ລຸ໊ກໃໝ່ຂອງ Anne Hathaway ຊວນໃຫ້ແຟນຄຣັບນຶກເຖິງຄາເລັກເຕີ້ The Devil Wears Prada

ເຖິງວ່າຈະຜ່ານໄປແລ້ວກວ່າ 15 ປີ ແຕ່ນາງກໍໄດ້ພິສູດແລ້ວວ່າ Andrea Sachs ເປັນຄາເລັກເຕີ້ໃນຄວາມຊົງຈຳທີ່ບໍ່ມີໃຜລືມ.



ຖ້າເວົ້າເຖິງຕົວລະຄອນສາຍເເຟຊັນທີ່ໂດດເດັ່ນໃນໂລກຂອງຮູບເງົາ ຫຼາຍຄົນຄິດເຖິງຕົວລະຄອນຈາກເລື່ອງ The Devil Wears Prada ໂດຍສະເພາະ Andrea Sachs ສະແດງໂດຍ Anne Hathaway ເຊິ່ງຄວາມໂດດເດັ່ນຈາກຮູບເງົາເລື່ອງນີ້ເຮັດໃຫ້ລາຍຄົນຕິດພາບ ແອນເດີຍ ຫຼື ແອນດີ້ ໄປໂດຍປະລິຍາຍ ສະນັ້ນເມື່ອ Anne ເຄື່ອນໄຫວກໍມີຄົນເຝົ້າຈັບຕາເບິ່ງຢູ່ຕະຫຼອດເວລາ ໂດຍສະເພາະເລື່ອງຂອງແຟຊັນທີ່ຜູ້ຕົນລໍຖ້າມື້ທີ່ນາງຈະກັບມາສວມບົດບາດໃນຄວາມຊົງຈຳອີກ ແລະໃນມື້ນີ້ນັກສະແດງຍິງອາຍຸ 39 ປີກໍໄດ້ສ້າງສັນການເເຕ່ງຕົວທີ່ເຮັດໃຫ້ແຟນໆຍ້ອນນຶກເຖິງຄວາມຫຼັງອັນຫອມຫວານໄດ້ດີສຸດໆ




ເຮັດໃຫ້ນຶກເຖິງຕົວລະຄອນ Andy ໂດຍລຸ໊ກນີ້ Anne ນຸ່ງເປັນຊຸດຂອບຕັດລາຍດອກໄມ້ເຂົ້າກັບເສື້ອຄຸມທີ່ມີປຸ່ມເຫຼັກສີທອງ ແລະພາຍກະເປົາຫນັງ ທັງຫມົດຈາກ Valentino ສ່ວນເກີບບູ໊ດຈາກ Giuseppe Zanotti ແລະເຄື່ອງປະດັບຈາກ Bvlgari ອົງປະກອບທີ່ສົມບູນແບບທີ່ມາພ້ອມກັບພາບຈໍາຂອງແຟນຄຣັບຈຶ່ງເຮັດໃຫ້ຫຼາຍຄົນໄດ້ແຫ່ເຂົ້າມາສະແດງຄວາມຄິດເຫັນວ່ານີ້ແມ່ນຕົວລະຄອນ Andy ຈາກປີ 2022.



ນອກ​ຈາກ​ແຟ​ຊັນ​ແລ້ວແຟນ​ໆ​ກໍ​ຍັງພາກັນ​​ຍ້ອງ​​ແອນ​ເລື່ອງ​ດູ​ແລ​ຕົນ​ເອງ ເພາະຄືກັບວ່າການເວລາບໍ່ສາມາດເຮັດຫຍັງນາງໄດ້ເລີຍ ​ເຖິງແມ່ນ​ວ່າ​​ຮູບ​ເງົາ​ແຟຊັນ​ສ້າງຊື່ຈະຜ່ານມາຫຼາຍ​ກວ່າ 15 ປີ​ແລ້ວ ​ແຕ່​ນາງ​ກໍຍັງ​ຮັກສາ​ຄວາມ​ງາມ​ຂອງ​ຕົນໄດ້​ຄື​ເກົ່າ ແລະນາງຍັງໄດ້ເຜີຍວ່າການອໍດິຊັນສໍາລັບບົດບາດນີ້ບໍ່ແມ່ນເລື່ອງງ່າຍ. ຕ້ອງພະຍາຍາມຢ່າງໜັກ ແລະມັນກໍເຕັມໄປດ້ວຍຄວາມຄາດຫວັງ ເມື່ອສຸດທ້າຍນາງໄດ້ຮັບບົດບາດນີ້ມັນຄືກັບຜົນສໍາເລັດອັນສູງສຸດຂອງຊີວິດ ເພາະບໍ່ພຽງແຕ່ເປັນບົດບາດທີ່ເຮັດໃຫ້ນາງໂດດເດັ່ນໃນວົງການບັນເທີງເທົ່ານັ້ນ ແຕ່ຍັງສ້າງຊື່ແລະພາບຈຳໃນສາຍແຟຊັນ ອີກທັງຍັງກາຍເປັນນັກສະເເດງຜູ້ຮັບບົດອັນເປັນອຳມະຕະຕະຫຼອດການແບບທີ່ບໍ່ມີໃຜສາມາດລືມລົງໄດ້ ແມ່ນວ່າເວລາຈະຜ່ານໄປເທົ່າໃດ ເຮົາເຊື່ອວ່າທຸກຄົນກໍຍັງຈະຈື່ແລະຈົດຈຳ Anne Hathaway ໃນຖານະນັກສະແດງຜູ້ຮັບບົດ Andy ຢ່າງແນ່ນອນ.

1 view0 comments