Nothing Phone (1) ອາດມີລຸ້ນ Lite ລາຄາຖືກແລະປະຫຍັດ.

ກຳລັງກາຍເປັນກະແສໄປແລ້ວສຳລັບ Nothing Phone (1) ເຊິ່ງເປັນສະມາດໂຟນທີ່ອອກແບບໃຫ້ມີຄວາມໂປ່ງໃສສຸດລ້ຳຂອງ ຄາເພີຍ (Carl Pei) ໂດຍອະດີດຜູ້ຮ່ວມກໍ່ຕັ້ງ OnePlus ໂດຍມີລາຍງານວ່າກຳລັງພັດທະນາ Nothing Phone (2) ຕໍ່ໄປອີກ



ແລະຍັງມີຂ່າວລືໃຫມ່ກ່ຽວກັບໂທລະສະມາດໂຟນລຸ້ນຕໍ່ໄປຂອງແບຣນ Nothing ວ່າອາດຈະເປັນ Nothing Phone (1) ເວີຊັນ Lite ທີ່ຈະມີລາຄາຖືກກວ່າເວີຊັນມາດຕະຖານ.



ແຫຼ່ງຂ່າວອ້າງວ່າ Nothing Phone (1) Lite ນີ້ ຈະມີການອອກແບບຄືກັນກັບລຸ້ນມາດຕະຖານ ແຕ່ຈະປັບດ້ານຫຼັງເປັນແກ້ວທຳມະດາແທນແກ້ວແບບໃສ ແລະຈະບໍ່ມີອິນເຕີເຟດ LED Glyph ທີ່ເປັນເອກະລັກຂອງເວີຊັນມາດຕະຖານ ແລະຈະບໍ່ຮອງຮັບການສາກໄຟໄຮ້ສາຍ ແຕ່ອາດມີການແຖມເຄື່ອງສາກໄຟຂະໜາດ 42 W ມາາໃນການບັນຈຸແທນ



ແຫຼ່ງຂ່າວຍັງບອກອີກວ່າ Nothing Phone (1) Lite ຈະມີລາຄາຖືກກວ່າ Nothing Phone (1) ໂດຍອາມີລາຄາເລີ່ມຕົນປະມານ 11,500 ບາດ ຫຼື ປະມານ 5,485,500 ກີບ ເຊິ່ງອາດມີ RAM 6 GB ແລະບ່ອນເກັບຂໍ້ມູນ 128 GB ໃນຂະນະທີ່ Nothing Phone (1) ມີລາຄາຈຳໜ່າຍເລີ່ມຕົ້ນ 15,200 ບາດ ຫຼື 7,250,400 ກີບ ແຕ່ວ່າມາພ້ອມກັບ RAM 8 GB ນອກຈາກນີ້ຍັງມີບາງແຫຼ່ງຂ່າວອ້າງວ່າ Nothing Phone (1) ຈະມີແບັດເຕີຣີຂະໜາດໃຫຍ່ຂື້ນຢູ່ທີ່ 5,000 mAh.

ຢ່າງໃດກໍດີທາງ Nothing ຍັງບໍ່ໄດ້ອອກມາຢືນຢັນກ່ຽວກັບສະມາດໂຟນເວີຊັນ Lite ນີ້ເທື່ອ.

2 views0 comments