ກ໊ອດ ທັກສິນ ຈຸນລະມຸນຕຣີ “ໜຸ່ມນ້ອຍ ມາດສຸດຂຸມ”

ຊື່ ທັກສິນ ຈຸນລະມຸນຕຣີ ຊື່ຫຼີ້ນ ກ໊ອດ,ອາຍຸ 22ປີ,ສູງ 175cm, ນ້ຳໜັກ 73 ກິໂລ

ກຳລັງສຶກສາຢູ່ປີ2 ວິທະຍາໄລໂລໂກສ,ເວລາຫ່ວາງມັກ ຟັງເພງ,ກີລາທີ່ມັກແມ່ນ: ເທຄອນໂດ້,ເຊປາກະຕໍ້. ສຳຫຼັບຈຸດເລີ່ມຕົ້ນໃນວົງການບັນເທີງແມ່ນການເດີນແບບຢູ່ໂຮງຮຽນລາວເທວເປັນງານການກຸສົນແບ່ງປັນຮັກ,ວຽກທີ່ມັກທີ່ສຸດໃນວົງການບັນເທີງແມ່ນຢາກເປັນນັກຮ້ອງ. ຄວາມໄຝ່ຝັນສູງສຸດໃນວົງການບັກເທີງແມ່ນເປັນຊຸບເປີ້ສະຕາຂອງປະເທດລາວ,ສ່ວນແຮງບັນດານໃຈທີ່ເຮັດໃຫ້ໄດ້ມາຢູ່ຈຸດນີ້ແມ່ນມີດາຣາລຸ້ນອ້າຍຫຼາຍໆຄົນທີ່ປະສົບຜົນລຳເລັດເປັນໄອດໍ້.

ຄາເລັກເຕີ້ “ໜຸ່ມນ້ອຍ ມາດສຸດຂຸມ”

ໄທເກີ້ ລະຄອນເພັງ ຊູວັນທອງ “ໜຸ່ມຫຼໍ່,ເທ້ສາຍບູ້”

ຊື່ ລະຄອນເພັງ ຊູວັນທອງ ຊື່ຫຼີ້ນ ໄທເກີ້, ອາຍຸ 18ປີ, ສູງ 175cm, ນ້ຳໜັກ 65ກິໂລ, ກຳລັງສຶກສາຢູ່ຊັ້ນມໍ6 ໂຮງຮຽນມໍສໍ ວຽງຈັນ ເວລາຫ່ວາງມັກແຕ້ມຮູບ,ຮ້ອງເພງ,ກີລາທີ່ມັກແມ່ນເຕະບານ,ຕີມວຍ. ຈຸດເລີ່ມຕົ້ນໃນວົງການບັນເທີງແມ່ນ:ເດີນແບບເສື້ອຜ້າ,ປະກວດເດີນແບບຂອງ ລາວໂທລະຄົມ ໄດ້ຕິດທ໊ອບ5ຄົນສຸດທ້າຍ, ວຽກໃນວົງການບັນເທີງແມ່ນມັກການສະແດງຫຼາຍທີ່ສຸດເພາະມ່ວນ,ມີໝູ່ຫຼາຍຄົນ, ສ່ວນຄວາມໄຝ່ຝັນສູງສຸດໃນວົງການບັນເທີງແມ່ນເປັນນັກສະແດງດີເດັ່ນ,ຢາກມີຜົນງານຫຼາຍໆເພື່ອໃຫ້ມີຄົນຮູ້ຈັກຫຼາຍຂື້ນ, ແຮງບັນດານໃຈທີ່ເຮັດໃຫ້ເຂົ້າມາຢູ່ໃນວົງການບັນເທີງແມ່ນມີນັກສະແດງລຸ້ນອ້າຍເປັນແບບຢ່າງ.

ຄາເລັກເຕີ້ “ໜຸ່ມຫຼໍ່,ເທ້ສາຍບູ້”

ເຈແປນ ສິດທິເດດ ແກ້ວຈູມສີ “ໜຸ່ມນ້ອຍ ໜ້າຮັກ ສະຕາຍເກົາຫຼີ”

ຊື່ ສິດທິເດດ ແກ້ວຈູມສີ, ຊື່ຫຼີ້ນ ເຈແປນ,ອາຍຸ 19ປີ,ສູງ 178cm, ນ້ຳໜັກ 60ກິໂລ,ກຳລັງສຶກສາ ບໍລິຫານທຸລະກິດ ປີ2 ວິທະຍາໄລລາວທອບ

ເວລາຫ່ວາງແມ່ນຮຽນຊ້ອມເດີນແບບ,ຖ່າຍແບບ,ຊ້ອມການສະແດງ,ຫຼີ້ນກີຕ້າ

ກີລາທີ່ມັກແມ່ນບານບ້ວງ. ຈຸດເລີ່ມຕົ້ນໃນວົງການບັນເທີງແມ່ນສະແດງເອັມວີເພງ (ຄືນສຸດທ້າຍ),ວຽກໃນດ້ານວົງການບັນເທີງມັກຫຼາຍທີ່ສຸດແມ່ນການສະແດງເພາະວ່າການສະແດງໄດ້ໃຊ້ຮ່າງກາຍ,ຄວາມຮູ້ສຶກແລະຈິດວິນຍານໃນການເຮັດວຽກຈື່ງເຮັດໃຫ້ເຈແປນມີຄວາມສຸກກັບມັນ.ຄວາມຄາດຫວັງຢາກໄປໃຫ້ສຸດ,ຢາກໃຫ້ທຸກຄົນຮູ້ວ່ານີ້ແມ່ນເຈແປນ,ຢາກມີໜ້າຕາ,ມີຊື່ສຽງດັງເຖິງທີ່ສຸດ ແລະ ສ່ວນແຮງບັນດານໃຈຄືຕົນເອງຮັກແລະມັກໃນການສະແດງມັກທຸກຢ່າງໃນວົງການບັນເທີງ.

ເຈແປນຢາກຝາກເຖິງນ້ອງໆທີ່ຢາກເຂົ້າມາໃນວົງການບັນເທີງວ່າ: ຖ້າເຮົາຮັກ ແລະມັກໃນວົງການບັນເທີງຂໍໃຫ້ນ້ອງໆສູ້ບໍວ່າຈະເຈີອຸປະສັກຫຍັງກໍ່ຢ່າທໍ້, ເຮັດໃຫ້ໄດ້ ແລະ ໄປໃຫ້ສຸດເດີ ເຈແປນເປັນກຳລັງໃຈໃຫ້.

ຄາເລັກເຕີ້ “ໜຸ່ມນ້ອຍ ໜ້າຮັກ ສະຕາຍເກົາຫຼີ”