Johnny Depp ກັບມາຮັບງານສະແດງເປັນຄັ້ງທຳອິດຫຼັງຊະນະຄະດີ: ຮັບບົດເປັນ 'ພະເຈົ້າ ຫຼຸຍທີ່ 15 ແຫ່ງຝຣັ່ງ'

ສຳນັກຂ່າວ Bloomberg ໄດ້ລາຍງານວ່າ ຈອນນີ ເດບ (Johnny Depp) ໄດ້ກັບມາຮັບບົດສະແດງອີກໂດຍເປັນຮູບເງົາເລື່ອງເງິນຟອມໃຫຍ່ທີ່ມີຊື່ວ່າ 'La Favorite' ເຊິ່ງຈະເລີ່ມຖ່າຍທຳທີ່ປະເທດຝຣັ່ງໃນລະດູຮ້ອນນີ້


 

ສຳນັກຂ່າວ Bloomberg ໄດ້ລາຍງານວ່າ ຈອນນີ ເດບ (Johnny Depp) ໄດ້ກັບມາຮັບບົດສະແດງອີກໂດຍເປັນຮູບເງົາເລື່ອງເງິນຟອມໃຫຍ່ທີ່ມີຊື່ວ່າ 'La Favorite' ເຊິ່ງຈະເລີ່ມຖ່າຍທຳທີ່ປະເທດຝຣັ່ງໃນລະດູຮ້ອນນີ້

'La Favorite' ເປັນຮູບເງົາດາມ່າອີງປະຫວັດສາດເຊີ່ງຮັບບົດເປັນພະເຈົ້າ ຫຼຸ່ຍທີ່15 ກະສັດທີ່ປົກຄອງຣາດຍາວຍານທີ່ສຸດອັນດັບ 2 ໃນປະຫວັດສາດຝຣັ່ງ ຈາກສີມືການກັບກຳຂອງ ມາຍເວນ ເລີ ເບດໂກ (Maïwenn Le Besco) ອະດີດນັກສະແດງສາວທີ່ເຄີຍມີຜົນງານການສະແດງໃນຮູບເງົາຄລາສສິກຂອງ ລຸກ ແບຊົງ (Luc Besson) ຢ່າງ 'The Professional' (1994) ແລະ '. The Fifth Element' (1997)

ທາງ Bloomberg ໄດ້ລາຍງານວ່າ ຮູບເງົາດັ່ງກ່າວມີກຳໜົດການສາຍໃນປີ 2023, ຫຼັງຈາກນັ້ນຈະນໍາໄປສາຍເບິງ Netflix ຂອງຝຣັ່ງຕໍ່ໄປ



ເດບ (Depp) ໃນປະຈຸບັນມີຜົນງານການສະແດງຫຼາຍກວ່າ 100 ເລື່ອງແລ້ວ ເລີ່ມເປັນທີ່ຮູ້ຈັກໃນ ຮໍລີວູດ (Hollywood) ຈາກບົດນ້ອຍໆ ໃນຮູບເງົາສະຢອງຂວັນຄລາສສິກຢ່າງ 'A Nightmare on Elm Street' (1984) ຂອງຜູ້ກຳກັບ ເວສ ເຄເວນ (Wes Craven) ໂດຍລາວໄດ້ເຮັດວຽກຮ່ວມກັບຜູ້ກຳກັບ ທີມ ເບີຕັນ (Tim Burton) ໃນ 'Edward Scissorhands' (1990) ເຊີ່ງເຮັດໃຫ້ລາວໄດ້ສະແດງສັກກະຍະພາບດ້ານການສະແດງ ແລະ ກ້າວຂື້ນເປັນນັກສະແດງນຳຊາຍທີ່ໂດດເດັ່ນຫຼາຍໃນຍຸກນັ້ນ

ເດບ ແລະ ເບີຕັ້ນ ຍັງໄດ້ຮ່ວມງານອີກຫຼາຍເລື່ອງບໍ່ວ່າຈະເປັນ 'Ed Wood' (1994), 'Charlie and the Chocolate Factory' (2005), 'Sweeney Todd: The Demon Barber of Fleet Street' (2007) ແລະ 'Alice in Wonderland' ( 2010).



ນອກຈາກເດບຍັງຮັບບົດເປັນກັບຕັນ Captain Jack Sparrow ໄດ້ຢ່າງໂດດເດັ່ນໃນແຟນຊາຍ 'Pirates of the Caribbean' ກ່ອນທີ່ເຂົາຈະຖືກຟ້ອງຮ້ອງຂໍ້ຫາທຳຮ້າຍຮ່າງກາຍໂດຍ ແອມເມີ ເຮີດ (Amber Heard) ອາດີດພັນລະຍາຂອງລາວ

ການຕໍ່ສູ້ຄະດີດັ່ງກ່າວໄດ້ແກ່ຍາວມາຕັ້ງແຕ່ປີ 2019 ຈົນຮອດປະຈຸບັນເດບໄດ້ຊະນະຄະດີໃນປີ 2022 ນີ້ ແຕ່ກໍ່ເຮັດໃຫ້ Depp ຕ້ອງສູນເສຍລາຍໄດ້ຈາກການສະແດງຮູບເງົາໄປຢ່າງມະຫາສານໃນຂະນະທີ່ຕໍ່ສູ້ຄະດີ



1 view0 comments