ຫຼູຫຼາ ລ້ຳຄ່າ ! ໂມງ 7 ໄຮແບຣນ Rose Gold ທີ່ຄວນຄ່າປະດັບຂໍ້ມື


ໂມງອາດບໍ່ໄດ້ເປັນພຽງແຕ່ເຄື່ອງບອກເວລາເທົ່ານັ້ນ ແຕ່ເປັນ

Accessories ອັນສຳຄັນທີ່ຊ່ວຍເພີ່ມຄວາມຫຼູຫຼາລ້ຳຄ່າ ແລະ ເປັນໄອເທມທີ່ຊ່ວຍໃຫ້ສົມບູນແບບໃນລຸກຂອງແຕ່ລະວັນໃຫ້ໂດດເດັ່ນ ສະດຸດຕາພ້ອມທັງບອກລົດສະນິຍົມຂອງຜູ້ໃສ່ໄດ້ອິກດ້ວຍ ດັງນັ້ນການເລືອກໂມງຈັກໜ່ວຍມາຄູ່ກັບຂໍ້ມືເຮົາຈື່ງເປັນເລື່ອງທີ່ຕ້ອງໃຫ້ຄວາມພິຖີພິຖັນເປັນພິເສດ ແຕ່ກໍ່ແອບແຝງຄວາມຫຼູຫຼາໄດ້ເຊັ່ນກັນ ມື້ນີ້ເຮົາມີໂມງສຸດຫຼູ 7 ແບຣນດັງມາໃຫ້ເລືອກ ຈະມີແບຣນໃດແດ່ ໄປເບີ່ງກັນເລີຍ!


1. Piaget ລຸ້ນ Polo Automatic 36mm 18-karat rose gold and diamond watch ດ້ວຍຮູບແບບການອອກແບບຕົວເຮືອນແບບດັ້ງເດີມໃນປີ 1979 ຂອງ Piaget ແບຣນດັງຈາກສະວິດເຊີແລນ ທີ່ຖຶກປະດິດຢ່າງສວຍງາມ ອ້ອມນ້າປັດດ້ວຍເພັດ18 ກະລັດ ທີ່ຫຼູຫຼາເຂົ້າກັບສີRose Gold ແລະ ຂະໜາດກະທັດຫັດກຳລັງດີ ເໝາະກັບຂໍ້ມືຂອງຜູ້ຍີງ ສ່ວນລາຄານັ້ນກໍ່ປະມານ 900,900,000 ກີບ


2. Patek Philippe ລຸ້ນ Aquanauts 5164 With Rose Gold ເປິດຕົວຄັ້ງທຳອິດປີ 2011 ເຊີ່ງອອກແບບມາສຳຫຼັບນັກເດີນທາງໂດຍສະເພາະ ໂດດເດັ່ນດ້ວຍການບອກເວລາ Home time ແລະ Local time ພ້ອມທັງຍັງສາມາດບອກກາງເວັນ ຫຼືກາງຄືນໄດ້ອິກເພີ່ມກິມມິກລູກຫຼີ້ນດ້ວຍໜ້າປັດນ້ອຍບອກວັນທີ່ ທາງກາງຂອງຕົວເຮືອນໂດຍວັດສະດຸມີໃຫ້ເລືອກ 2 ສີ ຄື Steel ແລະ Rose gold ສ່ວນລາຄານັ້ນປະມານ 813,085,000 ກີບ.



3. Hublot ລຸ້ນ Hublot Classic Fusion Aerofusion ເຊີ່ງຕົວໜ້າປັດອອກແບບໃຫ້ເຫັນຊີ້ນສ່ວນຟັນເຟືອງການເຮັດວຽກຂອງກົນໄກທີ່ມີຄວາມສັບຊ້ອນ ດ້ວຍລະບົບ Annual Calendar ໃນຕົວສ່ວນຂອງເຮືອນ ເປັນວັດສະດຸ Rose Gold ຜະສົມຊີ້ນສ່ວນ Titanium ຄູ່ກັບສາຍຢາງ Gummy ໜັງເຂ້ທີ່ໃສ່ນຸ່ມກະຊັບຂໍ້ມື ແຝງດ້ວຍຄວາມຫຼູຫຼາ ປະສົມສະໄຕສະປອດທີ່ລົງຕົວໃນນໜ່ວຍດຽວ ສາມາດໃສ່ໄດ້ທຸກໂອກາດ ຖືວ່າຄຸ້ມຄ່າ ແລະ ຍັງເປັນລຸ້ນທີ່ນ່າຈັບຕາເບີ່ງ ແລະ ເລີ່ມເປັນທີ່ນິຍົມກັນຫຼາຍຂື້ນແຕ່ປີ 2022 ໂດນລາຄາປະມານ 655,200,000 ກີບ



4. Omega ລຸ້ນ Seamaster Aqua Terra Solid 18k Rose Gold ໜ້າປັດສີຂາວມຸກ ປະດັບດ້ວຍເພັດເຖີງ 40 ເມັດ ສາມາດປັບລະດັບໃຫ້ເຂົ້້າກັບຂໍ້ມືໄດ້ ເປັນລຸ້ນທີ່ໄດ້ຮັບຄວາມນິຍໄມເໝາະກັບການໃສ່ກັບສູດ ຫຼື ຊຸດສຸພາບເຊີ່ງເປັນໂມງທີ່ປະສົມປະສານລະຫວ່າງຄວາມເປັນສະປອດ ກັບ Dress Watch ໄດ້ຢ່າງລົງສົມບູນ ແລະ ກາຍເປັນອິກໜື່ງລຸ້ນທີ່ນັກສະສົມ ແລະ ຄົນທີ່ມັກໂມງແບບສະປອດໃຫ້ຄວາມສົນໃຈ ລາຄາປະມານ 586,950,000 ກີບ.



5. Chopard ລຸ້ນ Imperiale Rose Gold Ladies Watch ໃນສ່ວນຂອງຕົວເຮືອນ ຂອບໜ້າປັດ ແລະ ຂໍ້ຕໍ່ສາຍໂມງນັ້ນປະດັບດ້ວຍເພັດ18 ກະລັດ ມາພ້ອມໜ້າປັດສີຟ້າເຂັ້ມ ເພີ່ມດີເທລເຂັມໂມງເຮືອງແສງເມື່ອຢູ່ບ່ອນມືດ ເສີມດ້ວຍຄິດສະໂຕຣແຊບໄຟປ້ອງກັນຮອຍຂີດຂ່ວນ ແລະ ລຸ້ນນີ້ຍັງສາມາດກັນນ້ຳໄດ້ດີອິກ ຖາມເຖີງລາຄາກໍ່ຢູ່ປະມານ495,000,000 ກີບ



6. Cartier ແບຣນດັງຈາກຝຣັ່ງ ກໍ່ປ່ອຍໂມງລຸ້ນ CARTIER BALLON BLEU DE CARTIER ເຊີ່ງເປັນລຸ້ນຍອດນິຍົມ ທີ່ໃຫ້ຄວາມຮູ້ສືກຄືກັບບອນລູນສຸດຫຼູ ລອຍຢູ່ຂໍ້ມື ຜະລິດດ້ວຍດີໄຊທີ່ງົດງາມໜ້າປັດແບບ Guilloche ມາພ້ອມກັບຊຸດເຂັມເຫຼັກສີຟ້າເຂັ້ມຮູບດາບ ຕົວເລກໂລມັນສີດຳຄົມແຈ້ງ ເສີມດ້ວຍ Spinel ລາຄາໂມງໜ່ວຍນີ້ຢູ່ທີ່ປະມານ 169,260,000 ກີບ.



7. Tag Heuer ລຸ້ນCARRERA WATCH LADIES WAR ປະດັບດ້ວຍ Top Wesselton Diamond ພ້ອມທັງສະລັກຊື່ລຸ້ນ Carrera ໄວ້ນ້າປັດ ສຳລັບຕົວເຮືອນນັ້ນເຮັດຈາກເຫຼັກສະເຕນເລດສະຕີວ ເຮັດໃຫ້ນ້ຳນັກເບົາ ແລະ ປ້ອງກັນໝ້ຽງໄດ້ເປັນຢ່າງດີ ອິກທັງສາຍຍັງອອກແບບເປັນຮູບຕົວ H ພຽວບາງແບບນ້ອຍກະທັດຫັດ ທັງນີ້ຍັງມີລະບົບປ້ອງກັນຮອຍຂີດຂ່ວນ ແລະ ແສງສະທ້ອນອິກ ລາຄາປະມານ 86,450,000 ກີບ


ຖ້າຈະບອກວ່າໂມງເປັນໄອເທມ ຫຼື ອິກໜຶ່ງສັບສີນທີ່ຄວນລົງທືນບໍ່ແມ່ນເລື່ອງຜິດ ດ້ວຍການອອກແບບຄວາມຫຼູຫຼາໃນຮູບແບບຂອງແຕ່ລະແບນນັນ ບໍ່ວ່າຈະເລືອກໃສ່ແບຣນໃດກໍ່ຢາກແນະນຳໃຫ້ໃຊ້ຂອງດີໄປເລີຍ ເພື່ອການໃຊ້ງານທີ່ຍາວນານ ແລະ ຄຸ້ມຄ່າແລະ ຍັງເຂົ້າກັບຫຼາຍລຸກໃນຊີວິດປະຈຳວັນຂອງເຮົານຳ.


 




4 views0 comments