ນັກເຕະພຣີເມຍລີກ (Premier League) ຄຸເຂົ່າກ່ອນການແຂ່ງຂັນນັດ ເພື່ອຕ້ານການຫຍຽດເຊື້ອຊາດ

Updated: Aug 19

ນັກເຕະ Premier League ຕົກລົງຍອມທີ່ຈະຄຸເຂົ່າລົງກ່ອນເລີ່ມການແຂ່ງຂັນໃນລະດູການໃຫມ່ທີ່ຈະເລີ່ມໃນທ້າຍອາທິດນີ້.



ໂດຍສະໂມສອນຊັ້ນນໍາຂອງອັງກິດແລະສະໂມສອນທົ່ວເອີຣົບ ຕ່າງເລີ່​ມສະ​ແດງ​ການ​ຕໍ່​ຕ້ານ​ການຫຍຽດເຊື້ອຊາດເພື່ອສະນັບສະໜູນ​ຂະບວນການ​ Black Lives Matter ຫຼັງຈາກການເສຍຊີວິດຂອງ George Floyd ຢູ່ສະຫະລັດໃນເດືອນພຶດສະພາ 2020.


ການຄຸເຂົ່າລົງບໍ່ພຽງແຕ່ເປັນການຕໍ່ຕ້ານການຫຍຽດເຊື້ອຊາດ ມັນຍັງເປັນການລະນຶກເຖິງການເສຍຊີວິດຂອງ George Floyd ຍ້ອນວ່າໃນເດືອນພຶດສະພາ 2020 ຕໍາຫຼວດໃນ Minnesota ໄດ້ຈັບ George Floyd ໃນຂໍ້ສົງໄສວ່າໃຊ້ເງິນ 20 ໂດລາ ປອມເພື່ອຊື້ເຄື່ອງບາງຢ່າງໃນຮ້ານແຫ່ງໜຶ່ງ ຕຳຫຼວດໄດ້ໃຊ້ຫົວເຂົ່າກົດທັບໃສ່ຄໍຂອງລາວຈົນໄດ້ຮັບບາດເຈັບແລະເສຍຊີວິດຕໍ່ໜ້າຜູ້ເຫັນເຫດການທັງໝົດ ເຮັດ​ໃຫ້​ເກີດ​ການ​ປະ​ທ້ວງ​ແລະ​ການ​ຈະ​ລາ​ຈົນ​ທົ່ວ​ສະຫະລັດ



“ເປັນເວລາສອງປີແລ້ວທີ່ການຄຸເຂົ່າເປັນສ່ວນໜຶ່ງຂອງພິທີການກ່ອນການແຂ່ງຂັນ ມີບາງນັກເຕະຢ້ານວ່າມັນຈະສູນເສຍພະລັງ ສະນັ້ນມັນຂຶ້ນກັບນັກເຕະທີ່ຈະຕັດສິນໃຈດ້ວຍຕົນເອງ ແລະພວກເຮົາສະຫນັບສະຫນູນພວກເຂົາໃນທຸກຢ່າງການຕັດສິນໃຈທີ່ພວກເຂົາເຮັດ ຄື ກັບສະໂມສອນ” Richard Masters ຫົວຫນ້າບໍລິຫານຂອງ Premier League ກ່າວ.

1 view0 comments