ສ່ອງແຟຊັ່ນ Cut-out ຂອງບັນດາຕົວແມ່ ພ້ອມທີເດັດ ໂຊແບບໃດໃຫ້ງາມແບບມີຄາສ


ເວລາຂອງແທຣນມາແຮງແບບແຟຊັ່ນ Cut-Out ຊຸດສະໄຕເກ໋ທີ່ມາກັບດີເທລໂຊເຜີຍຜິວຮູບຮ່າງແຕ່ລະຈຸດ ໂຊຄວາມແຊ່ບ ເຊີ່ງຄວາມຈິງແທຣນຮ໋ອດນີ້ມາແຮງຕັ້ງແຕ່ປີທີ່ແລ້ວ ໂດຍບໍ່ມີທ່າທາງຈະງຽບໄປ ແຖມຍັງເພີ່ມຄວາມຮ້ອນແຮງໄປຮອດລະດູໜາວຂອງປີນີ້ອິກ, ເພາະສາມາດໂຊຄວາມເຊັກຊີ່ແບບມີສະໄຕໃຫ້ທຸກແບບ ແບບທີ່ບໍ່ຄວນພາດມີຕິດຕູ້ເສື້ອຜ້າເລີຍ

ໂດຍຊຸດສະໄຕນີ້ເບີ່ງທຳອິດຄືສິໃສ່ຍາກ ຖ້າບໍ່ມີຫູ່ນດີອີ່ຫຼີ່ແບບນາງແບບ ຫຼືບັນດາກຸ່ມຄົນທີ່ມີອິດທິພົນທາງແຟຊັ່ນ ເຊີ່ງດ່ານທຳອິດທີ່ເມື່ອຫຼາຍຄົນເຫັນແລ້ວມີຄຳຖາມ ຂໍໃຫ້ວາງຄວາມກັງວົນໄວ້ກ່ອນ ແລ້ວລອງເບີ່ງທິກທີ່ WOW Fashion ລວບລວມມາໃຫ້ເບີ່ງກ່ອນເດີ້

  1. ອັນດັບທຳອິດຄົ້ນຫາສ່ວນທີ່ທ່ານໝັ້ນໃຈ ແລ້ວເລືອກຊຸດທີ່ມີດີເທລໂຊ ຫຼື Cut-out ທີ່ຈຸດນັ້ນ ເຊັ່ນຖ້າທ່ານມີເອິກທີ່ສວຍງາມ ເລືອກຊຸດທີ່ມີດີເທລໂຊເນີນເອິກ ຫຼື ເລືອກຊຸດທີ່ມີດີເທລໂຊຊ່ວງແອວຫາກວ່າຈຸດໝັ້ນໃຈຢູ່ແອວ.

  2. ຖ້າບໍ່ຢາກໂຊຮູບຮ່າງຫຼາຍເກີນໄປ ຊຸດທີ່ມີດີເທລໂຊບໍລິເວນບ່າໄລ່ ຫຼືແຂນເປັນຕົວເລືອກທີ່ນ່າສົນໃຈເໝາະກັບທຸກຄົນ

  3. ອິກຮູບແບບທີ່ສາມາດອິນກັບຊຸດໂຊໄດ້ໂດຍບໍ່ຕ້ອງເປີດຜິວ ລອງເລືອກຊຸດທີ່ມີການອອກແບບຂອງຜ້າຕ່າງໆ ບໍ່ວ່າຈະເປັນຜ້າບາງເນື້ອໂປ່ງ ຫຼືລູກໄມ້ມາເປັນເລເຍີ້ເຊື່ອງໃນດີເທລທີ່ຢາກໂຊ.

  4. ຊຸດດີເທລໂຊຫຼັງເປັນອິກລູກຫຼີ້ນທາງເລືອກທີ່ເຕີມຄວາມຮ໋ອດໄດ້ບໍ່ນ້ອຍໄປກວ່າດີເທລແບບໂຊໜ້າ ຖ້າທ່ານໝັ້ນໃຈທີ່ຈະໂຊແຜ່ນຫຼັງງາມໆຫຼາຍກວ່າ ແລ້ວ ຈະຟ້າວຖ້າຫຍັງຈັບມາໃສ່ເພື່ອເພີ່ມດີກີຂອງຄວາມເຊັກຊີ່ຂອງທ່ານເລີຍ.

  5. ເສື້ອຄຸມ ຫຼື ແຈັກເກັດ ກໍ່ເປັນອິກຕົວທີ່ສາມາດຈັບມາໃສ່ໃຫ້ສົມບູນແບບກັບຊຸດ Cut-out ໄດ້ຢ່າງລົງຕົວ ນອກຈາກຊ່ວຍເຮັດໃຫ້ເບີ່ງບໍ່ເຊັກຊີ່ເກີນໄປ ຍັງເຕີມເຕັມພາບຫຼັກໃຫ້ດູດີມີສະໄຕຂື້ນອິກລະດັບ.

ໃຜໆທີ່ເຂົ້າໃຈກັບທັງ 5 ທິກ ແລະ ບັນທຶກເກັບໄວ້ຮຽບຮ້ອຍແລ້ວ ກໍ່ຕາມໄປເບີ່ງແຟຊັ່ນ Cut-out ຂອງບັນດາຕົວແມ່ສາຍແຟຊັ່ນ ປະເທດໄທກັນເລີຍ!!!









 

2 views0 comments