Moto G32 ເປີດຕົວດ້ວຍຈໍ LCD 6.5 ນິ້ວ, ອັດຕາການໂຫຼດຫນ້າຈໍຄືນ 90 Hz, ຊິບ Snapdragon 680

Updated: Aug 19

ລ່າສຸດ Motorola ໄດ້ເປີດໂຕສະມາດໂຟນລຸ້ນໃໝ່ຕະກູນ Moto G ລຸ້ນ Moto G32 ທີ່ຈະວາງຂາຍໃນຕະຫຼາດເອີຣົບໃນລາຄາ 210 ເອີໂຣ (ປະມານ 3,360,000ກີບ) ຫຼັງຈາກນັ້ນອີກອາທິດຕໍ່ມາກໍຈະປ່ອຍມາສູ່ຕະຫຼາດອິນເດຍ ແລະ ພາກພື້ນ ລາຕິນອາເມລິກາ.



Moto G32 ຈະໃຊ້ຊິບເຊັດ Qualcomm Snapdragon 680 ເຊິ່ງມີປະສິທິພາບສູງກ່ວາ Helio G85 ທີ່ໃຊ້ໃນ Moto G31ໂດຍ G32 ຈະມີຕົວເລືອກຫນ່ວຍຄວາມຈໍາ 4/64GB ແລະ 6/128GB.

ນອກຈາກຊິບເຊັດທີ່ໄດ້ຮັບການພັດທະນາແລ້ວ, G32 ຍັງມາພ້ອມກັບໜ້າຈໍ LCD ຂະໜາດ 6.5 ນິ້ວ (ຄວາມລະອຽດ FHD+), ອັດຕາການໂຫຼດຫນ້າຈໍຄືນ 90 Hz, ແລະແບັດເຕີຣີ 5,000 mAh ທີ່ຮອງຮັບການສາກໄວ 30W.

ດ້ານຫຼັງມີເຊັນເຊີກ້ອງສາມຕົວຄື: ກ້ອງຫຼັກ 1/2.76 ນິ້ວ ຄວາມລະອຽດ 50 ລ້ານພິກເຊລ, ກ້ອງກວ້າງ 118 ອົງສາ ຄວາມລະອຽດ 8 ລ້ານພິກເຊລ ແລະ ກ້ອງມາໂຄຣ 2 ລ້ານພິກເຊລ.



ສ່ວນກ້ອງຖ່າຍຮູບດ້ານຫນ້າມາໃນລັກສະນະວົງມົນຢູ່ກາງຂອງຫນ້າຈໍທີ່ມີຄວາມລະອຽດ 16 ລ້ານພິກເຊລ.

ເຖິງແມ່ນວ່າ Moto G32 ບໍ່ມີຫນ່ວຍຄວາມຈໍາພາຍໃນຫຼາຍ ແຕ່ລຸ້ນນີ້ຈະຮອງຮັບ microSD ເພື່ອເພີ່ມໜ່ວຍຄວາມຈຳ ແລະຍັງມີຊ່ອງສຽບຫູຟັງ 3.5 ມມ ຢູ່

ໂຕເຄື່ອງມີຂະໜາດ 161.8 x 73.9 x 8.5 ມິນລີແມັດ ແລະ ນ້ຳໜັກ 184 ກຣາມ ມີ 3 ສີໃຫ້ເລືອກ: (Mineral Grey) ເທົາ, (Satin Silver) ເງິນ ແລະ (Rose Gold) ທອງບົວ.

1 view0 comments