ສື່ຕ່າງປະເທດຕີຂ່າວ KFC ກຽມຂາຍທຸລະກິດຢູ່ໄທ ຄິດເປັນມູນຄ່າ 11,000 ລ້ານບາດ

ວັນ​ທີ 25 ກໍລະກົດ 2022 ​ໄດ້ມີ​ລາຍ​ງານ​ໂດຍ​ອ້າງ​ອີງ​ຈາກ​ແຫຼ່ງຂ່າວວົງ​ໃນ​ທີ່​ບໍ່​ປະສົງ​ອອກ​ຊື່ ລະບຸວ່າບໍລິສັດ​ restaurant development ຈຳກັດ ຫຼື RD ມີ​ແຜນ​ຈະ​ຂາຍ​ທຸລະ​ກິດ​ແຟຣນ​ໄຊ​ຂອງ KFC ຢູ່​ທີ່ປະເທດໄທ ຄິດເປັນຈໍານວນເງິນປະມານ 300 ລ້ານໂດລາ (ປະມານ 11,000 ລ້ານບາດ).

ແຫຼ່ງຂໍ້ມູນເປີດເຜີຍວ່າ RD, ຮ່ວມກັບກຸ່ມທືນທີ່ນໍາພາໂດຍ AIGF Advisors Pte Ltd, ກຳລັງຢູ່ໃນຂັ້ນຕອນການເຈລະຈາກັບບໍລິສັດທີ່ປຶກກ່ຽວກັບການຂາຍກິດຈະການດັ່ງກ່າວ ໂດຍກ່ອນໜ້ານີ້, RD ເຄີຍພິຈາລະນາທີ່ຈະຂາຍທຸລະກິດ KFC ໃນປີ 2020 ມາແລ້ວ ແຕ່ການລະບາດຂອງ COVID-19 ​ເຮັດ​ໃຫ້​ການ​ເຈລະຈາ​ຖືກ​ເລື່ອນ​ເວລາອອກໄປ

ສໍາລັບກຸ່ມທຶນທີ່ອາດຈະເຂົ້າຊື້ກິດຈະການ KFC ນັ້ນ ແຫຼ່ງຂ່າວເປີດເຜີຍວ່າ ບໍລິສັດ Central Restaurants Group ແລະ The QSR of Asia ຈຳກັດ ເຊິ່ງເປັນບໍລິສັດໃນເຄືອຂອງ Thai Beverage ມີຄວາມສົນໃຈໃນການຊື້ກິດຈະການ

ກ່ຽວກັບບໍລິສັດ Restaurants Development ຈຳກັດ ແມ່ນຖືເປັນໜຶ່ງໃນບໍລິສັດແຟຣນ​ໄຊອາຫານທີ່ໃຫຍ່ທີ່ສຸດ ແລະຂະຫຍາຍໂຕໄວທີ່ສຸດຂອງ KFC ໃນປະເທດໄທ ປະຈຸບັນແມ່ນມີພະນັກງານຫຼາຍກວ່າ 4,000 ຄົນ ແລະມີຮ້ານອາຫານຫຼາຍກວ່າ 240 ແຫ່ງໃນທົ່ວປະເທດ.

ຂໍ້ມູນຢູ່ໃນເວັບໄຊທ໌ຂອງບໍລິສັດໄດ້ເປີດເຜີຍວ່າ ຜົນໄດ້ຮັບໃນໄຕມາດທໍາອິດຂອງ RD ຊີ້ໃຫ້ເຫັນວ່າໄດ້ບັນລຸສະຖິຕິການຂາຍ KFC ສູງທີ່ສຸດເປັນປະຫວັດສາດ ແລະຍັງມີອັດຕາການຂະຫຍາຍໂຕຕໍ່າປີສູງສຸດ ​ເມື່ອ​ທຽບ​ໃສ່​ໄລຍະ​ດຽວ​ກັນ​ຂອງ​ປີ​ທີ່ຜ່ານມາ