10 ສູດອາຫານເພີ່ມຄໍລາເຈນ ຄົງຄວາມອ່ອນໄວ

ລວມອາຫາານທີ່ມີຄໍລາເຈນສຸງທີ່ຄວນກິນເປັນປະຈຳເພື່ອບຳລຸງຜິວໃຫ້ສວຍອີ່ມຟູ


ຄໍລາເຈນ (Collagen) ເປັນໂປຣຕີນທີ່ພົບໄດ້ຕາມທຳມະຊາດທົ່ວຮ່າງກາຍບໍ່ພຽງແຕ່ຜິວໜັງເທົ່ານັ້ນ ແຕ່ຍັງພົບໄດ້ມນກ້າມເນື້ອເສັນເອັນ ທາງເດີນອາຫານ ຫຼື ໃນຫຼອດເລືອດ ເຊີ່ງຄໍລາເຈນເປັນສ່ວນປະກອບສຳຄັນທີ່ເຮັດໃຫ້ຜິວເຕັງຕືງ ແລະ ຍືດຍຸ່ນ ແຕ່ຮ່າງກາຍຈະຜະລິດຄໍລາເຈນລົດລົງເມື່ອອາຍຸຫຼາຍຂື້ນ ລວມເຖີງແສງແດດ ຝຸ່ນ ມົນລະພາວະ ແລະ ອະຍຸມູນອິດສະລະ ຍັງເປັນສາເຫດຂອງການລະລາຍຕົວຂອງຄໍລາເຈນອິກດ້ວຍ ເຊີ່ງສາເຫດອັນດັບຕົ້ນໆທີ່ຄົນເຮົາຂາດຄໍລາເຈນສ່ວນຫຼາຍມາຈາກການຮັບປະທານອາຫານທີ່ມີສານອາຫານບໍ່ພຽງພໍ ແລະ ການຂາດກົດອະມິໂນ ວິຕາມີນຊີ ສັງກະສີ ແລະ ທອງແດງ ເຮັດໃຫ້ລຳໃສ້ເຮັດວຽກໄດ້ບໍ່ປົກະຕິຈຶ່ງດູດສັບອາຫານໄດ້ບໍ່ດີ ແລະ ເປັນເຫດໃຫ້ຮ່າງກາຍບໍ່ສາມາດສ້າງຄໍລາເຈນເພີ່ມໄດ້.



ນອກຈາກນີ້ຂະບວນການຜະລິດຄໍລາເຈນຕາມທຳມະຊາດຈະເລີ່ມລົດລົງເມື່ອອາຍຸປະມານ 30 ປີ ແລະ ຄຸນນະພາບຂອງຄໍລານເຈນທີ່ຜະລິດໄດ້ຈະບໍ່ດີເທົ່າທີເຄີຍ ເຖີງວ່າການກິນຄໍລາເຈນໃນຮູບແບບອາຫານເສີມຈະເປັນທາງເລືອກໜຶ່ງໃນການເພີ່ມຄໍລາເຈນໃຫ້ແກ່ຫ່າງກາຍ ແຕ່ການກິນອາຫານຈາກທຳມະຊາດນັ້ນຈະດີກວ່າ ເພາະເຮົາຈະໄດ້ສານອາຫານທີ່ມີປະໂຫຍດອື່ນໆຮ່ວມໄປນຳ ແລະ ນີ້ແມ່ນອາຫານທີ່ມີຄໍລາເຈນສູງທີ່ຄວນກິນເປັນປະຈຳ ເພື່ອຄົງຄວາມອ່ອນໄວຂອງຜິວ ແລະ ເບີ່ງແຍງຮ່າງກາຍໃຫ້ມີສຸຂະພາບດີ


1. ໂປຣຕີນ



ຄໍລາເຈນສ້າງຈາກກົດອະມິໂນ 19 ຊະນິດ ເຊີ່ງເປັນສ່ວນປະກອບສຳຄັນຂອງໂປຣຕີນ ດັ່ງນັ້ນການໃສ່ວັດຖຸດິບທີ່ອຸດົມໄປດ້ວຍໂປຣຕີນລົງໃນອາຫານທີ່ຈະເຮັດໃຫ້ເຮົາມີແມດທີລຽວຈຳເປັນສຳລັບການຜະລິດຄໍລາເຈນ ແນະນຳໃຫ້ເລືອກໂປຣຕີນຄຸນນະພາບສູງ ເຊັ່ນ: ຊີ້ນງົວ, ໄກ່ອໍແກນິກ ຊີ້ນງົວທີ່ລ້ຽງດ້ວຍຫຍ້າ ແລະ ປາເຊລມ່ອນທີ່ຈັບໄດ້ຕາມທຳມະຊາດ ນອກຈາກນີ້ໄຂ່ຂາວກໍ່ເປັນຕົວເລືອກທີ່ດີເຊັ່ນກັນ ເພາະນອກຈະມີໂປຣຕີນທີ່ດີຕໍ່ຮ່າງກາຍ ຍັງມີກົດອະມິໂນໄລຊີນ ແລະ ໂພລີນສູງ ເຊີ່ງຈຳເປັນຕໍ່ການຜະລິດຄໍລາເຈນອິກດ້ວຍ.

2. ພືດທີ່ອຸດົມໄປດ້ວຍກົດອະມິໂນ

ການຮັບປະທານອາຫານທີ່ອຸດົມດ້ວຍພືດຜັກຫຼາຍຊະນິດ ຮ່າງກາຍຈະໄດ້ຮັບວິຕາມີນ ແລະ ແຮ່ທາດຫຼາຍ ລວມເຖີງກົດອະມິໂນທີ່ຈຳເປັນໃນການສ້າງໂປຣຕີນອັນເປັນອົງປະກອບສຳຄັນໃນການຜະລິດຄໍລາເຈນ ໂດຍພືດທີ່ມີກົດອະມິໂນຈຳເປັນ ໄດ້ແກ່ ຄະວີນົວ ບັກວິດ (ເມັດທັນຍະພືດທີ່ອຸດົມໄປດ້ວຍສານອາຫານແຕ່ປາດສະຈາກກະລູເຕນ ມີໂປຣຕີນ ແລະ ໃຍອາຫານສູງ)



3. ຜັກໃບຂຽວ


ຜັກໃບຂຽວທີ່ອຸດົມໄປດ້ວຍວິຕາມີນຊີ ເຊັ່ນ: ຜັກຂົມ ແລະ ຜັກເຄລ ມີສ່ວນຜະລິດຄໍລາເຈນໄດ້ດີ ເພາະວິຕາມີນຊີມີຄຸນສົມບັດຕ້ານອະນຸມູນອິດສະລະ ເຊີ່ງເປັນໜຶ່ງໃນຕົວການລະລາຍຄໍລະເຈນ ນອກຈາກນີ້ຍັງເປັນເກາະປ້ອງກັນຜີວ ລ່ອກຄວາມຊຸ່ມຊື່ນ ຊ່ວຍໃຫ້ລີ້ວລອຍເບີ່ງຕື້ນຂືນ ແລະ ຊ່ວຍໃຫ້ຮອຍແຜເປັນເບີ່ງຈາງລົງ

4. ນ້ຳຊຸບຕົ້ມກະດູກ


ນ້ຳຊຸບຕົ້ມກະດູກເປັນແຫຼ່ງຄໍລາເຈນຈະຖືກປ່ອຍອອກມາໃນຫວ່າງຂັ້ນຕອນຕົ້ມນ້ຳຊຸບ ສາມາດໃຊ້ໄດ້ທັງກະດູກງົວ, ກະດູກໝູ, ໂຄງໄກ່, ແລະ ກ້າງປາ ຈາກນັ້ນນຳນ້ຳຊຸບທີ່ໄດ້ມາປຸງອາຫານຕໍ່ໄປ ແລະ ບໍ່ພຽງພໍຄໍລາເຈນເທົ່ານັ້ນທີ່ມີຢູ່ໃນຊຸບກະດູກໝູ ແຕ່ຍັງມີສານຕ້ານອະນຸມູນອິດສະລະ ແລະ ລີນໂປຣຕີນສຸງ (ໂປຣຕີນທີ່ປາດສະຈາກໄຂມັນ) ເຊີ່ງດີຕໍ່ຜິວພັນ


5.ໝາກໄມ້ອຸດົມດ້ວຍວິຕາມີນຊີ


ວິຕາມີນຊີເປັນສານອາຫານຈຳເປັນ ໃນການສັງເຄາະຄໍລາເຈນ ແລະ ສາມາດຊ່ວຍຕໍ່ຕ້ານອະນຸມູນອິດສະລະ ທີ່ທຳຮ້າຍຄໍລາເຈນ ແລະ ອີລາສະຕີນ ໂດຍຈາກການສຶກສາພົບວ່າໝາກໄມ້ທີ່ອຸດົມໄປດ້ວຍວິຕາມີນຊີ ເຊັ່ນ: ໝາກສີດາ ມີຄວາມສາມາດໃນການເຮັດໃຫ້ກົດອະມິໂນໄລຊີນ ແລະ ໂພລີນແປງເປັນຄໍລາເຈນໄດ້ ແຕ່ນອກຈາກໝາກສີດາແລ້ວ ວິຕາມີນຊີມັກພົບເຫັນໄດ້ໃນໝາກໄມ້ລົດປ້ຽວຕ່າງໆ ເຊັ່ນ: ໝາກກ້ຽງ, ເບີລີ້, ກີວີ ແລະ ໝາຫນັດ ເປັນຕົ້ນ.


6. ອາຫານໝັກ




ອາຫານໝັກ ເຊັ່ນ ເທມເປ້ (ອາຫານກຸ່ມໂປຣຕີນແບບດຽວກັບເຕົ້າຮູ້) ໂຍເກີດກະລ່ຳດອງ ແລະ ຄອມບຸຊະ ມີເລັກໂຕບາຊີລັດ ເຊີ່ງເປັນສາຍພັນຂອງແບກທີເລຍ ໂປຣໄບໂອຕິກທີ່ຜະລິດ Super dismutase ອັນເປັນສານຕ້ານອະນຸມູນອິດສະລະທີ່ຊ່ວຍປ້ອງກັນການລະລາຍຕົວຂອງຄໍລາເຈນ ທັງນີ້ແນະນຳໃຫ້ກິນອາຫານໝັກພຽງໜື່ງຄາບຕໍ່ວັນ ແລະ ເສີມດ້ວຍອາຫານທີ່ມີໂປຣໄບໂອຕິກຄຸນນະພາບດີເພື່ອເພີ່ມຄໍລາເຈນໃຫ້ຫຼາຍຂື້ນ.


7.ຜັກສີແດງ

ຜັກທິ່ສີແດງບໍ່ວ່າຈະເປັນໝາກເລັ່ນ ໝາຫເຜັດ ແລະ ຫົວບິຣູດ ມີສານຕ້ານອະນູມູນອິດສະລະ ແລະ ໄລໂຄປີນທີ່ຊ່ວຍເສີມເກາະປ້ອງກັນແດດ ໂດຍໄລໂຄປີນ ເຮັດໜ້າທີເປັນຄີມກັນແດດຕາມທຳມະຊາດ ຊ່ວຍປົກປ້ອງຜິວຈາກການຖືກແດດທຳຮ້າຍ ໃນຂະນະດຽວກັນຍັງຊ່ວຍເພີ່ມຄໍລາເຈນອິກດ້ວຍ


8. ຜັກສີສົ້ມ


ຜັກທີ່ມີສີສົ້ມ ເຊັ່ນ: ກະລົດ ແລະ ມັນດ້າງ ອຸດົມໄປດ້ວຍວິຕາມີນເອ ສາມາດຊ່ວຍຟື້ນຟູຄໍລາເຈນທີ່ເສຍຫາຍສ້າງຄໍລາເຈນໃຫ້ກັບຮ່າງກາຍ ແລະ ຊ່ວຍປ້ອງກັນການລະລາຍຕົວຂອງອີລາສະຕີນ ນອກຈາກນັນຍັງຊ່ວຍຄວບຄຸມການໄຫຼວຽນຂອງເລືອກໄດ້ອິກ.


9. ຖົ່ວເຫຼືອງ


ຜະລິດຕະພັນຈາກຖົ່ວເຫຼຶອງບໍ່ວ່າຈະເປັນນ້ຳເຕົາຮູ້າ ນົມຖົ່ວເຫຼືອງ ຊີສ ຫຼືເຕົ້າຮູ້ ລ້ວນມີ Genistein (ຮໍໂມນພືດທີ່ເຮັດໜ້າທິ່ເປັນສານຕ້ານອະນຸມູນອິດສະລະ) ເຊີ່ງມີປະສິດທິພາບຊ່ວຍກະຕຸ້ນການຜະລິດຄໍລາເຈນ ແລະ ຊ່ວຍບ໋ອກໄຊ MMPs ທີ່ເຮັດໃຫ້ຜິວແກ່ກ່ອນໄວເປັນຢ່າງດີ.

10. ຫອຍນາງໂລມ


ທອງແດງ ແມງການິສ ແລະ ສັງກະສີ ເປັນແຮ່ທາດ 3 ຊະນິດທີ່ມີສ່ວນສຳຄັນໃນການຜະລິດຄໍລາເຈນ ເຊີ່ງຫອຍນາງໂລມກໍ່ມີແຮ່ທາດເຫຼົ່ານີ້ຢູ່ໃນປະລິມານຫຼາຍ ອິກທັງກໍ່ຍັງອຸດົມໄປດ້ວຍສານອາຫານທີ່ມີປະໂຫຍດອື່ນໆອິກຫຼາຍ ເຊັ່ນ: ທາດເຫຼັກ, ວິຕາມີນບີ 12 ແລະ ໂອເມກ້າ 3 ເປັນຕົ້ນ.


ເຖີງການດື່ມຄໍລາເຈນໃນຮູບແບບອາຫານເສີມນັ້ນງ່າຍ ແລະ ສະດວກ ແຕ່ກໍ່ຕ້ອງແລກກັບຄ່າໃຊ້ຈ່າຍທີ່ເພີ່ມຫຼາຍຂື້ນ , ດັງນັ້ນຄືສິດີກວ່າຖ້າເຮົາສາມາດເພີ່ມອາຫານທີ່ມີຄໍລາເຈນສູງລົງໄປໃນຄາບອາຫານ ເພື່ອເປັນການສ້າງຄໍລາເຈນຈາກທຳມະຊາດ ລວມທັງຍັງໄດ້ວິຕາມີນ ແຮ່ທາດ ແລະ ສານອາຫານສຳຄັນອື່ນໆໄປໄດ້ພ້ອມໆກັນ

1 view0 comments