ອ້າຍບ່າວຈີນງົງ! ເຊັນເຊີລົດເຂົ້າໃຈຜິດລະບຸວ່າຄົນຂັບຫຼັບໃນ ທັງໆທີ່ລາວພຽງແຕ່ຕາຕີບຊື່ໆ!



ລ່າສຸດໄດ້ມີການຖົກຖຽງທີ່ຖືກກ່າວເຖິງຢ່າງຮ້ອນແຮງໃນໂລກໂຊຊ້ຽວປະເທດຈີນ ຫຼັງຈາກທີ່ບລ໊ອກເກີ້ຊາວຈີນ "DerekTLM" ເລົ່າເຫດການທີ່ລະບົບຂັບຂີ່ອັດສະລິຍະຂອງ XPeng ກວດພົບວ່າລາວຫລັບໃນທັງໆທີ່ລາວພຽງແຕ່ຕາຕີບຊື່ໆ!


“ຕາຂອງຂ້ອຍມັນຕີບ ແຕ່ຂ້ອຍບໍ່ໄດ້ຫລັບໃນຂະນະທີ່ຂັບລົດ ຫຼືວ່າຄົນທີ່ຕາຕີບແບບເຮົາບໍ່ຄວນໃຊ້ລະບົບ Navigation Guided Pilot?”


DerekTLM ໄດ້ໂພສຜ່ານ Weibo ເຖິງບັນຫາທີ່ເກີດຂື້ນກັບລາວໂດຍກ່າວວ່າ: ລະບົບໄດ້ຫັກຄະແນນຈາກລາວດ້ວຍເຫດຜົນຂອງການບໍ່ມີສະມາທິ ຫຼື ຫຼັບໃນຂະນະຂັບລົດ ພ້ອມແທັກ He Xiangpeng (何小鹏) ຜູ້ກໍ່ຕັ້ງບໍລິສັດຜູ້ຜະລິດລົດໃຫຍ່ໄຟຟ້າອັດສະລິຍະ XPeng Motors ໃນໂພສດັ່ງກ່າວ.



ຕໍ່ມາ Xiao Peng ຈື່ງໄດ້ແທັກໂພສໄປໃສ່ບັນຊີທາງການຂອງ XPeng. ໂດຍລ່າສຸດໄດ້ມີການຕອບຈາກ XPeng ແລ້ວວ່າບໍລິສັດໄດ້ຮັບຮູ້ບັນຫາດັ່ງກ່າວແລ້ວ.


ທັງນີ້ນອກຈາກ DerekTLM ແລ້ວກໍຍັງມີຜູ້ໃຊ້ອື່ນໆທີ່ຂົ້າມາຮ່ວມແບ່ງປັນປະສົບການດັ່ງກ່າວນຳອີກ ໂດຍ ChangYanCY ເຊິ່ງມີຈໍານວນຜູ້ຕິດຕາມຫຼາຍເຖິງ 1.2 ລ້ານຄົນໃນ Weibo ກໍອອກມາກ່າວວ່າຕາຂອງລາວກໍຕີບຄືກັນ ແລະລະບົບກວດຈັບຄົນຂັບຂອງລົດອັດສະລິຍກໍມັກຈະເຂົ້າໃຈວ່າລາວຫຼັບໃນ ເຊິ່ງນີ້ເຮັດໃຫ້ເຂົາກັງວົນວ່າຂະໜາດຕາຂອງເຂົາອາດເຮັດໃຫ້ເຂົາບໍ່ສາມາດໃຊ້ຟັງຊັ້ນຄັກໆລ້ຳໆຂອງລົດໄດ້.


3 views0 comments