ຈີນພົບຜູ້ຕິດເຊື້ອໄວຣັສ LayV ກວ່າ 35 ລາຍ ຄາດການວ່າຕິດເຊື້ອຈາກສັດຈຳພວກໜູ

Updated: Aug 19

ນັກວິທະຍາສາດກໍາລັງຕິດຕາມເຊື້ອໄວຣັສຊະນິດໃໝ່ທີ່ມາຈາກສັດໃນພາກຕາເວັນອອກຂອງຈີນ. ຈາກການລາຍງານພົບມີຜູ້ຕິດເຊື້ອຢ່າງ​ໜ້ອຍ​ຫຼາຍ​ສິບ​ຄົນ​ ໂດຍໄວຣັສ Langya henipavirus (LayV) ຖືກພົບໃນ​ຄົນ​ປ່ວຍ 35 ຄົນ​ໃນ​ແຂວງ ຊານຕົງແລະເຫີໜານ ຫຼາຍຄົນມີອາການໄຂ້ ເມື່ອຍລ້າ ແລະໄອ ແລະ ວາລະສານການແພເດ (The New England Journal of Medicine) ລະບຸວ່າຄິດວ່າເປັນໄວຣັສທີ່ຕິດຈາກສັດ ແຕ່ຍັງບໍ່ມີຫຼັກຖານທີ່ສະຫຼຸບວ່າ Langya ຈະສາມາດແພ່ເຊື້ອໃນໝູ່ມະນຸດໄດ້.



Wang Linfa ຫນຶ່ງໃນນັກວິໃຈຄົ້ນຄວ້າຂອງໂຮງຮຽນການແພດ Duke-NUS ໃນສິງກະໂປ ບອກກັບ Global Times ທີ່ດຳເນີນການໂດຍລັດທະບານຂອງຈີນວ່າກໍລະນີຂອງ LayV ທີ່ພົບເຫັນແມ່ນຍັງບໍ່ຮ້າຍແຮງຫຼືຮ້າຍແຮງຫຼາຍ "ດັ່ງນັ້ນບໍ່ຈໍາເປັນຕ້ອງຕົກໃຈ" ຢ່າງໃດກໍຕາມຍັງມີຄວາມຈຳເປັນທີ່ຕ້ອງຕື່ນຕົວຢູ່ສະເໝີເນື່ອງຈາກໄວຣັດທີ່ມີຢູ່ໃນທຳມະຊາດມີຜົນທີ່ຄາດເດົາບໍ່ໄດ້ເມື່ອພວກມັນເເພ່ເຊື້ອເຂົ້າສູ່ມະນຸດ




ນັກວິທະຍາສາດກ່າວວ່າ LayV ຖືກພົບ 27% ໃນຈຳພວກໜູ (Shrew) ແລະຍັງບອກວ່າສັດລ້ຽງລູກດ້ວຍນົມທີ່ມີລັກສະນະຄ້າຍໂຕຕຸ່ນອາດເປັນແຫຼ່ງສະສົມເຊື້ອຕາມທຳມະຊາດ



ສູນຄວບຄຸມພະຍາດໄຕ້ຫວັນກ່າວໃນວັນອາທິດວ່າ "ໃຫ້ເອົາໃຈໃສ່ຢ່າງໃກ້ຊິດ" ຕໍ່ການພັດທະນາ LayV ເປັນໄວຣັສ henipa ຊະນິດໜຶ່ງເຊິ່ງເປັນປະເພດຂອງໄວຣັສທີ່ສາມາດໂດດຈາກສັດໄປສູ່ຄົນໄດ້ ປົກກະຕິແລ້ວໄວຣັສຈາກສັດໄປສູ່ຄົນແມ່ນເປັນເລື່ອງປົກກະຕິ ແຕ່ມັນໄດ້ຮັບຄວາມສົນໃຈຫຼາຍຂຶ້ນນັບຕັ້ງແຕ່ການເລີ່ມລະບາດຂອງ ໂຄວິດ coronavirus.


​ສູນ​ຄວບ​ຄຸມ​ແລະ​ປ້ອງ​ກັນ​ພະ​ຍາດ​ຂອງ​ສະ​ຫະ​ລັດ (US Center for Disease Control and Prevention) ລະບຸວ່ານັກນັກ​ວິ​ທະ​ຍາ​ສາດປະເມີນວ່າ 3 ໃນ​ 4 ​ຂອງ​ພະ​ຍາດ​ໃໝ່​ ຫຼື ​ເກີດໃໝ່ໃນຄົນມາຈາກສັດ



ອົງການ​ສະຫະ​ປະຊາ​ຊາດ​ໄດ້​ເຕືອນ​ກ່ອນໜ້າວ່າ​ໂລກ​ຈະ​ປະ​ເຊີນ​ໜ້າ​ກັບ​ພະຍາດ​ດັ່ງກ່າວຫຼາຍຂື້ນ ​ດ້ວຍການ​​ສະແຫວງຫາປະໂຫຍດຈາກ​ສັດປ່າ ​ແລະ ການ​ປ່ຽນ​ແປງ​ຂອງ​ດິນ​ຟ້າ​ອາກາດ​ເພີ່ມ​ຂຶ້ນ ໄວຣັສບາງຊະນິດຈາກສັດບາງຊະນິດສາມາດເຮັດໃຫ້ມະນຸດເສີຍຊີວິດໄດ້ ເຊິ່ງລວມເຖິງເຊື້ອໄວຣັສເຮນິປາ (Henipavirus) ເຊິ່ງມີການລະບາດເປັນໄລຍະໃນສັດແລະມະນຸດໃນອາຊີ.

1 view0 comments