ອິນໂດເນເຊຍປິດກັ້ນການເຂົ້າເຖິງເວັບໄຊທ໌ Yahoo, Paypal, Steam ທີ່ບໍ່ມີໃບອະນຸຍາດ ແລະ ອື່ນໆ.

Updated: Aug 19





ໃນວັນເສົາ, ວັນທີ 30 ກໍລະກົດ ທ່ານ ຊິມູເອວ ອາບຣິຈານີ ປັນເກຣາປັນ (Semuel Abrijani Pangerapan) ເຈົ້າຫນ້າທີ່ອາວຸໂສຂອງກະຊວງຄົມະນາຄົມຂົນສົ່ງອິນໂດເນເຊຍໄດ້ປະກາດຜ່ານເວັບໄຊທ໌ຫນຶ່ງ ມີໃຈຄວາມວ່າໄດ້ປິດກັ້ນການເຂົ້າເຖິງ Yahoo, PayPal ແລະເວັບໄຊທ໌ເກມເຊັ່ນ Steam, Dota2, Counter-Strike ແລະ EpicGames ເນື່ອງຈາກບໍ່ປະຕິບັດຕາມກົດລະບຽບການຈົດໃບອະນຸຍາດ.


ໃນເດືອນພະຈິກ 2020 ອິນໂດເນເຊຍໄດ້ອອກກົດລະບຽບຮຽກຮ້ອງໃຫ້ບໍລິສັດເຕັກໂນໂລຢີທີ່ເປັນເຈົ້າຂອງເວັບໄຊທ໌ຕ່າງໆເຮັດການຈົດທະບຽນເພື່ອຮັບໃບອະນຸຍາດ. ແລະໃຫ້ອຳນາດໜ່ວຍງານການເບິ່ງແຍງແບບບໍ່ຈຳກັດໃນການບັງຄັບແພັດຟອມເປີດເຜຍຂໍ້ມູນຂອງຜູ້ໃຊ້ບາງລາຍ . ລົບເນື້ອຫາທີ່ຜິດກົດຫມາຍ ຫຼື ລົບກວນຄວາມສະຫງົບຂອງສາທາລະນະ ໃນແບບສຸກເສີນໄດ້ພາຍໃນ 4 ຊົ່ວໂມງ ແລະບໍ່ສຸກເສີນໃນ 24 ຊົ່ວໂມງ.


ບໍລິສັດເທກໂນໂລຍີຈໍານວນຫນຶ່ງກໍາລັງຮີບຮ້ອນລົງທະບຽນກ່ອນກໍານົດເວລາທີ່ຈະຂະຫຍາຍອອກໄປຈົນເຖິງວັນສຸກ ໄດ້ແກ່ Google ຂອງບໍລິສັດ Alphabet, Facebook Instagram ແລະ WhatsApp ຂອງ Meta ລວມທັງ Amazon.com


ການປິດກັ້ນການເຂົ້າເຖິງເວັບໄຊທ໌ຊອງຫຼາຍແພັດຟອມໃນມື້ນີ້ໄດ້ສົ່ງຜົນໃຫ້ຊາວອິນໂດເນເຊຍແຫ່ເຂົ້າໄປທະວິດຈົນທະວິດຕິດເທຣນໃນ Twitter ດ້ວຍແຮດເເທັກ "BlokirKominfo" (ບລ໋ອກກະຊວງຄົມມະນາຄົມ), Epic Games ແລະ PayPal ພ້ອມດ້ວຍຂໍ້ຄວາມວິຈານລັດຖະບານວ່າເປັນ ການທໍາລາຍອຸດສະຫະກຳເກມອອນໄລນ໌ຂອງອິນໂດເນເຊຍແລະ ຟຣີແລນຊ໌ (freelancers) ທີ່ຮັບເງິນຄ່າຈ້າງຜ່ານທາງ PayPal


ເຈົ້າຫນ້າທີ່ອາວຸໂສຍັງເປີດເຜີຍວ່າລັດຖະບານໄດ້ຫາທາງອອກເພື່ອແກ້ໄຂບັນຫາໂດຍການໃຫ້ປະຊາຊົນຖອນເງິນທີ່ຝາກຈາກ PayPal ເຊິ່ງລວມທັງການກັບມາເປີດເວັບໄຊທ໌ໃຫ້ເຂົ້າເຖິງໄດ້ອີເທື່ອໃນຊ່ວງເວລາສັ້ນໆ ແລະເນັ້ນຍ້ຳວ່າໜ່ວຍງານຄວບຄຸມຈະປົດລັອກໃຫ້ເຂົ້າເຖິງເວັບໄຊທ໌ແພັດຟອມທີ່ເຮັດຕາມກົດການຕົດທະບຽນຮັບໃບ​ອະ​ນຸ​ຍາດ​. ມາດ​ຕະ​ການ​ທັງ​ຫມົດ​ທີ່ໄດ້​​ປະ​ຕິ​ບັດໄປນັ້ນເພື່ອ​ຕ້ອງການປົກປ້ອງ​ຜູ້​ໃຊ້​ອິນ​ເຕີ​ເນັດຊາວອິນໂດເນເຊຍທີ່ມີ​ປະ​ມານ 191 ລ້ານຄົນ​ ເຊິ່ງເປັນ​ຕະ​ຫຼາດ​ທີ່​ສໍາ​ຄັນ​ໃນ​ພາກ​ພື້ນ​.

3 views0 comments