັດໃຫ້ການເລືອກບໍ່ຍາກເລີຍ.


ຊື້ Marshall Willen ຖ້າ…

  • ຕ້ອງການລໍາໂພງຂະຫນາດນ້ອຍທີ່ສາມາດໃສ່ກະເປົາໄດ້ແບບບໍ່ລຳບາກ

  • ຕ້ອງການລໍາໂພງເອົາໄວ້ຟັງໃກ້ໆ ເຊັ່ນຈັ້ງໄວ້ໂຕະເວລາເຮັດວຽກ, ຮຽນ, ຫຼືອ່ານໜັງສື

  • ຕ້ອງການລຳໂພງທີ່ສາມາດລຸຍໄດ້ ເອົາໄວ້ຮັດຕິດກັບລົດຖີບ ຫຼື ໃນຫ້ອງ

  • ຕ້ອງການ Speaker Phoneສໍາລັບລົມເວົ້າໂທລະສັບ

  • ແຕ່ຖ້າຟັງໃນລະດັບຫ້ອງ ອາດຈະໃຫ້ສຽງບໍ່ຫຼາຍພໍທີ່ຈະເຕີມເຕັມຫ້ອງ.

ຊື້ Marshall Emberton II ຖ້າ...

  • ຕ້ອງການລຳໂພງຂະໜາດນ້ອຍ ພົກພາງ່າຍ ໃນກໍລະນີທີ່ເອົາໄປຟັງນອກເຮືອນ

  • ຕ້ອງການລໍາໂພງທີ່ມີກຳລັງສຽງທີ່ຫຼາຍພໍທີ່ຈະເຕີມເຕັມສຽງໃນຫ້ອງຂະຫນາດຍ່ອມໆໄດ້

  • ມັກສຽງເບສຕ້ອງການລໍາໂພງຂະຫນາດນ້ອຍທີ່ໃຫ້ສຽງເບດແໜ້ນໆ

  • ແຕ່ຖ້າຟັງໃກ້ໆແບບ Willen ອາດຈະຮູ້ສຶກອຶດອັດຈາກສຽງເບດໄດ້

ຖ້າຖອດຢາງຫຸ້ມອອກຈະເປັນແບບນີ້


TAGS

#EMBERTON II #FEATURES #MARSHALLWILLEN #ລຳໂພງພັກພາບູຣທູດ

1 view0 comments

Kommentare


bottom of page