Ford ເປີດໂຕ F-150 Lightning Pro SSV, ລົດກະບະໄຟຟ້າລຸ້ນທຳອິດຂອງຕຳຫຼວດສະຫະລັດ.

Updated: Aug 2





Ford ໄດ້ເປີດໂຕ 2023 F-150 Lightning Pro SSV (ລົດບໍລິການພິເສດ) ທີ່ຜະລິດສໍາລັບຕໍາຫຼວດສະຫະລັດ. ເຊິ່ງເນັ້ນໃສ່ວຽກງານການບໍລິການ ຫຼາຍກວ່າການຂັບຂີ່ຈັບພວກອາດຊະຍາກອນເຊັ່ນ: ຊ່ວຍເຫຼືອບ່ອນເກີດເຫດ ຫຼື ດຶງລົດ-ລກລົດ ລົດໄດ້ຖືກດັດແປງໃຫ້ເຂົ້າກັບຫນ້າທີ່ເຫຼົ່ານີ້, ລວມທັງການຕິດຕັ້ງໄຟ LED siren ເພີ່ມເຕີມຢູ່ເທິງຫລັງຄາ, ມີແຜງສໍາລັບການຈັດວາງອຸປະກອນທີ່ສະດວກ. ແລະໃຊ້ເບາະນັ່ງທີ່ທົນທານ ມີແຜ່ນເຫຼັກກັນກະທົບເພີ່ມເຕີມຢູ່ບ່ອນນັ່ງດ້ານຫຼັງ ສ່ວນເບາະຫຼັງເປັນເເບບຢາງພິເສດຊ່ວຍໃຫ້ງ່າຍຕໍ່ການເຮັດຄວາມສະອາດ.



F-150 Lighting Pro SSV ມີສະເປັກຄ້າຍຄືກັນກັບ Lighting Pro ມີແບດເຕີຣີມາດຕະຖານທີ່ຈັບຄູ່ກັບມໍເຕີທີ່ໃຫ້ກຳລັງ 452 ແຮງມ້າ ຫຼືແບດເຕີຣີແບບຂະຫຍາຍໄດ້ໃຊ້ຄູ່ກັບມໍເຕີທີ່ໃຫ້ກຳລັງ 580 ແຮງມ້າ ມີລະບົບການຊ່ວຍເຫຼືອຄົນຂັບຂີ່ Co-Pilot360 ການເບກສຸກເສີນອັດຕະໂນມັດ ຊອບແວ telematics ຊ່ວຍໃຫ້ຕິດ​ຕາມ​ສະ​ຖານ​ທີ່​ ເບິ່ງສະຖານະການສາກໄຟ ແລະສຸຂະພາບຂອງລົດ. ລວມທັງມີ່ຊ່ອງ Power Outlet ຫຼືຊ່ອງສຽບຈ່າຍໄຟໄວ້ສຳລັບຕິດໂຄມໄຟໃຫ້ແສງສະຫວ່າງເມື່ອເວລາເກີດອຸປະຕິເຫດ ແລະກະໂປ່ງໜ້າລົດມີພື້ນທີ່ກວ້າງຂວາງສໍາລັບການເກັບອຸປະກອນພິເສດ.


Ford ໄດ້ເປີດເຜີຍ F-150 Lightning Pro SSV ລົດກະບະໄຟຟ້າລຸ້ນທໍາອິດທີ່ອອກແບບມາສໍາລັບຕໍາຫຼວດສະຫະລັດ. ສ່ວນລາຍລະອຽດຂອງ 2023 F-150 Lightning ຈະຖືກເປີດເຜີຍຢ່າງເຕັມໆ ໃນທ້າຍລະດູຮ້ອນຫຼືເດືອນກັນຍານີ້.

4 views0 comments