ແນະນຳ 6 ເມນູອາຫານຈາກທັນຍາພືດ

ເມນູທັນຍາພືດກິນງ່າຍກວ່າທີ່ຄິດ ລວມເມນູອາຫານເພື່ອນສຸຂະພາບຈາກທັນຍາພືດຫຼາກຫຼາຍເມນູໃຫ້ເລືອກກິນໄດ້ແບບບໍ່ມີເບື່ອ


ຫາກກ່າວເຖິງ ທັນຍາພືດ ນອກຈາກຈະນຳມາເຮັດເປັນຂະໜົມຫວານ ຫຼື ຂອງວ່າງແລ້ວ ຍັງສາມາດດັດແປງເພື່ອມາເຮັດເປັນອາຫານຄາວໄດ້ເຊັ່ນດຽວກັນ ໂດຍທັນຍາພືດຈະໃຫ້ໂປຮຕີນທົດແທນຈາກການທີ່ງົດກິນອາຫານຊີ້ນສັດ ເຮັດໃຫ້ຮ່າງກາຍໄດ້ຮັບສານອາຫານທີ່ຄົບຖ້ວນ ແລະ ດີຕໍ່ສຸຂະພາບ ທີ່ສຳຄັນຍັງນຳມາປຸງອາຫານໄດ້ຢ່າງແຊບນົວບໍ່ໜ້ອຍກວ່າກັບວັດຖຸດິບອື່ນໆ ໃຜທີ່ກຳລັງແນມຫາເມນູທັນຍາພືດເພື່ອສຸຂະພາບຢູ່ ວ້າວບິວຕີ້ກໍ່ມີເມນູມາບອກຕໍ່ກັນອີກເຊັ່ນເຄີຍ




1. ຂາໄກ່ອົບທັນຍາພືດ


ເມນູທີ່ຄຸນຄ່າທາງອາຫານຢ່າງຄົບຖ້ວນຢ່າງຂາໄກ່ທັນຍາພືດ ມີລົດຊາດທີ່ແຊບ ກິນງ່າຍ ໂດຍມີທັນຍາພືດ ແລະ ຜັກເຖິງ 5 ຊະນິດໄດ້ແກ່ ຖົ່ວດິນ ເຂົ້າໂພດ ແປະກ໊ວຍ ຖົ່ວແດງ ແລະ ລູກເດືອຍ ເປັນທີ່ເຕັມສ່ວນ ແລະ ມີປະໂຫຍດຢ່າງຫຼາຍເຊິ່ງສາຍສະອາດບໍ່ຄວນພາດ


2. ເຂົ້າໄຣເບີຣີ້ພັດປານິນ



ອີກໜຶ່ງເມນູທີ່ສາຍຮັກສາສຸຂະພາບບໍ່ຄວນພາດຢ່າງເຂົ້າໄຣເບີຣີ້ຜັດປານິນເພາະນອກຈາກຈະເຮັດງ່າຍແລ້ວ ລົດຊາດກໍ່ແຊບ ບໍ່ວ່າຈະສາຍຮັກສຸຂະພາບ ຫຼື ເດັກນ້ອຍກໍ່ສາມາດກິນໄດ້ ດ້ວຍຄຸນປະໂຫຍດຈາກປານິນ ທີ່ອຸດົມໄປດ້ວຍໂອເມກ້າ 3 ພ້ອມທັງກິນຄູ່ກັບເຂົ້າໄຣເບຣີ້ເຕັມໄປດ້ວຍສານອາຫານທີ່ມີປະໂຫຍດຕໍ່ຮ່າງກາຍທັງຊ່ວຍບຳລຸງສະໝອງລວມເຖິງລົດການແກ່ກ່ອນໄວອັນຄວນອີກດ້ວຍ


3. ເຂົ້າຍຳທັນຍາພືດ



ໃຜທີ່ເບື່ອເມນູອາຫານເກົ່າໆ ລອງປ່ຽນບັນຍາກາດມາກິນເມນູແປກໃໝ່ແຕ່ມີປະໂຫຍດຈາກທັນຍາພືດ ສຳລັບເມນູເຂົ້າຍຳທັນຍາພືດກໍ່ສາມາດເຮັດໄດ້ງ່າຍໆ ແລະ ໃຊ້ວັດຖຸດິບໜ້ອຍດຽວ ລົດຊາດສົ້ມຫວານ ເຜັດກຳລັງດີ ແຖມໄດ້ປະໂຫຍດຈາກພືດຫຼາກຫຼາຍຊະນິດ


4. ຜັດຕັບໝູໃສ່ທັນຍາພືດ



ອີກໜຶ່ງເມນູທີ່ດີຕໍ່ສຸຂະພາບເປັນຢ່າງຫຼາກຫຼາຍກັບຕັບໝູໃສ່ທັນຍາພືດ ເມນູທີ່ຊ່ວຍເພີ່ມທາດເຫຼັກໃຫ້ຮ່າງກາຍດ້ວຍຕັບໝູສົດ ພ້ອມທັງຜັດຄູ່ກັບທັນຍາພືດຫຼາກຫຼາຍຊະນິດ ບໍ່ວ່າຈະຖົ່ວດິນ ເຂົ້າໂພດ ແລະ ໝາກເຜັດຫວານກໍ່ຊ່ວຍເສີມພູມຄຸ້ມກັນໃຫ້ຮ່າງກາຍໄດ້ເປັນຢ່າງດີ


5. ເອິກໄກ່ອົບອາວມອນ


ພຽງແຕ່ໄດ່ຍິນຊື່ວ່າເອິກໄກ່ກໍ່ຮູ້ໄດ້ທັນທີວ່າມີຄຸນຄ່າດ້ານໂປຣຕີນ ແລະ ມີປະໂຫຍດ ແຕ່ເພີ່ມຄວາມພິເສດດ້ວຍການອົບອາວມອນຜະສົມກັນໃຫ້ກົມກື້ນຫຼາຍຂື້ນ ດ້ວຍຄຸນຄ່າທາງຫຼັກອະນາໄມຂອງເນື້ອໄກ່ທີ່ໃຫ້ໄຂມັນໜ້ອຍ ແລະ ອາວມອນ ຈືງເຮັດໃຫ້ລົດຊາດທີ່ຫອມຫວານມັນແຖມໄດ້ປະໂຫຍດທີ່ສົມບູນອີກດ້ວຍ


6. ຕົ້ມຫົວບົວກະດູກໝູອ່ອນໃສ່ຖົ່ວດິນ


ຈົບລົງດ້ວຍເມນູເບົາໆ ກັບຕົ້ມຫົວບົວກະດູກໝູອ່ອນໃສ່ຖົ່ວດິນ ເມນູກິນງ່າຍແຖມດີຕໍ່ສຸຂະພາບ ໄດ້ປະໂຫຍດຈາກຊີ້ນສັດລົດຊາດຫ້ອມຫວານຈາກຕົ້ມກະດູກໝູ ພ້ອມປະໂຫຍດຈາກຖົ່ວດິນທີ່ຊ່ວຍໃຫ້ຮ່າງກາຍ ບໍ່ວ່າຈະເປັນບຳລຸງສະໝອງ ບຳລຸງຫົວໃຈ ເປັນອີກເມນູທີ່ເຮັດງ່າຍ ກິນງ່າຍ ແລະ ໄດ້ປະໂຫຍດໄປເຕັມໆ


ເມນູທັນຍາພືດທີ່ແນະນຳໄປຂ້າງເທິງ ດ້ວຍລົດຊາດທີ່ລົງຕົວ ແລະ ບໍ່ມີກິ່ນແຮງຈົນເກີນໄປຈືງເຮັດໃຫ້ກິນງ່າຍ ແລະ ໄດ້ປະໂຫຍດທັງວິຕາມິນ ແລະ ໂປຣຕີນຈາກທັນຍາພືດຢ່າງເຕັມທີ່ ສຳລັບໃຜທີ່ກຳລັງແນມຫາເມນູເພື່ອສຸຂະພາບເຮັດໃຫ້ອິ່ມທ້ອງ ລອງນຳເອົາໄອເດຍທັງຫມົດໄປເຂົ້າຄົວ ແລະ ສ້າງສັນອາຫານມື້ແຊບເຫຼົ່ານີ້ກັນໄດ້ເລີຍ

2 views0 comments