ເປີດໂຕ Samsung Galaxy Watch5 ແລະ Watch5 Pro ເນັ້ນເປັນໂມງອັດສະລິຍະເພື່ອສຸຂະພາບ.

ງານ Galaxy Unpacked 2022 ງານເປີດໂຕຜະລິດຕະພັນໃໝ່ຂອງຊຳຊຸງ (Samsung) ມີການເປີດຕົວສິນຄ້າຫຼາຍໆຢ່າງ ເຊິ່ງນອກຈາກສະມາດໂຟນທີ່ສາມາດພັບໄດ້ໃນຕະກູນ Z Fold ແລະ Z Flip ແລະ ຫູຟັງໄຮ້ສາຍ Buds ແລ້ວນັ້ນ ຍັງມີການເປີດໂຕໂມງເພື່ອສຸຂະພາບຢ່າງ Samsung Galaxy Watch5 ແລະ Watch5 Pro ອີກນຳ ເຊິ່ງໄດ້ມີປັບປຸງຊອບແວ ແລະ ຮາດແວ ເພີ່ມຄຸນສົມບັດ ເນັ້ນການເປັນໂມງອັດສະລິຍະເພື່ອສຸຂະພາບທີ່ດີຍິ່ງຂຶ້ນ

Galaxy Watch5 ທີ່ເປີດຕົວຈະມາ 2 ລຸ້ນຄືລຸ້ນປົກກະຕິ ຂະໜາດ 40 ມມ ແລະ ຂະໜາດ 44 ມມ ແລະ ລຸ້ນ Pro ຂະໜາດ 45 ມມ ເພີ່ມຄວາມຫຼູຫຼາດ້ວຍວັດສະດຸທີ່ດີ.

Samsung Galaxy Watch5

Galaxy Watch5 ປົກກະຕິຈະໃຊ້ວັດສະດຸແກ້ວ Sapphire Crystal ເຊິ່ງແຂງແຮງກວ່າກ່ອນ 60% ເພີ່ມຄຸນສົມບັດແນະນຳການນອນ ໂດຍຈະໃຊ້ຕົວກາຕູນເພື່ອແນະນຳການນອນໃຫ້ກັບຜູ້ໃຊ້ ສາມາດບັນທຶກສະຖິຕິການນອນ ແລະ ໃຫ້ຄໍາແນະນໍາວ່າຄວນຈະປັບປຸງຫຍັງແນ່ ມີການປັບປຸງເຊັນເຊີ BIA ໃຫ້ດີຂື້ນກວ່າລຸ້ນທີ່ຜ່ານມາ ມັນສາມາດວັດແທກໄຂມັນໃນຮ່າງກາຍໄດ້ພາຍໃນ 15 ວິນາທີ ແລະ ຍັງສາມາດເປັນຄູຝຶກສອນສ່ວນໂຕຂອງຜູ້ໃຊ້

ຮຸ່ນນີ້ມີແບັດເຕີຣີ້ຫຼາຍກວ່າລຸ້ນກ່ອນເຖິງ15% ແລະສາມາດສາກໄຟໄດ້ໄວກວ່າ Watch4 ເຖິງ 30% ມີ GPS ສໍາລັບການຕິດຕາມກິດຈະກໍາຕ່າງໆ

Galaxy Watch5 ຈະມີຂາຍ 2 ຂະໜາດ, ຂະໜາດ 40 ມມ ມີ 3 ສີຄື ສີເງິນ (ສາຍສີມ່ວງ), ສີບົວທອງ, ສີເທົາຟ້າ (Bluetooth) ແລະ (Bluetooth+4G) ແລະ ຂະໜາດ 44 ມມ ມີ 3 ສີເທົາຟ້າ, ສີຟ້າ ແລະ ສີເງິນ (Bluetooth) ແລະ (Bluetooth + 4G)

Samsung Galaxy Watch5 Pro

ສ່ວນລຸ້ນ Pro ເຊັ່ນ Galaxy Watch5 Pro ຈະມີຂະໜາດ 45 ມມ ມາພ້ອມກັບສາຍແມ່ເຫຼັກ ເຮັດດ້ວຍວັດສະດຸ titanium ແລະແກ້ວ sapphire ເຫມາະສໍາລັບຜູ້ທີ່ມັກອອກໄປທາງນອກ

ອີກທັງ GPS ລຸ້ນນີ້ຈະຊ່ວຍເກັບປະຫວັດ ຕິດຕາມເສັ້ນທາງຫຼືນໍາທາງ ໄປຕາມເສັ້ນທາງທີ່ນໍາເຂົ້າໄປໃສ່ນຳໄດ້ອີກ ແລະຍັງຈະສາມາດເບິ່ງເສັ້ນທາງຍ້ອນກັບໃນຕອນທີ່ຫຼົງທາງຫຼືຈື່ທາງທີ່ມາບໍ່ໄດ້ໄອີກນຳ

ແບດເຕີຣີ້ນີ້ຈະສາມາດໃຊ້ງານຮ່ວມກັບ GPS ໄດ້ດົນເຖິງ 20 ຊົ່ວໂມງ ແລະ ສາມາດໃຊ້ງານປົກກະຕິໄດ້ເຖິງ 80 ຊົ່ວໂມງ ຫຼາຍກວ່າລຸ້ນປົກກະຕິເປັນເທົ່າໂຕ

Galaxy Watch5 Pro ຈະມີວາງຂາຍ 2 ສີຄື Black Titanium ແລະ Grey Titanium (Bluetooth) ແລະ (Bluetooth + 4G).