ຫຼຸດສະເປັກ Motorola S30 Pro (ຫຼື Edge 30 Fusion) ມາພ້ອມຊິບ Snapdragon 888+



ໃນຂະນະທີ່ Motorola ກໍາລັງກະກຽມງານເປີດໂຕສະມາດໂຟນລະດັບພຣີມຽມເຊັ່ນ Moto Razr 2022 ທີ່ສາມາດພັບຈໍໄດ້ ແລະ Moto Edge X30 Pro ພ້ອມກ້ອງ 200 ລ້ານພິກເຊລ ລ່າສຸດມີຂ່າວລືກ່ຽວກັບສະມາດໂຟນອີກລຸ້ນໜຶ່ງທີ່ອາດຈະເປີດຕົວໃນໄວໆນີ້ເຊັ່ນດຽວກັນ


ສະມາດໂຟນດັ່ງກ່າວຄື Moto S30 Pro ຫຼືອາດເອີ້ນວ່າ Moto Edge 30 Fusion ໃນບາງປະເທດ ເຊິ່ງໄດ້ຮັບການທົດສອບປະສິດທິພາບໃນເເພັດຟອມ Geekbench



Moto S30 Pro ດັ່ງກ່າວມີໝາຍເລກລຸ້ນ XT2243-2 ເຊິ່ງເຄີຍຜ່ານການທົດສອບໃນ TENAA ໃນປະເທດຈີນກ່ອນແລ້ວ ໂດຍມີໜ້າຈໍ OLED ຂະໜາດ 6.55 ນິ້ວ ຄວາມລະອຽດ Full HD+, RAM 8/12/16GB 128/256/ບ່ອນເກັບຂໍ້ມູນ 128/256/512 GB ແລະ ແບັດເຕີຣີ 4,270 mAh ທີ່ຮອງຮັບການສາກໄຟ 68.2 W


ສໍາລັບການທົດສອບໃນ Geekbench ເຮັດໃຫ້ເຮົາຮູ້ວ່າ Moto S30 Pro ມາພ້ອມກັບຊິບເຊັດລະດັບພຣີມຽມເຊັ່ນ Qualcomm Snapdrgon 888+ ທີ່ມີຄວາມໄວສູງສຸດ 2.84 GHz ບໍ່ແມ່ນ MediaTek Dimensity 900 ດັ່ງທີ່ເຄີຍມີຂ່າວລືກ່ອນຫນ້ານີ້ອີກທັງແຫຼ່ງຂ່າວຍັງອ້າງວ່າຈະມີລາຄາໃນຕະຫຼາດເອີຣົບປະມານ 680 ເອີໂຣ ຫຼື ປານ 11,859,000 ກີບ


ໃນຂະນະທີ່ຍັງບໍ່ຊັດເຈນວ່າ Motorola ຈະເປີດຕົວ Moto S30 Pro (ຫຼື Edge 30 Fusion) ໃນວັນທີ 2 ສິງຫາ 2022 ພ້ອມກັບ Moto Razr 2022 ແລະ Edge X30 Pro ແທ້ ຫຼື ບໍ່.

1 view0 comments