“ອ້າຍ Mark ຕ້ອງຕື່ນ!” ເມື່ອ Facebook ສູນເສຍການໂຄສະນາທີ່ພາກັນຫນີໄປລົງແພັດຟອມອື່ນເປັນຄັ້ງທໍາອິດ.

ບໍ່ວ່າຈະຫັນໄປບ່ອນໃດກໍ່ມີຄົນຈົ່ມກ່ຽວກັບ "ເຟສບຸກ" (Facebook), ບາງຄົນເວົ້າວ່າປິດກັ້ນເຮັດບໍ່ໃຫ້ເຫັນໂພສຂອງພວກເຂົາ. ຫຼາຍຄົນບອກວ່າຍິງໂຄສະນາຄືກັບຕຳໝາກເຜັດໃສ່ແມ່ນ້ຳ ບໍ່ວ່າຈະຍິງຫຼາຍປານໃດກໍບໍ່ໄດ້ຍອດຄືນ ເວັບໄຊ້ Hootsuite ຜູ້ຊ່ຽວຊານດ້ານສື່ສັງຄົມກ່າວວ່າ "ໂດຍສະເລ່ຍຄົນຈະເຫັນໂພສແບບ organic ຢູ່ Facebook Pages ຫຼື engage ພຽງແຕ່ 0.07% ເທົ່ານັ້ນ ." ນີ້ຫມາຍຄວາມວ່າຖ້າທ່ານມີຜູ້ຕິດຕາມ 1 ລ້ານຄົນ ໂດຍປົກກະຕິຈະມີຄົນເຫັນຫຼືກດໄລ້ກົດແຊຣໂດຍສະເລ່ຍຈະຢູ່ທີ່ປະມານ 700 ຄົນ (ຍົກເວັ້ນວ່າໂພສນັ້ນຕິດເປັນໄວຣັສ)



ກ່ອນຫນ້ານີ້ບໍ່ວ່າເຟສບຸກຈະເຮັດຫຍັງ ປັບ algorithm ວິທີການໃດ ທຸລະກິດຕ່າງໆ ທີ່ອີງໃສ່ຖານເຟສບຸກເຮົາບໍ່ສາມາດເຮັດຫຍັງໄດ້ເພາະວ່າບໍ່ມີທາງເລືອກ. (ຫຼືທີ່ມີກໍບໍ່ໄດ້ດີກວ່າ) ແລະ ຜູ້ໃຊ້ສ່ວນຫຼາຍກໍຢູ່ທີ່ນີ້.

ແຕ່ໃນປັດຈຸບັນທິດທາງລົມໄດ້ເລີ່ມມີການປ່ຽ Meta ບໍລິສັດແມ່ຂອງ Facebook ກໍາລັງປະເຊີນກັບບັນຫາໃຫຍ່. ນັກວິເຄາະຈາກສຳນັກຂ່າວ The Wall Street Journal ຄາດຄະເນວ່າຈໍານວນຜູ້ໃຊ້ຢູ່ໃນ 'ຍັກໃຫຍ່ໂຊຊ້ຽວມີເດຍ' ເຊັ່ນເຟສບຸກມີແນວໂນ້ມທີ່ຈະບໍ່ເຕີບໂຕໃນໄຕມາດທີ່ສອງຂອງປີນີ້ເຊິ່ງ Mark Zuckerberg ເອງໄດ້ອອກມາກ່າວວ່າສະຖານະການນີ້ແມ່ນ ​” ຊ່ວງເວລາທີ່​ຮ້າຍ​ແຮງ​ທີ່​ສຸດເທື່ອໜຶ່ງທີ່ເຄີຍປະສົບ​ໃນ​ປະ​ຫວັດ​ສາດ” ​. ແລະ ຍັງໄດ້ຢຸດການຈ້າງວຽກຊົ່ວຄາວສຳລັບເຄືອບໍລິສັດເມຕ້າ meta ຫຼາຍກວ່າ 40% ຈາກເປົ້າໝາຍໃນການຈ້າງງພະນັກງານ 10,000 ເຫຼືອປະມານ 6,000 ຄົນເທົ່ານັ້ນ


ແລະ ແພັດຟອມອື່ນທີ່ສ້າງລາຍໄດ້ຈາກໂຄສະນາເຊັ່ນ Google, Twitter ຫຼື Snap ບໍ່ມີຜົນກະທົບເລີຍບໍ? ເຂົາກໍມີຜົນກະທົບຄືກັນ ແຕ່ Facebook ມີຄວາມແຕກຕ່າງອອກໄປບ່ອນທີ່ມີບັນຫາຄວາມວຸ້ນວາຍອື່ນໆທີ່ດັກຖ້າຢູ່ກອນໜ້ານີ້ຄືກັບລະເບີດເວລາ.

ທັງຮູບພາບລັກທາງລົບຂອງເເພັດຟອມ ການດັນໂພສທີ່ສ້າງຄວາມແຕກແຍກ ແລະ ຂັດແຍ້ງ ບັນຫາການລະບາດຂອງຂ່າວປອມທີ່ບໍ່ສາມາດແກ້ໄຂໄດ້ ຄວາມບໍ່ແນ່ນອນຂອງອະນາຄົດບໍລິສັດກ່ຽວກັບ (Metaverse) ວ່າຈະທາງໃດ (ຫຼືເກີດຂຶ້ນບໍ່?), ແຕ່ຢ່າງໃດກໍ່ຕາມທີ່ຜ່ານມາບໍລິສັດຂະຫນາດໃຫຍ່ ແລະ ຂະຫນາດນ້ອຍຍັງຢືນຢູ່ໃນເຟສບຸກເພາະວ່າຢ່າງຫນ້ອຍ ພວກເຂົາຍັງສາມາດຂາຍເຄື່ອງໄດ້. ຍັງສາມາດຊອກຫາລູກຄ້າໄດ້ ແຕ່ຍ້ອນເສດຖະກິດຊ້າລົງ ອັດຕາເງິນເຟີ້ເຮັດໃຫ້ຜູ້ບໍລິໂພກກັງວົນ, ອາຫານແພງ, ນໍ້າມັນແພງ, ປະຊາຊົນສ່ວນໃຫຍ່ຕັດການໃຊ້ຈ່າຍທີ່ບໍ່ຈໍາເປັນ. ​ແລະ​ ສະຖານະ​ການ​ສົງຄາມຣັດ​ເຊຍ-​ອູ​ແກຣນຍັງ​ຄົງ​ເບິ່ງ​ຄື​ວ່າ​ຍັງ​ຍືດ​ເຍື້ອ ອະນາຄົດຂອງເຟສບຸກແມ່ນເລີ່ມເບິ່ງບໍ່ແນ່ນອນແລ້ວ.

ນັກວິເຄາະຈາກບໍລິສັດເອເຈນຊີ້ໂຄສະນາຫຼາຍບ່ອນລ້ວນແຕ່ກັງວົນກ່ຽວກັບເລື່ອງນີ້. ເພາະຕະຫຼອດໄລຍະຫຼາຍປີທີ່ເບິ່ງກ່ຽວກັບໂຄສະນາໃຫ້ກັບທຸລະກິດນັ້ນ ງົບໂຄສະນາອອນໄລນັບມື້ນັບມີການແຂ່ງຂັນສູງ ແຕ່ຕອນນີ້ເປັນເທື່ອທຳອິດທີ່ຫຼາຍບໍລິສັດກຳລັງສົ່ງສັນຍານວ່າຈະຫຼຸດງົບໂຄສະນາອອນໄລລົງ ໂດຍສະເພາະໃນແພັດຟອມຂອງເມຕ້າທີ່ເຄຍແນມແຫັນວ່າເປັນສິ່ງຈຳເປັນມາຕະຫຼອດ ແຕ່ຕອນນີ້ບໍ່ແມ່ນແລ້ວ


ສິ່ງ​ທີ່​ເກີດ​ຂຶ້ນ​ເປັນ​ຄື​ກັບ​ກະ​ຕຸ້ນ​ສໍາ​ລັບ​ເຟ​ສ​ບຸກ​ໃຫ້ກັບ​ເບິ່ງ​ຕົວ​ມັນ​ເອງ​ອີກ​ເທື່ອ​ຫນຶ່ງ. ປຸກ Zuckerberg ຕື່ນຈາກພະວັງທີ່ພະຍາຍາມປຸກປັ້ນ Metaverse. ແລ້ວກັບມາແກ້ໄຂບັນຫານີ້. ກ່ອນທີ່ມັນຈະຊ້າເກີນໄປ Laura Martin ນັກວິເຄາະຈາກບໍລິສັດວານິດທະນະກິດອິດສະລະ ແລະ ບໍລິສັດຄຸ້ມຄອງຊັບສິນ Needham ໄດ້ຫຼຸດຄວາມໜ້າສົນໃຈຂອງ Meta ລົງຈາກ 'ຖືຖ້າ' ໃຫ້ເປັນ ບໍ່ເປັນໄປຕາມເປົ້າ (Underperform) ໂດຍໃຫ້ເຫດຜົນວ່າລາຍໄດ້ມີແນວໂນ້ມທີ່ຈະຫຼຸດລົງໃນອະນາຄົດ ແລະ ການທຸ້ມເງິນຈໍານວນຫຼວງຫຼາຍໃນການພັດທະນາໄປກັບ metaverse ແຕ່ມັນຄົງຈະຍັງບໍ່ສາມາດສ້າງລາຍຮັບໃນອະນາຄົດອັນໃກ້ນີ້ໄດ້. Matthew Bailey ນັກວິເຄາະຫຼັກຂອງບໍລິສັດຄົ້ນຄ້ວາ Omdia ຄາດຄະເນວ່າ Facebook ຈະເຕີບໂຕພຽງແຕ່ 16% ໃນປີ 2022, ຫຼຸດລົງຈາກ 37% ຂອງປີກ່ອນ.

"ພວກເຮົາຄາດຄະເນວ່າສ່ວນແບ່ງລາຍໄດ້ໂຄສະນາອອນໄລທົ່ວໂລກຂອງ meta ຈະຫຼຸດລົງເປັນຄັ້ງທໍາອິດໃນປີ 2022" Bailey ເວົ້າว่าເຖິງແມ່ນວ່າບໍລິສັດ Meta ໄດ້ອອກມາຕອບໂຕ້ຢ່າງຫມັ້ນໃຈກ່ຽວກັບເລື່ອງນີ້ว่า. "ພວກເຮົາເຊື່ອວ່าແພັດຟອມຂອງພວກເຮົານຳສະເໜີວິທີການທີ່ດີທີ່ສຸດເພື່ອເຊື່ອມຕໍ່ກັບຜູ້ຄົນ ສະ​ນັ້ນ​ເຮົາ​ຈຶ່ງເນັ້ນ​ການ​ປະ​ຕິ​ບັດ​ແຜນ​ການ​ໄລ​ຍະ​ຍາວ​ຂອງ​ພວກ​ເຮົາ​ໃຫ້ສຳ​ເລັດ

ບັນຫາແມ່ນທຸລະກິດຫຼາຍບ່ອນເລີ່ມບໍ່ເຊື່ອໝັ້ນແບບນັ້ນແລ້ວ.


ຮູບແບບທຸລະກິດຂອງ Facebook ໄດ້ຮັບຜົນກະທົບຢ່າງໜັກຈາກການປ່ຽນແປງນະໂຍບາຍຄວາມເປັນສ່ວນຕົວ iOS ຂອງ Apple, ບໍລິສັດກ່າວວ່າໃນຕົ້ນປີ 2022 ລາຍໄດ້ຫຼຸດລົງຫຼາຍກວ່າ 10 ຕື້ໂດລາ ຫຼືປະມານ 360 ຕື້ບາດ. ຈາກການປ່ຽນແປງນີ້, ເຊິ່ງຕໍ່ມາ Google ກໍໄດ້ປະຕິບັດຕາມ. ພ້ອມຈະປ່ຽນນະໂຍບາຍຄວາມເປັນສ່ວນຕົວໃນ Android ໃນອະນາຄົດທີ່ຈະມາເຖິງເຊັ່ນກັນ. (ແບບນີ້ຈະເຮັດໃຫ້ເຟສບຸກໄດ້ຮັບຜົນກະທົບຮ້າຍແຮງກວ່າເກົ່າ)



ຊື່​ສຽງ​ຂອງ Facebook ກໍເປັນອີກສ່ວນໜຶ່ງທີ່ຕິດລົບລົງເລື່ອຍໆ ຕັ້ງແຕ່ການປ່ອຍໃຫ້ຂໍ້ມູນ​ຜູ້​ໃຊ້ 87 ລ້ານ​ຄົນຫຼູດລົງໄປ ​ຍັງ Cambridge Analytica, ຄືບໍລິສັດ​ຄົ້ນຄວ້າ​ຂໍ້ມູນທາງດ້ານການຕະຫຼາດ ເພື່ອ​ໃຊ້​​ແຊກ​ແຊງ​ພຶດຕິ​ກຳ​ຂອງ​ຜູ້​ໃຊ້. ຈົນສົ່ງຜົນຕໍ່ການເລືອກຕັ້ງປະທານາທິບໍດີສະຫະລັດອາເມລິກາມນປີ 2016 ເກີດການລະບາດຂອງຂ່າວປອມໃນລະຫວ່າງຊ່ວງການເລືອກຕັ້ງທີ່ Donald Trump ໄດ້ຂື້ນເປັນປະທານາທິບໍດີ. ຈົນກ່ວາການເລືອກຕັ້ງອິກເທື່ອມາໃນປີ 2020 ຍັງບໍ່ສາມາດແກ້ໄຂບັນຫານີ້ໄດ້.


ບໍລິສັດຍັງໄດ້ສູນເສຍຜູ້ຊາຍທີ່ຢູ່ເບື້ອງຫລັງຄວາມສໍາເລັດຂອງບໍລະສັດຢ່າາງ Sheryl Sandberg ຜູ້ທີ່ຊ່ວຍຊຸກຍູ້ເຟສບຸກຈາກການເລີ່ມຕົ້ນຂະຫນາດນ້ອຍໃຫ້ກາຍເປັນອົງກອນໃຫຍ່ໄປສູ່ບໍລິສັດລະດັບໂລກມາດົນກວ່າ 14 ປີ ນາງໄດ້ປະກາດລາອອກຈາກຕໍາແຫນ່ງ CEO ຂອງບໍລິສັດເພື່ອສຸມໃສ່ວຽກການກຸສົນ. ໜຶ່ງໃນວຽກງານທີ່ສໍາຄັນຂອງນາງແມ່ນການສ້າງລະບົບການໂຄສະນາຖືກກຸ່ມເປົ້າໝາຍ. ຮູບແບບລາຍຮັບທີ່ເຮັດໃຫ້ບໍລິສັດທີ່ເຄີຍສູນເສຍຂາດທືນໃຫ້ກາຍມາເປັນຍັກໃຫຍ່ແຫ່ງວົງການໂຄສະນານີ້.


ນີ້ແມ່ນມໍລະສຸມຂອງເຟສບຸກທີ່ຮຸກຮານ. ທັງຮູບແບບທຸລະກິດທີ່ບໍ່ສາມາດເພິ່ງພາ iOS ໄດ້ອີກຕໍ່ໄປ ຄວາມຫມັ້ນໃຈຂອງຜູ້ໃຊ້ບໍລິການທີ່ຫຼຸດລົງ. ລວໄປເບີ່ງການສູນເສຍ Sandberg ໄດ້ກາຍເປັນຄໍາຖາມຢູ່ໃນໃຈຂອງເອເຈນຊີ້ໂຄສະນາແລະທຸລະກິດທັງຫຼາຍວ່າລະບົບການໂຄສະນາຂອງ Facebook ຕໍ່ໄປຈະເປັນແນວໃດ


ແຕ່​ຍັງບໍ່​​ພໍ​ໃນປັດຈຸບັນແພັດຟອມຍັງມີບັນຫາໃຫຍ່ອີກອັນຫນຶ່ງຄືບໍ່ສາມາດດຶງດູດຄົນຮຸ່ນໃຫມ່ໃຫ້ມາໃຊ້ງານໄດ້. ສະນັ້ນມັນຈຶ່ງເປັນພື້ນທີ່ທີ່ເຕັມໄປດ້ວຍຜູ້ໃຊ້ທີ່ມີອາຍຸຫລາຍຂຶ້ນ, ໂດຍຄົນຮຸ່ນໃໝ່ໄດ້ຍ້າຍໄປໃຊ້ແພັດຟອມອື່ນເຊັ່ນ TikTok ຫຼາຍກວ່າ

ໃນຄວາມເປັນຈິງເງິນໂຄສະນາທີ່ຫຼຸດລົງຂອງ Facebook ອາດຈະບໍ່ຫາຍໄປຫມົດຈາກລະບົບ. ເຖິງແມ່ນວ່າພວກເຮົາເວົ້າວ່າເສດຖະກິດບໍ່ດີຫຼືອັດຕາເງິນເຟີ້ຕ່າງໆ ແຕ່ຄົນຍັງຕ້ອງຊື້ຕ້ອງຈ່າຍ. ສະນັ້ນບັນດາບໍລິສັດ ແລະ ທຸລະກິດກໍຍັງຕ້ອງພະຍາຍາມຕ້ອງຊອກຫາລູກຄ້າຕໍ່ໄປ ພຽງ​ແຕ່​ເງິນ​ໄດ້​ຖືກ​ຍ້າຍ​ໄປ​ບ່ອນ​ອື່ນ​ຫຼາຍ​ຂຶ້ນ​.


ເມື່ອຖາມວ່າ meta ຈະຫາຍໄປໃນໄວໆນີ້ບໍ່ ຄໍາຕອບແມ່ນ "ອາດຈະບໍ່ເປັນແບບນັ້ນ." ເນື່ອງຈາກວ່າເກືອບ 3000 ລ້ານຄົນ ຄືຈະຢູ່ບໍ່ຫາຍໄປໝົດ, ທຸລະກິດສ່ວນໃຫຍ່ກໍຍັງຢູ່ ແລະ ບໍ່ຫາຍໄປໃສ ເຖິງແມ່ນວ່າການເຂົ້າເຖິງຈະຖືກກົດດັນ ຫຼືຄົນຈະບໍ່ເຫັນໂພສຫຼາຍເທົ່າເມື່ອກ່ອນ ເບິ່ງຈາກອີກມຸມໜຶ່ງເມື່ອບໍລິສັດໃຫຍ່ ຫຼື ການທີ່ທຸລະກິດໄປລົງໂຄສະນາຢູ່ບ່ອນອື່ນຫຼາຍມັນອາດຈະຊ່ວຍໃຫ້ບໍລິສັດທີ່ມີພື້ນຖານຢູ່ Facebook ໄດ້ຮັບການເບິ່ງເຫັນຫຼາຍຂຶ້ນຍ້ອນວ່າການແຂ່ງຂັນຂອງແພັດຟອມຫຼຸດລົງ


ແຕ່ຢ່າລືມວ່າໃນປັດຈຸບັນ TikTok ແມ່ນການຂະຫຍາຍຕົວໄວຫຼາຍ ເຂົາຍັງປະເຊີນກັບບັນຫາເລື່ອງຄວາມເປັນສ່ວນຕົວຂອງຂໍ້ມູນລູກຄ້າທີ່ສາມາດເຂົ້າເຖິງໄດ້ໂດຍພະນັກງານຂອງບໍລິສັດໃນປະເທດຈີນ ເຊິ່ງເຈົ້າໜ້າທີ່ຈາກ FCC (Federal Communication Commission - Federal Communications Commission, ຄ້າຍກັບ NBTC ຂອງປະເທດເຮົາ) ໄດ້ອອກມາຮຽກຮ້ອງໃຫ້ Apple ແລະ Google ຖອນ TikTok ອອກຈາກ AppStore/PlayStore ເຊັ່ນກັນ. ປັດຈຸບັນ TikTok ຖືກຫ້າມລໍ້ຢູ່ທີ່ນີ້.



ຖ້າ Facebook ຄືເຮືອລຳໜຶ່ງທີ່ລອຍຢູ່ໃນທະເລ ຄື້ນ​ທະ​ເລ​ທີ່​ເຮັດ​ໃຫ້​ເຮືອອຽງໄປອຽງມາເປັນສັນຍານເຕືອນ​ໃຫ້ Zuckerberg ຮູ້ວ່າ​ຢູ່​ຂ້າງ​ໜ້າມີ​ລົມ​ພະຍຸ​ໃຫຍ່ກຳລັງຖ້າຢູ່. ລາວ​ຕ້ອງ​ກຽມ​ຕົວ​ໃຫ້ພ້ອມຖ້າ​ລາວ​ຢາກ​ຈະ​ເອົາ​ເຮືອ​ລຳ​ນີ້​ຜ່ານ​ຄື້ນ​​ລົມ​ອັນຮ້າຍແຮງນີ້ໄປໄດ້ Meta ຕ້ອງກັບໄປເບິ່ງແຍງລູກຄ້າຂອງເຂົາ. ນັ້ນແມ່ນຄື ທຸລະກິດທີ່ຈ່າຍເງິນຄ່າໂຄສະນາທຸກໆມື້ກັບຄືນມາໃຫ້ຜູ້ໃຊ້ທີ່ເຂົ້າມາໃນແພັດຟອມແລະເຮັດໃຫ້ມັນເປັນຊຸມຊົນອອນໄລທີ່ມີຊີວິດຊີວາ. ຕ້ອງຊອກຫາວິທີການສ້າງລະບົບການໂຄສະນາທີ່ມີປະສິດທິພາບທີ່ບໍ່ຂຶ້ນກັບຄົນອື່ນ. ຊຶ່ງ​ເຂົາ​​ໄດ້​ປະ​ກາດ​ວ່າກຳລັງສ້າງ ເຖິງຈະຕ້ອງໃຊ້ເວລາໃນການສ້ງຫຼາຍປີກໍຕາມ ແລະແນ່ນອນເຖິງແມ່ນວ່າການລອກວຽກບ້ານຂອງ TikTok ແພັດຟອມວິດີໂອສັ້ນອາດຈະດຶງດູດຜູ້ໃຊ້ງານມາສ້າງຄອນເທັ້ນໃນນີ້ໃຫ້ຫຼາຍຂື້ນ ແຕ່ຍັງຕ້ອງເພີ່ມວິທີການໃນການສ້າງລາຍໄດ້ໃຫ້ກັບເຫຼົ່າຄີເອເຕີ້ທັງຫຼາຍໃຫ້ພຽງພໍນຳ.

ສໍາລັບ Zuckerberg ຕ້ອງຕື່ນຂຶ້ນມາເພື່ອແກ້ໄຂບັນຫານີ້ໃຫ້ໄດ້ກ່ອນ ຖ້າປະສົບຜົນສໍາເລັດແລ້ວ ຫຼັງຈາກນັ້ນຄ່ອຍກັບຄືນໄປນອນຝັນຫາ Metaverse ບໍ່ມີໃຜວ່າຫຍັງເລີຍ.

2 views0 comments