ສູດບຳລຸງຜິວສະບັບໂຮມເມດ ຊ່ວຍລົດຮູຂຸມຂົນ ເທີງໃນໜ້າໃຫ້ເບີ່ງອ່ອນໄວ

Updated: Jul 16



ຜູ້ຍິງທຸກຄົນຢາກມີຜິວນຽນ ມີຜິວກະຈາງໃສ ແຕ່ເມື່ອເວົ້າເຖິງ ຮູຂຸມຂົນກວ້າງ ນັ້ນອາດເປັນໜຶ່ງໃນປັນຫາຜິວທີ່ກວນໃຈຫຼາຍທີ່ສຸດ ແມ່ນທີ່ວ່າທຳະຊາດຂອງຜິວມີຮູຂຸມຂົນຫຼາຍເພື່ອໃຫ້ຜິວຫາຍໃຈ ແຕ່ເມື່ອມັນຂະຫຍາຍໃຫຍ່ຂື້ນຈົນເຫັນໄດ້ຊັດເຈນດ້ວຍຕາເປົ່າ ນັ້ນອາດເປັນສັນຍານຂອງຜິວ ເລີ່ມມີອາຍຸລວມເຖີງຄວາມໝອງຄ້ຳ ເຊີ່ງຜູ້ທີ່ມີຜິວມັນ ແລະ ຜິວປະສົມມີແນວໂນ້ມຈະມີຮູຂຸມຂົນກວ້າງໄດ້ຫຼາຍເພາະເກິດຈາກຄວາມມັນສ່ວນເກິນທີ່ມັກເກິດຂື້ນກັບກຸ່ມຜິວໜັງປະເພດນີ້


ນອກຈາກລັກສະນະຂອງຮູຂຸມຂົຍກວ້າງທີ່ເຫັນໄດ້ຊັດເຈນແລ້ວ ຫາກຜິວອຸດຕັນດ້ວຍສິ່ງເປື້ອນກໍ່ອາດຈະເຮັດໃຫ້ເກິດສິວຫົວດຳ ແລະ ສິວສ້ຽນໄດ້ ເຊີ່ງປັນຫາຮູຂຸມຂົນກວ້າງເກິດໄດ້ຈາກປັດໃຈຫຼາຍປະການ ເຊັ່ນ: ການຖືກແສງແດດໂດຍບໍ່ໄດ້ປ້ອງກັນ ການແຕ່ງໜ້າທີ່ບໍ່ເໝາະສົມ ເພາະສະນັ້ນວິທີແກ້ນອກຈາກການທຳຄວາມສະອາດລ້ຳລືກແລ້ວ ແລະ ເບີ່ງແຍງເໝາະສົມແລ້ວ ໃຫ້ລອງໃຊ້ວິທີບໍາລຸງຜິວງ່າຍໆ ຢູ່ບ້ານດ້ວຍສຸດໂຮມເມດເຫຼົ່ານີ້ ຈະຊ່ວຍລົດຂຸມຂົນໃບໜ້າໄດ້ຢ່າງເຫັນຜົນ



1. ສູດມາກດ້ວຍເຈລວ້ານຫ່າງເເຂ້


ນອກຈາກຄຸນສົມບັດໃນການທຳຄວາມສະອາດແລ້ວ ເຈລຂອງວ້ານຫາງເຂ້ຍັງຊ່ວຍໃຫ້ຄວາມຊຸ່ມຊື່ນແກ່ຜິວ ກຳຈັດສິ່ງອຸດຕັນ ແລະ ເຮັດໃຫ້ຮູຂຸມຂົນທີ່ກວ້າງນັ້ນນ້ອຍລົງ ໂດຍວິທີການບໍາລຸງຜິວເຮັດໄດ້ງ່າຍໆ ພຽງນຳເຈລວ້ານຫາງເຂ້ມາທາບໍລິເວນທີ່ມີຮູຂຸມຂົນກວ້າງ ແລະ ນວດ2-3 ນາທີ ຈາກນັ້ນຖີ້ມໄວ້ອິກ 10 ນາທີ ສຸດທ້າຍລ້າງອອກໃຫ້ສະອາດດ້ວຍນ້ຳເຢັນ ແລະ ແນະນຳໃຫ້ເຮັດເປັນປະຈຳທຸກວັນຈະເຫັນຜົນລັບທີ່ນ່າພໍໃຈ


2. ສູດມາກໝາກແຕງ + ໝາກນາວ


ສູດນີ້ໃຫ້ນຳໝາກແຕງມາຝານ 4-5 ປ່ຽງ ແລະ ບົດໃຫ້ລະອຽດ ຈາກນັ້ນປະສົມໃຫ້ເຂົ້າກັນກັບນ້ຳໝາກນາວ 2 ຊ້ອນໂຕະ ນຳໄປມາກໜ້າປະໄວ້ 15 ນາທີ ແລະ ລ້າງອອກດ້ວຍນ້ຳເຢັນ ມາກສຸດນີ້້ຊ່ວຍລົດຮູຂຸມຂົນກ້ວາງດ້ວຍຄຸນສົມບັດຈາກໝາກແຕງທີ່ມີສານເຮັດໃຫ້ຜິວເຢັນ ສ່ວນໝາກນາວຍັງຊ່ວຍຫຼຸດຈຸດດ່າງດຳໃຫ້ຈາງລົງ ແລະປັບສີຜິວໃຫ້ສະໝ່ຳສະເໝີ ນຳມາບຳລຸງຜີວເປັນປະຈຳຈະຊ່ວຍປັບສະພາບຜີວນຽນກະຈ່າງໃສ ແລະ ຊະລໍ Aging Process ຫຼື ຂະບວນການທີ່ເຮັດໃຫ້ຜິວແກ່ຂື້ນນັ້ນເອງ


3. ສະຄັບໜ້າດ້ວຍໝາກເລັ່ນ


ໝາກເລັ່ນມີຄຸນສົມບັດຊ່ວຍສະໝານຜິວ ກຳຈັດນ້ຳມັນສ່ວນເກີນ ກະຊັບຜິວ ແລະ ຫຼຸດຂະໜາດຮູຂຸມຂົນ ໂດຍໝາຫເລັ່ນອຸດົມໄປດ້ວຍໄລໂຄປີນ ແລະ ສານຕ້ານອະນຸມູນອິດສະລະ ຊ່ວຍຊະລໍກະບວນການເສື່ອມຂອງຜິວໜັງໄດ້ ວິທີໃຊ້ພຽງແຕ່ຊອຍໝາກເລັ່ນເຄິ່ງໜ່ວຍ ຈາກນັ້ນນຳມາຂັດຜິວໜ້າເປັນວົງກົມຊ້າໆເບົາໆ ເນັ້ນບໍລະເວນແກ້ມຄາງ ແລະ ດັງ ສຸດທ້າຍ ລ້າງອອກດ້ວຍນ້ຳເຢັນ ເຮັດແບບນີ້ອາທິດລະ 1-2 ຄັ້ງ ຈະຊ່ວຍໃຫ້ຮູຂຸມຂົນເບີ່ງນ້ອຍລົງພ້ອມຜິວໜ້າກະຈ່າງໃນໃສຫຼາຍຂື້ນ



4. ສູດມາກໄຂ່ຂາວ+ເຂົ້າໂອດ+ນ້ຳໝາກນາວ

ໄຂ່ຂາວເປັນວັດຖຸດິບຊັ້ນເລີດທີ່ມີປະສິດທິພາບໃນການກຳຈັດສິ່ງເປິເປື້ອນ ລົດຄວາມມັນ ແລະ ກະຊັບຮູຂຸມຂົນໄດ້ດີຫຼາຍ ວິທີນຳມາບຳລຸງຜິວສາມາດເຮັດໄດ້ງ່າຍ ດ້ວຍການນຳໄຂ່ຂາວ 1 ໜ່ວຍ ປະສົມເຂົ້າໂອດ 2 ຊ້ອນໂຕະ ແລະ ເຕີມດ້ວຍນ້ຳໝາກນາວ 2 ຊ້ອນໂຕະ ຄົນທຸກຢ່າງໃຫ້ເຂົ້າກັນຈົນນຽນລະອຽດ ຈາກນັ້ນນຳມາມາກໜ້າປະໄວ້ 30 ນາທີ ສຸດທ້າຍລ້າງດ້ວຍນ້ຳເຢັນ ແນະນຳໃຫ້ໃຊ້ສຸດນີ້ບຳລຸງຜິວ 2 ຄັ້ງຕໍ່ອາທິດ


5. ໃຊ້ແອບເປີ້ນໄຊເດີ້ເປັນໂທນເນີ້


ນ້ຳສົ້ມສາຍຊູໝັກຈາກແອບເປີ້ນຊ່ວຍລົດການອັກເສບ ຊ່ວຍທຳຄວາມສະອາດຜິວ ແລະ ມີປະສິດທິພາບໃນການລົດຂະໜາດຮູຂຸມຂົນ ວິທີບຳລຸງຜິວໃຫ້ເລີ່ມຈາກເອົາແອບເປີ້ນໄຊເດີ້ 1ຊ້ອນໂຕະ ມາປະສົມກັບນ້ຳຈາກນັ້ນຈຸ່ມສຳລີລົງນຳມາທາຜິວໜ້າ ແລະ ປ່ອຍໃຫ້ແຫ້ງ ສູດນີ້ຈະຊ່ວຍລົດຄວາມມັນ ກະຊັບຮູຂຸມຂົນ ໂດຍສາມາດນຳມາທາແທນການໃຊ້ໂທນເນີ້ໄດ້ເລີຍ


ທັງໝົດນີ້ເປັນສຸດບຳລຸງຜິວເພື່ອລົດຮູຂຸມຂົນເທີ່ງໃບໜ້າໂດຍສະເພາະ ວັດຖຸດິບສາມາດຫາໄດ້ງ່າຍໆໃກ້ຕົວ ແນະນຳໃຫ້ເລືອກສູດທີ່ຄິດວ່າເໝາະກັບຜິວຂອງເຮົາຫຼາຍທີ່ສຸດ ແລະ ເຮັດເປັນປະຈຳຢ່າງຕໍ່ເນື່ອງເພື່ອຜົນລັບທີ່ນ່າພື່ງພໍໃຈ ເທົ່ານີ້ຮູຂຸມຂົນກໍ່ຈະເບີ່ງນ້ອຍລົງຢ່າງເຫັນໄດ້ ພ້ອມເຜີຍຜີວໃສຂື້ນກວ່າເດີມ

 

3 views0 comments