ແຫວນຫມັ້ນ 2 ແຫວນຂອງ 'Jennifer Lopez'ຈາກ 'Ben Affleck' ດ້ວຍເພັດສີຂຽວທີ່ຫາຍາກທີ່ສຸດ.



ໃນປີ 2002 Ben ໄດ້ຂໍ Jennifer ແຕ່ງດອງດ້ວຍແຫວນເພັດສີບົວທີ່ປ່ຽນແປງປະເພນີແຫວນແຕ່ງດອງຕະຫຼອດໄປ. ແລະ ຫຼັງຈາກ 18 ປີຂອງການແຍກກັນ, ເວລານີ້ Ben ໄດ້ຂໍແຕ່ງດອງອີກເທື່ອຫນຶ່ງດ້ວຍແຫວນເພັດສີຂຽວ. ມັນເປັນເພັດສີທີ່ຫາຍາກທີ່ສຸດ.


ຖືວ່າເປັນອີກຫນຶ່ງຄູ່ຮັກແຫ່ງປີກັບການກັບມາຂອງ Ben Affleck ແລະ Jennifer Lopez ຄູ່ຮັກທີ່ມີອິດທິພົນ 'Ben Affleck' ແລະ Jennifer Lopez' ທີ່ຄອບຄອງທັງວົງດົນຕີ ແລະ ຮູບເງົາ. ພາດຫົວຂໍ້ຂ່າວອີກເທື່ອຫນຶ່ງກັບການຂໍແຕ່ງດອງຄັ້ງທີສອງກັບແຫວນສີຂຽວທີ່ສວຍງາມ.ທີ່ມີຄວາມສົນໃຈຈາກ ທົ່ວໂລກ ກັບເສັ້ນທາງແຫ່ງຄວາມຮັກຂອງທັງສອງ ຫຼັງຈາກ 18 ປີຂອງການແຍກກັນ, Jennifer ໄດ້ກ່າວເຖິງຄວາມຮັກນີ້. “ພວກ​ເຮົາ​ມີ​ອາ​ຍຸ​ສູງ​ຂຶ້ນ, ສະ​ຫຼາດ​ຂຶ້ນ, ຜ່ານ​ເຫດການ​ຫຼາກຫຼາຍ. ແລະພວກເຮົາໄດ້ຍ່າງໄປຫາຈຸດອື່ນຂອງຊີວິດທີ່ແຕກຕ່າງກັນ. ລວມທັງການມີຄອບຄົວ ມັນເຮັດໃຫ້ພວກເຮົາກັບມາສົນໃຈກັນແລະກັນ.”



ທັງສອງໄດ້ພົບກັນໃນລະຫວ່າງຖ່າຍຮູບເງົາ Gigli ໃນປີ 2001.Ben ໄດ້ຂໍ Jennifer ແຕ່ງດອງທ້າຍປີຕໍ່ໄປ. ແຫວນເພັດສີບົວທີ່ຫາຍາກ Fancy Intense Pink ຂະໜາດ 6.1 ກະຣັດຂອງ Harry Winston ຢູ່ໃນຊຸດລັອກທີ່ຕັດດ້ວຍເຣດຽນດ້ວຍຄຳສີບົວ 18K, ຖັດໄປດ້ວຍເພັດສອງເມັດທີ່ຫຼູຫຼາໃນແຫວນ platinum ຊຶ່ງ​ໄດ້​ປ່ຽນ​ຮີດຄອງ​ປະ​ເພນີ​ຂອງແຫວນ​ຫມັ້ນຕະຫຼອດ​ໄປ. ເນື່ອງຈາກວ່າໃນອະດີດ, ແຫວນເພັດທີ່ມີສີສັນບໍ່ເປັນທີ່ນິຍົມໃນການຂໍແຕ່ງດອງ. ດັ່ງນັ້ນ, ຍີ່ຫໍ້ເຄື່ອງປະດັບໄດ້ນໍາເອົາເພັດສີບົວຈາກຄັງຂອງພວກເຂົາມາປະມູນຢ່າງຫລວງຫລາຍ. ເຮັດໃຫ້ລາຄາແຫວນນີ້ສູງເຖິງປະມານ 2.5 ລ້ານໂດລາສະຫະລັດ. ຈາກລາຄາເດີມ 1.2 ລ້ານໂດລາສະຫະລັດ



ທັງສອງໄດ້ເລີກກັນກ່ອນງານດອງໃນເວລາບໍ່ດົນໃນປີ 2004, ຫລັງຈາກນັ້ນເຂົາກໍ່ໄດ້ແຕ່ງດອງໃຫມ່ມີຄອບຄົວຂອງໃຜລາວ ເປັນເວລາຫຼາຍປີ. ຈົນໂຊກຊະຕາເຮັດໃຫ້ພວກເຂົາພົບກັນໃຫມ່ໃນຕົ້ນປີ 2021, ແລະ Ben ກໍ່ໄດ້ຂໍ Jennifer ແຕ່ງດອງອີກເທື່ອຫນຶ່ງໃນປີ 2022 ໃນຊ່ວງເທດສະການ Easter. ນັກສະແດງຍິງທີ່ມີພອນສະຫວັນໄດ້ປະກາດການແຕ່ງດອງຢ່າງເປັນທາງການໂດຍຜ່ານຈົດຫມາຍຂ່າວ 'On The J.Lo' ກ່ອນທີ່ຈະອວດແຫວນເພັດສີຂຽວເມັດໃຫຍ່ຕະການຕາທີ່ສວຍງາມຂອງລາວໃນ Instagram ໃນທ້າຍເດືອນເມສາຂອງປີນັ້ນ.



ແຫວນຫມັ້ນ 2.0 ເປັນແຫວນເພັດ 'ສີຂຽວທຳມະຊາດ' ເຊິ່ງເປັນເພັດສີທີ່ຫາຍາກທີ່ສຸດ. ດ້ວຍການຕັດ emerald ທີ່ມີນ້ໍາຫນັກ 8.5 ກະຣັດ, ລັອກດ້ວຍຂາຄໍາສີເຫຼືອງ. ຕັ້ງລະຫວ່າງເພັດ baguette 2 ເມັດທີ່ຊັດເຈນແລະ 2 ເພັດ trapezoid ຊັດເຈນຢູ່ໃນແຫວນຄໍາສີຂາວ. ເຊິ່ງຜູ້ຊ່ຽວຊານດ້ານເຄື່ອງປະດັບໄດ້ເປີດເຜີຍວ່າຝ່າຍຊາຍໄດ້ໃຊ້ເງິນຫຼາຍກວ່າ 10 ລ້ານໂດລາສະຫະລັດ ສໍາລັບແຫວນທີ່ເປັນສັນຍາລັກຂອງຄວາມຮັກຄັ້ງນີ້




ເປັນຫຍັງ Ben Affleck ຈຶ່ງເລືອກແຫວນແຕ່ງດອງສີຂຽວໃນຄັ້ງນີ້? ອາດຈະເປັນຍ້ອນ Jennifer ເວົ້າວ່າສີຂຽວແມ່ນສີໂຊກດີຂອງລາວ. ລາວໄດ້ສ້າງປະກົດການກັບຊຸດ Versace ສີຂຽວທີ່ລາວໃສ່ໃນງານ 2000 Grammys, ເຊັ່ນດຽວກັນກັບການກັບມາຂອງ Versace spring / summer 2022 runway. ແລະ ກາຍເປັນພາບຕິດຕາທີ່ເປັນເອກະລັກຂອງລາວ




5 views0 comments