ລາຄາກ່ອນການເປີດຕົວ Samsung Galaxy Buds 2 Pro

ມີລາຍງານວ່າ Samsung ຈະເປີດຕົວຫູຟັງໄຮ້ສາຍລຸ້ນໃໝ່ Galaxy Buds 2 Pro ຫຼື Galaxy Buds Pro 2 ໃນວັນທີ 10 ສິງຫານີ້ ພ້ອມກັບສະມາດໂຟນທີ່ສາມາດພັບໄດ້ລຸ້ນໃໝ່ເຊັ່ນ Galaxy Z Fold 4 ແລະ Z Flip 4 ລ່າສຸດມີຂ່າວກ່ຽວກັບລາຄາຂອງ Galaxy Buds 2 Pro ໄດ້ອອກມາແລ້ວ.


Galaxy Buds 2 Pro ຈະເປັນລຸ້ນຕໍ່ມາຈາກ Galaxy Buds Pro ທີ່ເປີດຕົວໃນເດືອນມັງກອນ 2021 ແລະລາຄາທີ່ວາງຂາຍໃນສະຫະລັດອາເມລິກາຢູ່ທີ່ 199 ໂດລາ

ຫຼືຄິດເປັນເງິນກີບຕາມເລດເງິນປະຈຸປັນລາຄາຈະຢູ່ປະມານ 2,985,000 ກີບ.


ທີ່ມາຂອງຂ່າວເຜີຍວ່າ Galaxy Buds 2 Pro ທີ່ຈະວາງຢູ່ໃນສະຫະລັດ ອາເມລິກາ ຈະມີລາຄາຢູ່ທີ່ 229 ໂດລາ ຫຼຶ 3,435,000 ກີບ ແພງຂື້ນຈາກລຸ້ນກ່ອນ 30 ໂດລາ ຫຼືປະມານ 450,000 ກີບ.


ສຳລັບສະເປັກຄາດວ່າ Galaxy Buds 2 Pro ຈະຮອງຮັບການຫຼິ້ນສຽງແບບ 24-bit ໂດຍມີ 3 ສີໃຫ້ເລືອກຄື: ສີຂາວ, ສີດຳ (Graphite) ແລະ ສີມ່ວງ (Bora purple).

1 view0 comments