ສະໄຕລ໌ເຊເລັບຄົນດັງທີ່ເປັນຕົ້ນແບບແຟຊັນ'ຜູ້ຊາຍກະສາມາດໃສ່ກະໂປງໄດ້'

Updated: Aug 19

ຜູ້ຊາຍທີ່ພາກັນມາໃສ່ກະໂປງເພື່ອຕອກຢ້ຳເລື່ອງ ‘ເສື້ອຜ້າບໍ່ມີເພດ‘ ແລະການທີ່ຜູ້ຊາຍຈະມາໃສ່ກະໂປງນັ້ນບໍ່ແມ່ນເລື່ອງແປກ



ເທຣນຜຸ້ຊາຍໃສ່ກະໂປງຖືເປັນ Biggest Fashion Trend ຂອງປີ 2022 ສອດຄ່ອງກັບ Androgynous Fashion ຫຼືການແຕ່ງຕົວທີ່ບໍ່ຕິດປ້າຍວ່າຜູ້ຊາຍຫຼືຜູ້ຍິງ. ລວມທັງດາລາຜູ້ຊາຍທົ່ວໂລກກໍ່ພາກັນລຸກຂຶ້ນມາໃສກະໂປງເປັນຈຳນວນຫຼວງຫຼາຍ ເຊິ່ງພວກພວກເຂົາບໍ່ພຽງແຕ່ຕອກຢ້ຳແນວຄິດເລື່ອງເຄື່ອງນຸ່ງທີ່ເປັນກາງລະຫວ່າງຊາຍຍິງເທົ່ານັ້ນ. ເເຕ່ມັນຍັງເປັນການປະກາດວ່າໂລກພ້ອມທີ່ຈະເຫັນຜູ້ຊາຍໃສ່ກະໂປງຕາມປົກກະຕິ. ແອັດເລີຍເອົາສະໄຕລ໌ການນຸ່ງກະໂປງພ້ອມເເນວຄິດຂອງບັນດາຄົນດັງວ່າເຂົາມີມຸມມອງແບບຕໍ່ການໃສ່ກະໂປງ


Harry Styles



ຊື່ທໍາອິດທີ່ຫຼາຍຄົນຈະຄິດເຖິງແມ່ນ "Harry Styles," ຜູ້ທີ່ເປັນຕົວແທນຂອງຄວາມອິດສະລະທາງເພດໃນດ້ານແຟຊັນເລີຍກະວ່າໄດ້ ເນື່ອງຈາກວ່າລາວມັກໃສ່ກະໂປງ ຊຸດເດຣສ ແລະ ເຄື່ອງປະດັບຂອງຜູ້ຍິງ ທັງ​ຂຶ້ນ​ເວທີຄອນ​ເສີດຈົນໄປເຖິງ​​ຍ່າງ​ພົມ​ແດງ​ ໂດຍ Harry ເຄີຍໃຫ້ສຳພາດວ່າ "ເຮົາຄວນຢຸດເວົ້າກ່ຽວກັບການແບ່ງແຍກເຄື່ອງນຸ່ງລະຫວ່າງຜູ້ຍິງກັບຜູ້ຊາຍ ເພາະຖ້າເຮົາຜ່ານຈຸດນັ້ນມາໄດ້ເຮົາກໍຈະມີຄວາມສຸກກັບມັນ” ນັ້ນເປັນຍ້ອນລາວຄິດວ່າເຄື່ອງນຸ່ງຜູ້ຍິງບາງໂຕມີການອອກແບບທີ່ສວຍງາມ ເຊິ່ງບໍ່ຄວນແບ່ງແຍກເລີຍວ່າເປັນຂອງເພດໃດຄວນຂຶ້ນກັບ ແລະ​ການ​ແຕ່ງຕົວ​ນັ້ນ​ບໍ່​ຄວນ​​ຜູກ​ມັດ​ກັບ​ແນວຄິດ​ທາງ​ເພດ ແຕ່ພວກເຮົາຄວນຈະເປັນຕົວເຮົາເອງແລະມີຄວາມສຸກກັບມັນ.


Brad Pitt



ມັນເປັນເລື່ອງທີ່ຮືາບໍ່ໜ້ອຍເລີຍເມື່ອ “Brad Pitt” ນຸ່ງກະໂປງຍ່າງພົມແດງໃນງານສາຍຮອບປະຖົມມະທັດຂອງໜັງ Bullet Train ໂດຍມາໃນຊຸດກະໂປ່ງສີນ້ໍາຕານ ເຊິ້ງນີ້ບໍ່ແມ່ນຄັ້ງທໍາອິດທີ່ນຸ່ງກະໂປງເພາະໃນປີ 1999 Brad Pitt ເຄີຍໃສ່ຊຸດເດຣສຮັບຮູບຂື້ນປົກວາລະສານ Rolling Stone ມາເເລ້ວ ແລະເມື່ອຍ້ອນໄປໃນປີ 2004 ໃນຊ່ວງໂປຣໂໝດໜັງເລື່ອງ Troy ລາວເຄີຍວ່າ "ຜູ້ຊາຍຈະໃສ່ໂປງໃນລະດູຮ້ອນໜ້າ ນັ້ນຄືຕຳນານຂອງຂ້ອຍ” ໂດຍລາວເວົ້າເຖິງນັກຮົບກຣີກຄົນໜຶ່ງທີ່ໃສ່ກະໂປງຕະຫຼອດເວລາ ແລະ ເຮັດວຽກໄດ້ປົກກະຕິ ດັ່ງນັ້ນການທີ່ຜູ້ຊາຍຈະໃສ່ກະໂປງມັນບໍ່ເປັນເລື່ອງແປກ


Lil Nas X



ເປັນອີກຄົນໜຶ່ງທີ່ມີ Style Evolution ຂອງຕົນເອງ ສ້າງຄວາມຄວາມແປກໃຈ ແລະ ຮືຮາທຸກຄັ້ງເມື່ອປາກົດຕົວ ບໍ່​ວ່າ​ຈະ​ເປັນເສື້ອ crop (ຕັດ) ແລະ skirt mini (ກະໂປງສັ້ນ) ສີ​ບົວ​ສີ​ເທິງເວທີ​ ຫຼືການໃສ່ກະໂປງເມື່ອຕອນໄປໃຫ້ສໍາພາດໃນລາຍການ The Tonight Show With Jimmy Fallon ລວມເຖິງຊຸດອອກງານອີກຫຼາຍສະໄຕລ໌ຂອງເຂົາ ທັງໝົດນີ້ລ້ວນເປັນການພິສູດວ່າຜູ້ຊາຍສາມາດໃສ່ກະໂປງໄດ້ຢ່າງຫມັ້ນໃຈ ແລະທຸກຄົນສາມາດແຕ່ງຕົວຕາມຕົວເອງຕ້ອງການໄດ້ໂດຍບໍ່ຕ້ອງສົນໃຕວ່າເປັນຂອງເພດໃດ


Matthew Healy



The 1975 ເປັນວົງດົນຕີ indie-rock ຈາກ Manchester ປະເທດອັງກິດ, ມີ Matthew Healy ເປັນນັກຮ້ອງນໍາລາວເປັນສິລະປິນອີກຄົນຫນຶ່ງທີ່ມີສະໄຕລ໌ການແຕ່ງຕົວທີ່ໂດດເດັ່ນທີ່ບໍ່ມີຂອບເຂດຫຼືກົດລະເກນໃດໆ ຄັ້ງໜຶ່ງລາວຍັງໃສ່ຊຸດຄົນເຈັບທີ່ມີສາຍທໍ່ນໍ້າເກືອໄປຂື້ນຄອນເສີດເຊິ່ງທີ່ເປັນທີ່ນິຮືຮາຫຼາຍ ແລະຫຼາຍເທື່ອ Matty ມັກຈະໃສ່ກະໂປງລາຍດອກໄມ້ ເຮັດເລັບມື ລວມເຖິງການເເຕ່ງໜ້າດ້ວຍການທາເງົາຕາແລະລິບສະຕິກ ສາມາດເອີ້ນໄດ້ວ່າເປັນອີກຄົນຫນຶ່ງທີ່ປຸກກະແສຂອງການແຕ່ງຕົວທີ່ຄວາມຫຼາກຫຼາຍແລະບໍ່ກຳນົດເພດ ໂດຍ Matty ຍັງໄດ້ເວົ້າວ່າ “ສຳລັບຂ້ອຍການແຕ່ງໜ້າແມ່ນເຄື່ອງປະດັບອີກຮູບແບບໜຶ່ງ ບາງຄັ້ງຂ້ອຍກະມັກແຕ່ງຕົວຄືກັບເດັກນ້ອຍ ເຊິ່ງມັນເປັນເລື່ອງງ່າຍໆກະມີເເຕ່ເທົ່ານັ້ນແຫຼະ.”


Ezra Miller



ປິດທ້າຍດ້ວຍນັກສະແດງຈາກ Hollywood ແຖວໜ້າຢ່າງ Ezra Miller ຜູ້ທີ່ໃສ່ຊຸດແຟຊັນບໍ່ວ່າຈະເປັນ ແຕ່ງແຕ່ງຕົວທີ່ມາພ້ອວກັບຕາຈຳນວນຫຼາຍຢູ່ໃບໜ້າໃນງານ The Met Gala ຫຼືຊຸດຂາວຈາກ Givenchyທີ່ໃສ່ໄປໃນງານເປີດໂຕໜັງທີ່ London ແລະ ການຖ່າຍແບບໃຫ້ Playboy ໃນປີ 2018 ດ້ວຍໃສ່ຖົງຕີນທີ່ຕິດຫູກະຕ່າຍ​ ທັງໝົດນີເປັນການບົ່ງບອກເເລ້ວວ່າລາວມີການແຕ່ງຕົວທີ່ບໍ່ມີກົດເກນ ແລະສ້າງແຮງບັນດານໃຈໃຫ້ທຸກຄົນມາແຕ່ງຕົວຢ່າງດ້ວຍຄວາມສຸກ ແລະ ບໍ່ຕ້ອງມີການວິພາກວິຈານກັນ.