ຕຽມຈັດຄອນເສິດຄັ້ງທຳອິດໃນໂລກສະເໝືອນຈິງເທິງເກມ PUBG Mobile ພາຍໃນເດືອນນີ້



BLACKPINK ກຳລັງຈະມີຄອນເສີດຄັ້ງສຳຄັນ ເຊິ່ງບໍ່ໄດ້ຈັດຂື້ນໃນສະຖານທີ່ແຫ່ງໃດເທິງໂລກນີ້ ແຕ່ວ່າກຳລັງຈະມີຂື້ນບົນໂລກສະເໝືອນໃນໂລກຂອງເກມ PUBG Mobile ພາຍໃນເດືອນກໍລະກົດນີ້



ຄອນເສີດ BLACKPINK: THE VIRTULA ຈະມີຂື້ນໃນຊ່ວງທ້າຍອາທິດເປັນເວລາ 2 ອາທິດ ໃນລະຫວ່າງວັນທີ 22 – 23 ແລະ 29 – 30 ກໍລະກົດ ສຳລັບປະເທດໃນທະວີບອາເມລິກາເໜືອນ ແລະ ອາເມລິກາໃຕ້ ວັນທີ 23-24 ແລະ 30-31 ກໍລະກົດສຳລັບປະເທດໃນສ່ວນອື່ນໆຂອງໂລກ


ເບີ່ງປະກາດຈາກທາງ PUBG Mobile ຜ່ານທາງທະວີດເຕີໄດ້ດ້ານລຸ່ມນີ້

ເຊິ່ງໂຊຂອງ BLACKPINK ທີ່ຈະມີຂື້ນນີ້ເປັນຄອນເສີດຄັ້ງທຳອິດທີ່ເກີດຂື້ນໃນເກມ PUBG Mobile ໂດຍກ່ອນໜ້ານີ້ມີສິນລະປິນຊື່ດັງເລີ່ມກ້າວເຂົ້າສູ່ການຈັດຄອນເສີດໃນໂລກສະເໝືອນແລ້ວເຊັ່ນ ອາຣີ ອານາ ກຣານເດ Ariana Grande ແລະ ທຣາວິສ ສກ໊ອດ Travis Scott ທີ່ເປັນການສະແດງໃນເກມ Fortnite ຫຼື ລິນາສເອັກສ Lil Nas X ແລະ Royal Blood ທີ່ເປິດຄອນເສີດໃນເກມ Roblox


ແລະ ເມື່ອຕົ້ນເດືອນທີ່ຜ່ານມາ BLACKPINK ໄດ້ປະກາດວ່າພວກເຂົາມີແຜນທີ່ຈະປ່ອຍເພງໃໝ່ ແລະ ມີເວີລທັວຣໃນປີນີ້ຊື່ງທາງ YG Entertainment ໄດ້ປະກາດວ່າອາລະບັ້ມໃໝ່ຂອງພວກເຂົາກຳລັງຢູ່ໃນຊ່ວງທ້າຍຂອງການບັນທຶກສຽງ

ນອກຈາກນີ້ເຮົາຍັງໄດ້ຮູ້ເພງໃໝ່ຂອງ BLACKPINK ຈະປ່ອຍອອກມາຄືເດືອນສິງຫານີ້ ພ້ອມທັງມີໂປຣເຈັກໃຫຍ່ໆອີກຫຼາກຫຼາຍທີ່ຈະມີຂື້ນຕະຫຼອດຊ່ວງເຄີ່ງຫຼັງຂອງປີນີ້ ລວມທັງເວີລທົວທີ່ຈະເປັນ ເວີລທົວທີ່ໃຫຍ່ທີ່ສຸດໃນປະຫວັດສາດວົງເກີກຸບແຫ່ງວົງການເຄປ໊ອບ

 

1 view0 comments